ABÌKAKAN 16:10 - Ala Ane Wene Ket Mene Warogo Wo'ninapike Wene10 It malaikat amanogo mene inebe 4 atì'nogo pelabi wagaikasik oba nen aike nen Ala a'mage i negen hinago a'nogo mene aike kesalogo yeke lo yeke hake hùko mene a'nogo kain welagarek obùlùk oba pelapenem he, o at kain logolìk hagisek welagarek oba obogat mùm aga laga. Atì'nogo mùm aganem, it apùnì heinet watì logolìk, inameli inaik en hùnethìlìk, mel ìkì lagaika: “Ninoumo on weak yoma nabìt o,” ìlùk, အခန်းကိုကြည့်ပါ။ |
Atì'nogo hagasugun atì re, Ala nen isike mene higit hogoat haga'lasuagalùk, at enat a'la akikerek mene atì, it ap kaintek atì ina'la kagalhomo, it inetaùken omakeat logolìk, it en he, at yeke lo yeke hake a'nogo yogotì logolìk, Nit kain ninetagewerek welago mene atì, hat kain hetagewerek logoinok o, ìlùk esewerek hìlìk, inom en, he yanani nìlìk nikerek mene a'nogo ebe wasugun atì.
Atì'nogo ikenem holhìrìk oba nen opolik he, at malaikat omame apik mene aike wagasik helep hùko yì mene ti mene sagalharek mene hake mene wouk hogo i laut yekele'ma pelapi logolìk mel ike: “At Ala nen hit apùnì o kota Pabel mene, yì'nogoat omamerogo po pelakhikegein o. Atì'nogo pelakhikamo, hobuk apùnì nen ineileken hisogoin motok lek o.
Atì'nogo yogohisamo, hit eta'ma logolìk, ap Aberaham mel, Yakùp mel, Isak mel, ap he'nakìt Ala ane yogoisìkì lagaukwa mene amanogo mel, Ala awe a'ma hanoma atoma were'ma, hineileken kelagisogoin o. Nen, hit enek he, kwe yagarogo wulakhikamo eta'ma atoma logolìk, hinaik hùnogo lì ago le ago iko motok logogun o.
Atì'nogo pi wagasik ane hùkorogo mel yogoisike: “Apùnì aike nen anggur eken amusu wogisikenem nìlìk sìnì'nùk agaikarek atì hak, he kain yanani nikerek mene a'nogo agasabu lagaikenem, Hakhanini, ìlùk, apùnì inùkùl etage lopok obogat mel, ap kaintek inetagepogot kweangma mene mel, yogoisikenem, it en pailak hakhìkì lagaika atì. Nen, at he atì agasabu lagaikenem hakhouagalùk oabùt hagaterek atì ba, apùnì kweangma mene yì mene tì mene oko ha abaragarek mene ineilmo wùlalhak hagarìkì lagaikaat. Atì'nogo hagatì lagaika meneat he, yogotak arat yeloken tagalagaika yì, heing! Atì'nogo yeloken tagalagaikama re, Ibilit agoromì inom mel, mokareke oabùt weak mene mel, Sùe atì mene nasak lek ìlùk agaseratarek mene obogat mel, it inaua haga'laga o,” ìlùk yogosike.
Atì'nogo werek kolek, apùnì kweangma mene inebe obogat en ìkì logolìk he, “It ap pìre wene yogonisìkì lagaika mene yì nen, yì aik tì aik apik ninoba hìkì lagaika mene a'nogo inebe hanoat inoata,” ìlùk ina'la hai apik hakìkì logolìk, pesta hagatìk, yì mene tì menu oko lek it aike nen aike wogisìgìk, wok-wok ìkì logogun.
Atì'nogo heki wenasi legein meneat he, o silimo Ala awì wùrì'mo abel etakwe nek he, Ala nen it apùnì at ebe inokot mene wogisikomo, it en o silimo aroma mel, Ala okawerek awì kota arì mel, inesok en al lebelho kolek tugi 42 nen, ineki 1260 nen, logogun atì nen he, hat en walhasak motok lek o. It atì'nogo werek kolek, an nen ap inebe pìre su pelagwì su labetarek atì hak laberek logolìk, an nane pak hogo yogoisìkì logouagalùk laksa wesigin o,” ìlùk yogonete.
Atì'nogo malaikat inebe hìnagan inapikon anethagasik oba nen, aike apìkon anethikenem he, mo mel, tugi mel, hesagal mel, apùnì tùgì inoatenem inomame lek agarek atì hak, inabinak 3 ba mìkìlogo hìlìk, pìre herakhìkì logolìk, aike mùm arìk yatì'lek kamo ìkì logolìk, o like omakeat mene, hùkokwe mo yatì logopik en, hamùlùkkwe yatì'lek kamo ìgìk, o hùako omakeat mene, hùkokwe lìa logopik en, hamùlùkkwe mùm motok agìk, ìkì laga hìgì.