ABÌKAKAN 15:1 - Ala Ane Wene Ket Mene Warogo Wo'ninapike Wene

¹ Neileken atì'nogo lakhìgìrìk oba nen, opolik he, apùnì nen hùthoagalùk, elalin mene aike hùko mene inayùk hake yì'nogo pogot oba weinam aganem lakhìgì. Ala a'mage elùgùn kobok apùnì inoba hìlìk weagarinabigin atì nen he, ineki 7 ba weagarinabigin mene, malaikat inebe 7 nenat weinam aganem lagisìgì.

ABÌKAKAN 15:1 ပူးပေါင်းရင်းမြစ်များ

ABÌKAKAN 21:9

Atì'nogo yogonetesik oba nen opolik he, Ala nen elùgùn kobok apùnì weagarinabuagalùk, it malaikat inebe 7 nen Ala a'mage i negen hinago wolok kesali wagaika mene amanogo mene aike wagasik mel yogonete: “Topa Eak en agwe negen ìkike mene atì ebe yakùlhesumo heileken lakhanok en eme o,” ìlùk yogonete.

ABÌKAKAN 19:15

At atì'nogo nìkì logolìk, apùnì inùkùl etage lopok obogat mabenetsegein mene, karok ela apik mene apelema nen wùlìbi waga laga hìgì. Atì'nogo mabenetsìlìk sìge lùk posie omaken omame apik atì hak, at ane omame ba apùnì haksìlìk, opase Ala omame motok api'mo re, yì mene tì mene hagasusak enek a'nogo a'mage lagalìk, ùkùm inoba hikenem anggur eken amusu keraluogolùk obùlùk oba sagalharek atì hak, at esok en al lebelinabigin mene hìgì.

ABÌKAKAN 16:1

Atì'nogo lakhigìrìk oba nen, opolik he, Ala awì wùrì'mo a'nogo nen, at ane hùkorogo it malaikat inebe 7 ba amanogo mel yogoisikenem nasuk holhì: “An Ala na'mage i negen isoak ebe 7 ba hinago mene arì kesalogo apùnì kweangma mene inoba pelabi lani o,” ìlùk yogoisike holhì.

ABÌKAKAN 14:19

Atì'nogo yogotomo, at a'nogo akarok wolok kweangma pikesik, anggur eken kweangma mene ageiyo ba nen palogo eken sagalharek mene obùlùk hùko mene a'la po lakhikenem hìgì. Eken sagalharek oba atì ebe re, Ala nen a'mage hùkorogo inoba hikerek atìat o.

ABÌKAKAN 14:10

apùnì nen, i inom lek, we anggur eken amusu nek ale weak hinatharek atì hak, Ala a'mage hit etawìthinapì'lek, ùkùm ning hogo hinoba hegein o. Atì'nogo hinoba hìlìk, nit malaikat Ala hesik welagorek mene mel, Topa Eak a'nogo mel, nineilhanem hinebe, etu mel, hetalì al hake obasi weak mene etage belerang mel, inom-inom nikere'ma atoma lakhikamo, heinet wato motok logogun o.

ABÌKAKAN 11:14

Atì'nogo hagatenem isìgì atì, lakhani! Weagarinabigin mene a'nogo re, ineki pìre ba arat weagarinapasik, opolik aike hepogat weagarinabigin mene weregat o.

ABÌKAKAN 10:3

yeke lo yeke hake etage singa atì mene ane kwe ikerek atì hak ane hùkorogo ikenem, wene oko re, okuku ane 7 ba nen yogotì lagaika.

ABÌKAKAN 8:6

Atì'nogo hìgìrìk oba nen, opolik he, malaikat inebe 7 nen amanogo pìkon hùko mene hake ebe 7 nen anethouogolùk hibik-hebek hogo hagatì lagaika isìgì.

ABÌKAKAN 8:13

Atì'nogo ikesik oba nen, hobuk lakhìgì hak he, sùe pìm hake mene pogot halìaken oba ogolabi langsek purogo nìkì logolìk, ane hùkorogo mel ìkì laga: “Malaikat inebe 4 inapìkon anethagasik oba nen, hobuk malaikat inebe 3 nen inapikon anethikenem, apùnì obogat kweangma welagaikarek mene, motok weagarinabigin atì re, Eige! Ohùk! Netawìlak e!” ìlùk ìlìk nìkì laga nasuk holhì o.

ABÌKAKAN 8:2

Atì'noga welagasik en, hobuk neileken lakhìgì hak he, malaikat inebe 7 nen Ala nen pìkon ane hake mene hake ebe 7 nenat wogosikomo, at elokoma metek were'ma isìgì.

ABÌKAKAN 9:20

Atì'nogo meneat he, it apùnì hetakwe inoatì'lek mene atì nen, mokareke oabùt weak mene oba hipìrìk logolìk, ineki nen tùgì hareken emas mene ho, perak mene ho, tembaga mene ho, helep mene ho, e mene ho, wùrogo hagarek atì. Atì'nogo wùrogo hagarek atì, it tùgì atì nen, ineileken isagarek legat, inesako holharek legat, kwe lagaikarek legat, meneat he, atì'nogo wùrogo hìlìk,

ABÌKAKAN 17:1

Atì'nogo hìgìrìk oba nen opolik he, it malaikat inebe 7 nen Ala a'mage i negen hinago wolok kesalha amanogo mene aike wagasik mel yogonete: “It apùnì o kota Pabel mene, he kain yanani nìlìk nikerek mene hake atì, i hùkotek mene esakoma were'ma, ap kaintek inetagepogot kweangma mene nen at pailak hakhìgìk, apùnì aike nen anggur eken amusu niko motok logolìk, lùgù'lùgì palharek atì hak, apùnì kweangma mene nen at pailak hakhiko motok welagìk, egarek mene atì, Ala nen he atì ùkùm oba hìlìk ebe weagatheigilùk aweim kabelhe mene yogohesik en eme o,” ìlùk yogonete.