ABÌKAKAN 13:8 - Ala Ane Wene Ket Mene Warogo Wo'ninapike Wene

⁸ At Ala nen he, pogot kweang oan elalhì'lek logolìk, “It atem ineluk motok logouagalùk hagarinabigin,” ìlùk, inetage helal waganogo at Atopa Eak, it hesik wasukwa mene a'nogo arùesika ba hesike. It inetage atì'nogo helal waganogo hesike mene hùgì, yeke lo yeke hake hùko a'nogo hogoratì'lek werek kolek, apùnì kweangma welagaikarek mene aike obogat inetaùken yeke lo yeke hake hùko a'nogo ba hìpìrethìlìk hogoratì lagaika isìgì.

ABÌKAKAN 13:8 ပူးပေါင်းရင်းမြစ်များ

EPESÙT 1:4

At Ala nenat ninebe at okawerek hesik hakìlìk, at eilhanem tegelek logouagalùk, pogot kweang oan elalhì'lek logolìk, wena'ninapike atì ebe at Karìsùt enat wena'ninapike o.

MATÌÙT 25:34

Atì'nogo tegelogo hisìlìk he, an nebe Netagepogorat nogo nen he, it neki ebekwe hisegein mene atì, wene mel yogoisegein: An nopase nen hanothinapomo welagep. Halok, we'ni o. An sùpùrùk nele were'ma hit en mela'netìk, i nele were'ma hit en wo'netìk, an ap pogat were'ma hit en wo'napìk, nasu labere'lek were'ma hit en labethanìk, ou warek were'ma hit en nea wagìk, neki hele warek were'ma nea wagìk, isigip atì nen he, an nopase nen pogot kweang oan elalhì'lek logolìk, hit kain hinetage pogot logouageip ìlùk, wenagasogo hikasike mene yì hela we'ni o, ìlùk yogoisikenem,

ABÌKAKAN 17:8

Yeke lo yeke hake hegen atì re, alep welagaike meneat he, yogotak elokwe lek hegen atì re, a'ma baga nen lagai wesigin o. Lagai waga halok, Ala nen alemathegein o. Nen, Ala nen kweang pogot oan elalhì'lek logolìk, sùesika it apùnì ineluk motok logouagalùk hanorinabigin mene hùgì, inetage helal waganek atì ba, it aike inetage helal wagane'lek mene nen yeke lo yeke hake atì ineileken hìlìk, it en he, Yeke lo yeke hake yì, alep welagaikesik en, elokwe lek agaike meneat he, hobuk weinam aga yì, nayùk e, ìlùk hogorasugun o.

ABÌKAKAN 3:5

“Sa nen omame asigin halok he, an kut mane labethegein o. Nen, an it apùnì inelugurinapìrek mane hùgì inetage sùesika ba helal waganek mene terogo laksegein lek. An nopase mel, malaikat yoko laksa wagarek mene mel, ineilhanem, It yì an nagainapùrì o, ìlùk inetage pak hogo yakùlisegein,

TITUT 1:2

At Ala nen, yì mene tì mene oan elalhì'lek logolìk, nit apùnì hesik mel isike: “Apùnì an nen elalinabìk he, inebe ineluk motok logouagalùk, hano hagarinabigin,” ìlùk, abok isike atì, “Apeliak ikerek lek,” ìlùk nina'la eberek logolìk, ebe wene yakùlisìkì lago atì.

ABÌKAKAN 21:27

Atì'nogo kìkì logogun meneat he, apùnì weak ina'meilo mene hagatìk, inapelìak ìgìk, ìkì logolìk inoba horinapì'lek mene o atoma kìkì logogun motok lek hìgì. Atì'nogo meneat he, it aike ineluk motok logouagalùk hanorinabigin mene hùgì inetage helal waganogo Topa Eak arùesika ba hike mene nek o atoma kìkì logogun hìgì o.

ABÌKAKAN 5:12

“Topa Eak wasukwa mene atì nek he, yì mene tì mene awe a'ma hisìgìk, eilmo wùlalhak welagìk, wene a'la kagalek enek welagìk, omame apik welagìk, ikerek o. Halok, at enek he, elok agaugeratìk, hogoratìk, hai watìk, ìkì logousak o,” ìlùk hogoratì lagaika.

YOHANET 1:29

Wene atì'nogo isukwasik, nogo ìlùk, hùenkwe, at Yesùt Yohanet oba waganem eileken lakhìlìk he, wene mel yogoisasike: “Ala ako topa mene nit apùnì kweangma weak hagatorek mane korogo heraksegein mene a'nogo waga a'lì hineileken lakhani.

LUKAT 10:20

Atì'nogo meneat he, it mokareke inoabùt weak mene nen hit hinane holharek atì ba, hina'la hai hùkagùp o. At he, hinetage pogot oba helal waganek werek atì hesik enek he, hina'la hai hakìkì logoni o,” ìlùk yogoisasike.

PILIPI 4:3

Nen, hat nagaiyak aike Ala eyabu neperak hutik motok hagatì lago a'nogo, it hìmì inebe pìre atì leberisanogolùk yogohetì atì. It hìmì atì ho, ap Kelemen a'nogo ho, it he'nakìt an ninom Ala eyabu omakeat hagatì lago mene amanogo ho, hano wene ninomamerogo ninom yogoisìlìk nìkì lago mene ninetage lopok, at Ala arùesika ba nabùlal-habùlal hagarinabigin mene hugì inetage waganogo hikerek a'nogo ba, waganek werek.

ABÌKAKAN 3:20

Lakhani! An nebe kwe ba metek logolìk, kwe ane papagathìkì lagì o. Atì'nogo papagathikenem, sa nen nane asuk holìk he, kwe hù'neegein halok, an at oba ha kìlìk he, sùpùrùk niko nagaiyak-hagaiyak neperak hutik logogun o.

ABÌKAKAN 3:10

Atì'nogo hisa wesigin atì re, an nen, Hinepe morogo logoino o, ìlùk yogohisasigi mene atì, nane hologo higit hogo hagatì lagep atì nen, o hobuk Ala nen apùnì kweangma yoma welagaikarek mene obogat yì aik tì aik inoba hegein atì hiko kolek, hit enek he, an nen nawe a'ma hano hakhisek logogin o.

ABÌKAKAN 12:15

Atì'nogo were'ma, at walo a'nogo nen, at he a'nogo i hu nen wolok loagalùk, i apelema nen elesi hùko motok walogo, he a'nogo ebe werekwe higit hogo lakhìkì laga.

ABÌKAKAN 5:13

Atì hak, it Ala nen elalhike mene obogat, pogot oba mene ho, kweangma mene ho, a'ma baga mene ho, i laut yekele'ma welagarek mene ho, obogat en ìkì logolìk: “At kain welagarek obùlùk oba werek atì, Topa Eak a'nogo eperagat, Irat inomame werek o, ìlùk hai warinapìk, agaugerinapìk, hogorinapìk, iko motok logouok o,” ìlùk ikenem holhì.

ABÌKAKAN 6:1

Atì'nogo hìgìrìk oba nen hobuk, silo hagarek atì hak, sùesika uan mene amusu ebe 7 ba te'mek hogo hesukwa mene a'nogo, Topa Eak a'nogo nen, aike emakum hikalhenem he, it Ala nen elalinapikomo ineluk welagaikarek mene inebe 4 en amanogo mene aike nen he, “Eme o,” ìlùk ane okuku ane hake ikenem nasuk holhì.

ABÌKAKAN 13:12

Weinam agasik, yeke lo yeke hake alep mene a'nogo esewerek logolìk hagatì laga mene, at yeke lo yeke hake hobuk mene atì esewerek agasik, at en apùnì yogoisìkì logolìk he, “Apùnì kweangma welagasep mene obogat, at yeke lo yeke hake alep mene a'nogo wasukwama re, ebe wa'lasusak mene se agaike mene atìat hinetaùken oba hìpìrethìlìk hogorasusak o,” ìlùk ane ning hogo yogoisikenem holhì.