ABÌKAKAN 13:11 - Ala Ane Wene Ket Mene Warogo Wo'ninapike Wene

¹¹ Atì'nogo hìgìrìk oba nen, opolik lakhìgì hak he, yeke lo yeke hake hùko hunigat mene aike aik ùkùloak oba topa aik hake pìre wùlìk, nen ane ikenem he, walo ane hake mene, kweangma nen weinam aganem lakhìgì o.

ABÌKAKAN 13:11 ပူးပေါင်းရင်းမြစ်များ

MATÌÙT 7:15

Atì'nogo yogoisasikesik, aike mel yogoisasike: “It aike inapeliagat Ala ane yogoisagarek mene salek hinoba wìrìk he, hina'la kagalinogo ìlùk, hinepe hebelogo logoino o. It atì inelokoken wam topa warn ena mene hake hagarogo nen wesugun meneat he, inetaùken a'la re, yeke lo yeke anini weak mene hake wesugun o.

ABÌKAKAN 17:6

Nen, he atì nen, Ala againapùrì mene mel, Yesùt ane yogoisìlìk negarek mene mel, inoasike mene inamep nikesik, apùnì nen anggur eken amusu nìlìk sìnì'nùk agaikarek atì hak, sìnì'nùk agasik were'ma lakhìgì. Atì'nogo lakhìgìrìk apik hogoratì.

ABÌKAKAN 16:13

Atì'nogo heresok ìlì'mo nen, opolik he, walo a'nogo ho, yeke lo yeke hake hùko a'nogo ho, Ala ane yogoisikerek mene salek apeliak ikerek mene a'nogo ho, inapelema nen mokareke inoabùt weak mene inebe 3 nen yagase hake mene wùlìbi waga laga.

ABÌKAKAN 13:17

Hit en, at etage helal waganek mene he a? At he, etage hesik ineki wenago mene he a, wanhep mene halok, yì mene tì mene oko palìgìk, it aike inoba oko wanhìk, ìkì logousak o. Atì'nogo meneat he, it apùnì aike wanhì'lek mene halok he, atì'nogo wanhì logousak motok lek o,” ìlùk ane ning hogo yogoisìkì laga lakhìgì.

ABÌKAKAN 11:7

Wene atì'nogo arat yogoisaga halok, yeke lo yeke hake hùko mene aike a'ma baga nen inoba lagai wìrìk, inom yapì logolìk, mabenetsìlìk inebe inoasigin o.

ÙRÙM 16:18

It atì re, ninoe Etagepogot Karìsùt awe a'ma logolìk, at hesik hagarì'lùgì hùk. We, inokawerek ina'la walok mene hagarì'lùgì o. Atì'nogo hagatì logolìk, inane hano ìgìk, lìok hogo ìgìk, ìkì logolìk he, it apùnì aike inoabùt, “Ì o,” nek egarek mene atì lalinabì'lùgì atì.

ABÌKAKAN 12:17

Atì'nogo pelapenem he, walo a'nogo a'mage he a'nogo oba hìlìk, apùnì he a'nogo nen tagokwe mene hetakwe Ala nen wene ninasuk wasike wene hologo higit hogo hagatìk, Yesùt en hagasike wene pak hogo yogoisìgìk, egarek mene inoasigìlùk inaweim kabelhesik,

2 TESALONIKA 2:4

At atì ebe weinam arik, Ala awì wùrì'mo melasi kìlìk, okawerek en hogorakìkì logolìk he, “Apùnì nen, yì mene tì mene oba hìpìrìk logolìk hogoratarek mene mel, Ninopase ebe yì, ìlùk egarek mene atì obogat mel, mea enek meneat he, esin Ala nebe anat o,” ìlùk ìkì logogin atì.

ABÌKAKAN 17:8

Yeke lo yeke hake hegen atì re, alep welagaike meneat he, yogotak elokwe lek hegen atì re, a'ma baga nen lagai wesigin o. Lagai waga halok, Ala nen alemathegein o. Nen, Ala nen kweang pogot oan elalhì'lek logolìk, sùesika it apùnì ineluk motok logouagalùk hanorinabigin mene hùgì, inetage helal waganek atì ba, it aike inetage helal wagane'lek mene nen yeke lo yeke hake atì ineileken hìlìk, it en he, Yeke lo yeke hake yì, alep welagaikesik en, elokwe lek agaike meneat he, hobuk weinam aga yì, nayùk e, ìlùk hogorasugun o.

ABÌKAKAN 13:1

Atì'nogo lakhìgìrìk oba nen, opolik he, yeke lo yeke hake hùko mene aike aik ùkùloak oba 10 nen wùlìk, nen ùkùloak he, 7 ba mene, i laut yekele'ma nen wùlibi waganem lakhìgì. Aik 10 atì, ebe lopok oba re, kare-kare ap kaintek ìksagarek atì hak ugu, nen ùkùloak 7 ba atì, ebe lopok oba Ala etage wiik-weak hogo hagatùkwe helal waganek welaga lakhìgì.

ABÌKAKAN 13:4

At walo a'nogo nen, at yeke lo yeke hake hùko a'nogo yogotì logolìk, “Hat kain homame werek logoinok,” ìlùk menhike atì nen, it apùnì inetaùken walo a'nogo mel, yeke lo yeke hake hùko a'nogo mel, inoba hìpìrethìlìk hogorinapì logolìk mel ìkì lagaika: “Walo hùko yì eperak higit he, sa akegep, u a e, Eperak higit aike lek, u a e. Sa hak en at eperak weim yabusak akegep, u a e, Mea, u a e,” ìlùk ìkì lagaika isìgìl.