ABÌKAKAN 12:12 - Ala Ane Wene Ket Mene Warogo Wo'ninapike Wene

¹² Atì nen he, hit pogot oba welagasep mene obogat yì sani! Hina'la hai hakìkì logoino. Hina'la hai hakiko kolek, hit kweang'ma mene ho, i laut yekele'ma mene ho, enek he, Ibilit a'nogo hinoba pelaksa wagama, at eki logogin mene hùthikesik, at en he, Neki hamùlùgat enek logogin atì nahalok, ìlùk a'mage lagaikesik weagathinabigin atì nen he, eigo! Netawìlak e,” ìlùk ikenem holhì o.

ABÌKAKAN 12:12 ပူးပေါင်းရင်းမြစ်များ

ABÌKAKAN 8:13

Atì'nogo ikesik oba nen, hobuk lakhìgì hak he, sùe pìm hake mene pogot halìaken oba ogolabi langsek purogo nìkì logolìk, ane hùkorogo mel ìkì laga: “Malaikat inebe 4 inapìkon anethagasik oba nen, hobuk malaikat inebe 3 nen inapikon anethikenem, apùnì obogat kweangma welagaikarek mene, motok weagarinabigin atì re, Eige! Ohùk! Netawìlak e!” ìlùk ìlìk nìkì laga nasuk holhì o.

ABÌKAKAN 18:20

Atì'nogo iko kolek, at aike nen he, it Ala againapùrì mene mel yogoisike: “Ala nen he, hit hinùkùlmo it o Pabel mene ùkùm inoba hìlìk weagarinape atì nen he, hit pogot oba mene obogat hina'la hai hakìgìk, hit Yesut en hinayoko hìlìk lakhikasike mene mel, hit at ane yogoisegesep mene mel, hit Ala againapùrì aike mel, obogat hina'la hai hakìgìk, ini o,” ìlùk ikenem holhì.

ABÌKAKAN 10:6

Ala nen pogot ebe mel, oba welagarek mene mel, kweang ebe mel, oba welagarek mene mel, i laut yekelek mel, a'la welagarek mene mel, obogat elalhikesik eluk motok welagarek mene etage ba mel ìlùk hopuk palhenem holhì: “Ala nen hagasigin atì, tì sat ìgìk, tì sat ìgìk, abìak logogun lek o.

ABÌKAKAN 11:10

Atì'nogo werek kolek, apùnì kweangma mene inebe obogat en ìkì logolìk he, “It ap pìre wene yogonisìkì lagaika mene yì nen, yì aik tì aik apik ninoba hìkì lagaika mene a'nogo inebe hanoat inoata,” ìlùk ina'la hai apik hakìkì logolìk, pesta hagatìk, yì mene tì menu oko lek it aike nen aike wogisìgìk, wok-wok ìkì logogun.

ABÌKAKAN 9:12

Atì'nogo weagarinabigin mene re, aike weagarinapesik, hobuk eki pìre ba aike weagarinabigin mene oan werek o.

LUKAT 15:10

Atì hak, apùnì weak hagatarek mene omakeat aike oabùt hebelhe halok he, it malaikat Ala nen yoko laksa wagarek mene amanogo ina'la hai apik hakogoin o, ìlùk eberogoat yogohisìgì,” ìlùk yogoisasike.

ABÌKAKAN 11:14

Atì'nogo hagatenem isìgì atì, lakhani! Weagarinabigin mene a'nogo re, ineki pìre ba arat weagarinapasik, opolik aike hepogat weagarinabigin mene weregat o.

2 PETERÙT 3:8

Mene re, nerùgì nagaiya'lak. Hinebe netawì e. Wene omakeat yì lì'mathùgùp. Ninoe Etagepogot a'la akìkì logolìk, o like omakeat welagorek atì re, 1.000 tahun bake akikerek, Nen, 1.000 tahun atì re, o like nineki omakeat welagorek atì hakeat akikerek. Ma re, eperak higit enek akikerek o.

IBERANI 10:37

Ala ane ba helal yì'nogo waganek werek: “At wesigin atì re, eil omake logopik en wesigin. Aregenma logopik en wesigin lek o. We, heageagat wesigin o.

LUKAT 2:14

“It pokwe pogot oba welagaikarek mene nen, ninopase Ala atìat hogoratì logouak o. Nen, it apùnì kweangma yoma inebe Ala oba lìok ikerek mene inetaùken hapuk hogo logouak o,” ìlùk isukwa.

ABÌKAKAN 13:6

At atì'nogo logolìk, at en Ala ebe mel, etage mel, at aua pogot oba mel, it o pogot oba welagaikarek mene mel, obogat inetage weagatì laga hìgì.