ABÌKAKAN 12:1 - Ala Ane Wene Ket Mene Warogo Wo'ninapike Wene

¹ Atì'nogo hìgìrìk oba nen, opolik lakhìgì hak he, apùnì nen hùthoagalùk pogot oba elalinat hagasusak lek mene hakorogo hagatenem yì'nogo lakhìgì. He mene aike tugi ba esok hìlìk asu negen mo mene laberek, nen hesagal 12 mene ùkùloba kare-kare negen ugu mene lakhìgì.

ABÌKAKAN 12:1 ပူးပေါင်းရင်းမြစ်များ

LUKAT 21:25

At Yesùt en atì'nogo yogoisasikesik he, hobuk aike mel yogoisasike: “Hinetaùken wekelogo re, mo mel, tùgì mel, hesagal mel, atì hùnogoat mene elalaganem hogoin o. Nen, kweangma yoma i laut moge hùko yekelek welagarek a'nogo ha'labu omamerogo waga logolìk he, i eitep ane hùkorogo ìkì logoumo re, it apùnì inùkùl etage lopok inayùk arìk inalabut hisigin o.

EPESÙT 5:32

Wene isike atì a'la hinago wene esin mene aike werek. Wene atì an na'la nen he, at Karìsùt nit Ala againapùrì ninom hano hutik logousak mene hesik isike akìgì.

MAREKÙT 13:25

hesagal pogot oba nen lologo pi wagìk, it pogot oba inomame apik welagaikarek mene atì Ala nen inabologothìgìk, ìgìn o.

LUKAT 21:11

lugul hùko inayùk mene langathìgìk, o yì awì tì awì sùpùrùk motok no agìk, ou oabùt weak mene inoba agìk, yì mene tì mene inayùk mene haga'lagìk, pogot oba nen hagasusak lek mene elalagìk, igin o.

ABÌKAKAN 21:23

Nen, o kota atoma Ala apopok yatìk, Topa Eak a'nogo esage hake yatìk, lìarogo yato kolek nogo nen he, mo mel, tugi mel, yatì logousak legat welaga hìgì.

ABÌKAKAN 15:1

Neileken atì'nogo lakhìgìrìk oba nen, opolik he, apùnì nen hùthoagalùk, elalin mene aike hùko mene inayùk hake yì'nogo pogot oba weinam aganem lakhìgì. Ala a'mage elùgùn kobok apùnì inoba hìlìk weagarinabigin atì nen he, ineki 7 ba weagarinabigin mene, malaikat inebe 7 nenat weinam aganem lagisìgì.

ABÌKAKAN 12:3

Atì'nogo heinet wato kolek, apùnì nen hùthoagalùk pogot oba elalinat hagasusak lek mene hùkorogo hagatenem aike lakhìgìat. Walo ogat mep hake hùko mene ùkùloak he, 7 ba, nen, ùkùloa'ma re, aik 10 ba wùlìk, nen, kare-kare 7 nen ap kaintek ìksagarek atì hak ùkùloba lopok ugu mene welaga.

ABÌKAKAN 11:19

Atì'nogo ikenem isìgìrìk lakhìgì hak he, pogot oba Ala awì wùrì'mo kwe hù'laganem he, Ala nen wene ninasuk wasike wene helal waganek peti a'la kalek welagaike a'nogo weinam aga. Atì'nogo weinam aganem he, eilabùt hobugalep yararathìgìk, okuku ane pak ìlìk en ane lulu lagìk, lugul lang-langat hìgìk, moso lìgìken hùko mene teleki waganogo nìkìk, ikenem lakhìgì o.

LAKSASIKE 2:19

Nen, apùnì nen hogoratì logouagalùk, elalin mene pogot oba po yì ba hagatìk, wene hùthoagalùk kweangma ma yoma hagatìk, ìkì logolìk, yì mene tì mene oba, mep mel, etu mel, age etu hule hake mel, hagasigin.

MATÌÙT 24:30

Atì'nogo hagato kolek, an abat ta'lasi wagagi a'nogo arat wesigin ìlùk, apùnì inetaùken wekelogo hùthùgùkwe pogot oba aike haga'larìk oba nen, apùnì inùkùl etage lopok le aga kolek nomamerogoat ohena a'la pi waganem, ineileken nììlìk apik hogo'nabugun o.

KALATIA 6:14

Mene re, an yì hesik tì hesik hogorakasak motok nabìt o. We, ninoe Etagepogot Yesùt Karìsùt e ba menhìlìk wasukwa mene a'nogo hesik enek hogorakamo, elok. At ebe wasukwa atì nen, apùnì kweangma inoabùt inesogat logolìk hagatarek mene atì arat mabenetsasike akìgì. Halok he, apùnì wa'larìk, yì mene tì mene hagasusak oba lì'ma agarek hak, apùnìl inoabùt inesogat logolìk hagatarek mene a'nogo li'matsasìgì atì.

MATÌÙT 12:38

Atì'nogo isikomo re, it ap Ala ane helal waganek esewerek mene aike mel, it ap Parisi mene aike mel, inom en Yesùt mel yogosukwa: “Noe. Nit en hùthagagùkwe, hat en elalin mene aike hagatenem nineileken hasak walok en yogoheto,” ìlùk yogosukwama re,

ABÌKAKAN 21:14

Nen, leget pa'leget wùrìk atì, obùle helep ebe 12 nenatma re, at Topa Eak en inebe 12 nenat wenagasogo inayoko hìlìk laksasike mene amanogo inetage helal waganek welaga hìgì.

ABÌKAKAN 1:20

Nen, hesagal ebe 7 nen neki ebekwe hesogo were'ma hegen a'nogo mel, esage kìalhùkwe ebe 7 nen esok telik emas mene hagarek mel, heileken hegen a'nogo re, wene hinago mene atì nen he, pak hogo yogohesik o. Hesagal ebe 7 nen hegen atì ebe re, it Ala againapùrì gereja 7 nen atogotarek mene atì, Ala nen malaikat inayoko hìlìk laksa wagarek atì hak, inayoko hìlìk hisasike mene isegen o. Nen, esage kìalhùkwe ebe 7 nen atì ebe re, it Ala againapùrì gereja 7 nen atogotarek mene atìat isegen o,” ìlùk yogonete.

KALATIA 3:27

Nen, Karìsùt hinom hùnesuogolùk ima pisigip mene hinebe obogat, su labetarek hak Karìsùt oabùt wanhìgip atì.

2 KORÌTÙT 11:2

Hìlìmìkìrùgì inoabùt ap inom nogo ìgì'lek mene, inagonì inoba lopologo hisagarek hak, an nen he, hit Karìsùt oba lopologo hikìgì meneat he, hit en ap hunik mene aike lopolhep halok he, Ala a'mage lagou hak, an na'mage lagousagat o.

YOHANET 3:29

Nen, ap aike agwe ìkhike halok, he atì agùn, ap atìat o. Nen, ap agwe ìkhegein werek atì agaiyak aike era'lu metek logolìk, at ane ikenem asuk hologo logolìk a'la nen hai hakikerek atì hak, an yogotak atì'nogoat na'la hai apik hakìkì lagì o.

ÙRÙM 13:14

Hit hinoabùt he, apùnì inoabùt inesogat logolìk, Yì wanile, tì wanile, ìlùk egarek atì hak hina'la kagalhì'lek he, we, sike sìge wanharek hak, ninoe Etagepogot Yesùt Karìsùt oabùt atìat wanino o.

KALATIA 4:26

Mene re, he okawerek agwe ebe mene hake, o Yerusalem pogot oba mene atì, nit ninagosaat o.