ABÌKAKAN 11:7 - Ala Ane Wene Ket Mene Warogo Wo'ninapike Wene

⁷ Wene atì'nogo arat yogoisaga halok, yeke lo yeke hake hùko mene aike a'ma baga nen inoba lagai wìrìk, inom yapì logolìk, mabenetsìlìk inebe inoasigin o.

ABÌKAKAN 11:7 ပူးပေါင်းရင်းမြစ်များ

ABÌKAKAN 13:7

Atì hagat, apùnì inùkùl etage lopok, inane lopok, inogat lopok, inawì lopok, obogat at en awe a'ma hisìlìk hagisek logouagalùk menhikomo esewerek arìk, Ala againapùrì inom weim yapì logolìk, mabenetsìkì laga hìgì.

YOHANET 17:4

An nen kweangma yì mene tì mene hagasuagalùk menhanhigin a'nogo yabu ebe arat hagatì lagarìk katok hogo hagatì atì ba nen esinethagagì o.

LUKAT 13:32

at Yesùt en he, mel yogoisasike: “Ap oabùt yeke lo yeke oabùt hake atì, wene yì hepok yogosi lani o. An he, o yogotak mel, hùen mel, mokareke oabùt weak mene apùnì ina'la kìlìk were'ma henogo wulaksìgìk, ou warek mene halok, hagarinapìk, ìkì logopik he, neki aike nen he, an hagasigin ìlùk wagagi mene arat eil hotologo kopok hogo hagasigin o.

ABÌKAKAN 13:11

Atì'nogo hìgìrìk oba nen, opolik lakhìgì hak he, yeke lo yeke hake hùko hunigat mene aike aik ùkùloak oba topa aik hake pìre wùlìk, nen ane ikenem he, walo ane hake mene, kweangma nen weinam aganem lakhìgì o.

LAKSASIKE 20:24

Atì'nogo meneat he, an nebe neluk logousak atìat esin ìlùk atì mene esinethìkì lagì lek. Ninoe Etagepogot Yesùt en nayoko hìkì logolìk, at en he, Ala oabùt hano nen hagarinaperek wene hano wene atìat yogoisìlìk lano o, ìlùk nayoko hesike atìat wùrep oba kobok hogo hagasìlùk esinethìkì lagì o.

2 TIMOTÌÙT 4:7

Sa awewerek, sa awewerek lagaikarek hak, an netaùken Ala oba hìpìrìk motok logolìk, at hesik nomamerogoat hano hagarìk waga lagarìk he, hùlì ba arat asi wagì o.

YOHANET 19:30

Atì'nogo wogosukwama, etuk mìkhasikesik he, mel isike: “Arat hagatì o!” ìlùk, ot soma isikesik he, ebe arat wa'lagaike.

LUKAT 8:31

Atì'nogo yogorìk he, it mokareke inoabùt weak mene amanogo henogo i kat wea'ma pelaksanogo ìlùk inane lìok hogo Yesùt yogosukwa.

ABÌKAKAN 12:17

Atì'nogo pelapenem he, walo a'nogo a'mage he a'nogo oba hìlìk, apùnì he a'nogo nen tagokwe mene hetakwe Ala nen wene ninasuk wasike wene hologo higit hogo hagatìk, Yesùt en hagasike wene pak hogo yogoisìgìk, egarek mene inoasigìlùk inaweim kabelhesik,