ABÌKAKAN 11:18 - Ala Ane Wene Ket Mene Warogo Wo'ninapike Wene

¹⁸ Apùnì inùkùl etage lopok obogat en, u a e, Inanini hoba hìkì lagaika mene, u a e, Hat en hanini inoba arat hegein atì, u a e. Atì'nogo inoba hìkì logolìk, u a e, Apùnì wa'lagaukwa mene aike, u a e, Ùkùm inoba hìkì logolìk, u a e, It aike ùkùm inoba kosigin mene, u a e, Hat hane yogoisagarek mene mel, u a e, Hagainapùrì inetagewerek, inetage lek obogat, u a e, Hat inayùk hogo logolìk, u a e, Hane wanho welagaikarek mene hesik, u a e, Oko arat wogisegein atì, u a e. It aike o kweangma weagathesukwa mene, u a e, Hat en it arat weagarinabigin atì, u a e. Atì'nogo hagasigin atì nen, u a e, Hai wathapì Iago o, u a e,” ìlùk etawì watì lagaika holhì.

ABÌKAKAN 11:18 ပူးပေါင်းရင်းမြစ်များ

ABÌKAKAN 20:12

Atì'nogo lek aga kolek, apùnì wa'lagaukwa mene inetagewerek mel, inetage lek mel, at kain obùlùk oba werek a'nogo elokoma metek were'ma isìgì. Atì'nogo werek kolek, sùesika obogat hukalhìk, sùesika aike apùnì ineluk motok logouagalùk hanorinabigin mene hùgì inetage helal waganek mene hukalhìk, ìkì laga. Atì'nogo hukalhìlìk, it apùnì wa'lagaukwa mane inoabùt hagatì lagaukwa mene sùesika atoma ba helal waganek mene higit hogoat ùkùm inoba hìgìk, kotìk, ìkì laga hìgì.

ABÌKAKAN 19:5

Nen, Ala kain welagarek obùlùk oba a'nogo nen mel ìkì lagaika holhì: “Hit Ala atitigeke kaintek ho, kepùtek ho, obogat Ala hinayùk hogo welagasep mene ninopase Ala hogoratì logoino o,” ìlùk ìkì lagaika holhì.

ABÌKAKAN 22:12

Atì'nogo yogonetomo, at Yesùt en yogonetì logolìk: “Ero mel, erepùl mel, anatma, emakum ero ba nen pìkìt hobuk elùgùn oba nesok motok logogin mene nen, apùnì inebe lopok inoabùt hagatarek mene higit hogoat oko wogisagalùk wolok heageak wesigin o.

ABÌKAKAN 15:7

Atì'nogo wùlìbi wagaikama re, it Ala nen elalinapikomo ineluk welagaikarek mene inebe 4 amanogo mene aike nen isoak ebe 7 emas mene hagarek oba Ala eluk motok welagarek mene a'mage i negen hinago mene, Ala nen it malaikat inebe 7 ba amanogo wogisìkì laga lakhìgì.

ABÌKAKAN 15:1

Neileken atì'nogo lakhìgìrìk oba nen, opolik he, apùnì nen hùthoagalùk, elalin mene aike hùko mene inayùk hake yì'nogo pogot oba weinam aganem lakhìgì. Ala a'mage elùgùn kobok apùnì inoba hìlìk weagarinabigin atì nen he, ineki 7 ba weagarinabigin mene, malaikat inebe 7 nenat weinam aganem lagisìgì.

ABÌKAKAN 14:10

apùnì nen, i inom lek, we anggur eken amusu nek ale weak hinatharek atì hak, Ala a'mage hit etawìthinapì'lek, ùkùm ning hogo hinoba hegein o. Atì'nogo hinoba hìlìk, nit malaikat Ala hesik welagorek mene mel, Topa Eak a'nogo mel, nineilhanem hinebe, etu mel, hetalì al hake obasi weak mene etage belerang mel, inom-inom nikere'ma atoma lakhikamo, heinet wato motok logogun o.

IBERANI 9:27

Nit apùnì omake hesik wa'larì'mo nen, hobuk ùkùm ninoba hìgìk, kotìk, igin ìlùk, at Ala nenat isike atì hak,

LUKAT 1:50

Apùnì obogat, hageat ta'lagaukwa mane inom, ket ta'lagaika mene inom, hobuk ta'lasugun mene inom at ebe inayùk were'ma atawì nen hano hagarinapì logogin o.

ABÌKAKAN 18:6

Nen, hit en, at he atì ùkùm oba hogoin mene nen, at en it hagarinapì laga hagat, ùkùm ebe oba hìkì logolìk, aike inom oba louk hogo heino o. Nen, at en i melagisagarek atì hagat anini inoba hìkì laga mene atì, oko ùkùm oba hìkì logolìk, aike inom oba louk hogo heino o.

ABÌKAKAN 11:2

Atì'nogo heki wenasi legein meneat he, o silimo Ala awì wùrì'mo abel etakwe nek he, Ala nen it apùnì at ebe inokot mene wogisikomo, it en o silimo aroma mel, Ala okawerek awì kota arì mel, inesok en al lebelho kolek tugi 42 nen, ineki 1260 nen, logogun atì nen he, hat en walhasak motok lek o. It atì'nogo werek kolek, an nen ap inebe pìre su pelagwì su labetarek atì hak laberek logolìk, an nane pak hogo yogoisìkì logouagalùk laksa wesigin o,” ìlùk yogonete.

ABÌKAKAN 19:15

At atì'nogo nìkì logolìk, apùnì inùkùl etage lopok obogat mabenetsegein mene, karok ela apik mene apelema nen wùlìbi waga laga hìgì. Atì'nogo mabenetsìlìk sìge lùk posie omaken omame apik atì hak, at ane omame ba apùnì haksìlìk, opase Ala omame motok api'mo re, yì mene tì mene hagasusak enek a'nogo a'mage lagalìk, ùkùm inoba hikenem anggur eken amusu keraluogolùk obùlùk oba sagalharek atì hak, at esok en al lebelinabigin mene hìgì.

ABÌKAKAN 10:7

We, malaikat inebe 6 en inapìkon anethagasik oba nen, aike apìkon anethegein atì anethikenem he, at Ala nen wene a'la wene it ap at atitigeke mene, ane yogoisìkì lagaukwa mene amanogo yogoisìkì logolìk he, Hobuk an tì'nogo hagasigin, ìlùk wene warisasike hagat arat haga'lasigin o,” ìlùk hopuk palhe.

ABÌKAKAN 13:16

Atì'nogo inoato kolek, at yeke lo yeke hake hobuk mene a'nogo nen he, apùnì kaintek mel, keputek mel, ineilmo wùlalhak mene mel, inelageik mene mel, inatitigeke mene mel, it inalepma mene mel, apùnì nen inetaùken wekelogo silorogo saleken kelisagarek atì hak, it obogat inebe lopok mel yogoisìkì laga: “Sukwan yì etage helal waganek mene yì, hineilha ba he a? Hineki ebekwe he a, keluageip en wanini o.