Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ABÌKAKAN 1:9 - Ala Ane Wene Ket Mene Warogo Wo'ninapike Wene

9 An hinerei hinagaiyak Yohanet ninom ninebe Yesùt againapùrì omakeat mene, yì aik tì aik haga'ninapo kolek, nina'la nen he, “Hobuk at Ala nen awe a'ma hinegein,” ìlùk ninepe morogo welagarek atì. Were'ma, Ala ane Yesùt en pak hogo yogoniaasike wene a'nogo an nen yogoisìlìk nìgìrek an nen, neki hele warogo i okenma o etage Patomot kelakhani wagaikama welagì o.

အခန်းကိုကြည့်ပါ။ ကော်ပီ




ABÌKAKAN 1:9
35 ပူးပေါင်းရင်းမြစ်များ  

Atì'nogo yogosukwama, at Yesùt en he, “An yì aik tì aik haga'nabugun atì hak, hit atì'nogoat hagathinabugun meneat he, hat aike an neki ebekwe, nen aike neki peikkwe ninom kain logouogolùk atì nek he, an nen menhikasak, mea o. We, an nopase nen hageat en logouagalùk weteberogo hisasike meneat hisegein o,” ìlùk yogoisasike.


it en he: “Elok nasagat o,” ìlùk yogosukwama, at en he, mel yogoisasike: “An yì aik tì aik haga'nabugun atì hak, hit atì'nogoat hagathinabugun o. Nen, ima pelaginaparek hak, an pelakhanugun atì re, hit atì'nogoat pelakhikogoinat o.


aike mel yogoisasike: “Hit an ninom hutik logolìk, hina'la hapuk hogo logouageip en ìlùk, wene atì obogat yogohisìgì o. Hit apùnì kweangma mene nen yì aik tì aik hagathinapì logogun o. Mene re, apùnì kweangma mene arat mabenetsigima atì re, hinayù'lek hogo logoino,” ìlùk yogoisasike.


Atì sat, Ala againapùrì aike inom inebe 120 hake atogorek logolìk, at Peterùt ina'la mel agaikesik he, wene mel yogoisasike:


Alep ki laga logolìk, apùnì Yesùt ane yakùlisìlìk ki lagaukwama wanhukwa mene hobuk inoba ha'larìk wùlìbi waga logolìk, inetaùken ago warisìgìk, inasuk watìk, ìlìk wùlìbi waga logolìk, mel yogoisasukwa: “Wene eberogoat ìlùk hinetaùken Yesùt oba hìpìrethesigip mene atì, ning hogoat hìpìrìk logoino. Nit hobuk Ala awe a'ma motok logouogolùk he, ninoba yì aik tì aik hìkì logopik enat kugun o,” ìlùk yogoisìlìk wùlìbi wagaukwa.


Nit ninebe Ala againapùrì halok he, at Karìsùt yì aik tì aik hasike hak, hogoin halok, Ala nen nit Karìsùt ninomat hogo'ninabigin atì nen he, Ala nen yì mene tì mene at againapùrì wogisagalùk abok yogoisasike mene atì, at Karìsùt ninomat wo'nisamo, en logogun o.


Mene re, nina'la nen, “Hobuk eberogoat tì'nogo haga'lasigin o,” ìlùk akìkì lago mene nineileken hìgì'lek logolìk ninepe morogo serogo welago.


Yì aik tì aik ninom higirat hogorek atì hak, nina'la hano asuagalùk Ala nen ninom higirat ninetaùken sebeligin o, ìlùk nelu ati nen, hit hano asugun, ìlùk ninetaùken sikip hogo welago.


Ala oabùt hano nen nayoko hesikomo re, an neki hele warek welagìk, neki hele oan watì'le'ma hano wene elelerogo ning hogo hagatìk, ìkì lagì hak, hit obogat atì'nogoat ninom hagatì logouagalùk hinayoko hesikeat atì nen, hit hinebe netaùken hutik welagì o. Atì nen he, an nen hit obogat hesik, “Yesùt eberogoat hagathinabi wesigin,” ìlùk akasak mene higit hogoat akìkì lagì.


Elok logousak meneat he, an nelageik were'ma, hit en lebe'neegesep atì hano motok o.


Hit hina'la nen he, “Ninebe Ala etawì o,” ìlùk hùthìgìk, hinoabùt Karìsùt epe morogo hagatì lagaike hak, oabùt wanhìk, hùkorogo ìkì logouageip en, ninoe Etagepogot ebe hinetaùkenma logolìk, hina'la kagalhì logouak o.


Ati nen he, ninoe Etagepogot abok apùnì aike yogoisasak hekalì lek hogo pak hogoat yogoisìgìk, nen, an at hesigat neki hele warogo hanhama welagì yì hesik, hekalì lek halong hogo welagìk, ìkì logoino. Atì'nogo ìkì logolìk, apùnì aike nen hano wene atì hesik, yì aik tì aik haga'ninapo kolegat, an Ala omame ba welagìrek hagat, hepe morogo logoino.


Hit en Ala a'la walok akikerek mene hagatenem, at en, “Hit wokhisegein,” ìlùk abok yogohisasike mene atì wanuageip en he, hinepe morogo hagatì logousak o.


Hit Ala againapùrì serisek welagasep atì hak, an atì'nogoat serisek welagìrek mene nen hinasuk aike wasik. At Karìsùt oba yì aik tì aik hìlìk hìlìk wa'lagaike atì, an neileken hasigi. Nen, hobuk Ala nen ebe weinam hogo lakhei wesigin atì waganem, apùnì nen hogorasugun atì, an ninom hogo'ninabugunat o. An nane lìok hogo hinasuk wasik.


Wene ebe re, yìtogo. Yì wene tì wene hinago welagaike mene hobuk heageak haga'lasigin mene atì, Ala atitigeke mene tùkùm hogo yogoisoagalùk Ala nen at Yesùt Karìsùt hukalogo yogosikomo, at Karìsùt en malaikat lakhei wagaikomo, wene atì at Ala atitigeke mene aike an Yohanet yogonete.


Ati'nogo yogonetomo, Ala ane atì Yesùt Karìsùt en abok yogonetenem wene obogat an neileken hìgì mene atì abok pak hogo helal waganogo hìgì atì o.


An Yohanet en hit o propinsi Asia gereja 7 nen atogotì lagep mene nerùgì nagaiya'lak. Ninopase Ala ebe esok motok logolìk, holo welagaike, yogotak weregat, hobuk motok logogin mene wesigin atì mel, Ala ebe kain welagarek obùlùk oba werek kolek Areagùn ebe katoksek motok ìlùk 7 nen elokoma welagaikarek atì mel, at Yesùt Karìsùt oabùt hùpùn hogo logolìk Ala abok pak hogo yogonisikerek mene a'nogo mel, inoabùt hano a'nogo nen sethisek logolìk hano mene wokhisìgìk, hinetaùken hapuguthinapìk, ìkì logouak o. At Yesùt ebe wa'lagaikesi'mo nen opase Ala nen omalik makusa taginaparek atì hak, at tak apotkwe eluguthesikomo, apùnì kaintek inetagepogot kweangma mene yoma inebe mea mene re, at enek he, esin welagarek. Atì'nogo logoigìlùk, nit en weak hagatì lagagu atì nen, ninebe hele warek hake ha'nisek were'ma, at en nit etawì'ninapikesik, amep wulagasogo wa'lagaike atì ba hele hikalninapike atì.


Atì'nogo hikalninapikesik, nit at opase hesik hagatì logouagalùk, ninebe kain Ala esewerek menhinasikomo welago. Atì'nogo menhinasikomo logolìk he, nina'la nen he, “At Yesùt Karìsùt atì, omame apik werek,” ìlùk nit at ebe eberogoat hogorato motok logouok o, ìlùk, u hak, “Amin,” ìgì atì.


Wene atì'nogo arat yogoisaga halok, yeke lo yeke hake hùko mene aike a'ma baga nen inoba lagai wìrìk, inom yapì logolìk, mabenetsìlìk inebe inoasigin o.


It ninerùgì ninagaiya'lak atì inokawerek inebe inetawì agì'lek, Ninoata halok he, hanoat o, ìlùk nikenem inoata. It atì re, Topa Eak amep wulagasogo wasukwa atì ba ho, it en Ala ane ebe wene atì pak hogo yogoisìlìk nìkì lagaika atì ba ho, Ibilit a'nogo arat mabenetsaga atì o.


Atì'nogo pelapenem he, walo a'nogo a'mage he a'nogo oba hìlìk, apùnì he a'nogo nen tagokwe mene hetakwe Ala nen wene ninasuk wasike wene hologo higit hogo hagatìk, Yesùt en hagasike wene pak hogo yogoisìgìk, egarek mene inoasigìlùk inaweim kabelhesik,


Wene yì hesik esin haganunak ho, Ala againapùrì at ane hologo higit hogo hagatì logolìk, hinetaùken Yesùt oba hìpìrìk welagasep mene atì, hinepe morogo logousak o.


Atì'nogo yogonetì lagama, an nen, at malaikat a'nogo awe a'ma kìlìk neitep awì yagasogo hogorasigìlùk ìgì meneat he, at en yogonetì logolìk: “Hùk. Atì'nogo hogo'nabusak lek o. An nebe re, hat mel, hagaiya'lak mel, ninom higit. Wene Yesùt en yogonisasike mene yogoisìlìk negarek mene atì, at Ala Areagùn nen ina'la kagalogo yogoisikenem yogoisagarek atì, wene ero at Yesùt en yogonisasike atìat o. Halok he, at Ala at hogorasusak o,” ìlùk yogonete.


Atì'nogo hìgìrìk oba nen, opolik he, ap kaintek inobùlùk apik were'ma atoma inebe apigat kain logolìk, apùnì aike inawe a'ma hisìlìk hagisek logolìk ùkùm inoba hìgìk, kotìk, ìkì logouagalùk esewerek hisagama isìgì. Nen, aike hìgì re, it apùnì yeke lo yeke hake hùko mene a'nogo mel, sukwan at ebe hake hagarek a'nogo mel, hogorinapì'lek, etage salek helal waganek a'nogo inetaùken wekelogo ineilhaken oba he a? Ineki ba he a, wanhì'lek heraksìlìk, Yesùt hagatì lagaike mene yogoisìlìk negarek hesik ho, Ala ane hesik ho, inalokop palogo inoasukwa mene arat inapotkwe inelugurinabìk, menhisikesik, at Karìsùt inom apùnì aike inawe a'ma hisìlìk hagisek, mo lagagik pìgìk iko kolek 1.000 tahun welagaika isìgì.


Atì'nogo hisa wesigin atì re, an nen, Hinepe morogo logoino o, ìlùk yogohisasigi mene atì, nane hologo higit hogo hagatì lagep atì nen, o hobuk Ala nen apùnì kweangma yoma welagaikarek mene obogat yì aik tì aik inoba hegein atì hiko kolek, hit enek he, an nen nawe a'ma hano hakhisek logogin o.


Atì'nogo isìgìrìk oba nen, opolik he, silo hagarek atì hak, sùesika uan mene ba amusu te'mek hogo hesukwa mene a'nogo mene, Topa Eak a'nogo nen 4 oba arat hikalhesik en, aike hikalhenem he, apùnì Ala ane ning hogo wanhukwasik, it aike yogoisìkì lagaukwa atì hesik inoasukwa mene inareagun Ala ako warogo etu loletarek oba a'ma were'ma lagisìgì o.


Hinok atì'nogo wo'niikenem, an nen he, “Noe, an nokot. Hat enek he, helu welagen o,” ìlùk yogotenem, at en he, mel yogonete: “It apùnì yoma re, o kweangma were'ma apùnì aike nen yì aik tì aik apik hagarinapenem, Ala nen telinapikomo, inasu Topa Eak amep oba arat kut motok sobalega mene o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ