ABÌKAKAN 1:4 - Ala Ane Wene Ket Mene Warogo Wo'ninapike Wene4-5 An Yohanet en hit o propinsi Asia gereja 7 nen atogotì lagep mene nerùgì nagaiya'lak. Ninopase Ala ebe esok motok logolìk, holo welagaike, yogotak weregat, hobuk motok logogin mene wesigin atì mel, Ala ebe kain welagarek obùlùk oba werek kolek Areagùn ebe katoksek motok ìlùk 7 nen elokoma welagaikarek atì mel, at Yesùt Karìsùt oabùt hùpùn hogo logolìk Ala abok pak hogo yogonisikerek mene a'nogo mel, inoabùt hano a'nogo nen sethisek logolìk hano mene wokhisìgìk, hinetaùken hapuguthinapìk, ìkì logouak o. At Yesùt ebe wa'lagaikesi'mo nen opase Ala nen omalik makusa taginaparek atì hak, at tak apotkwe eluguthesikomo, apùnì kaintek inetagepogot kweangma mene yoma inebe mea mene re, at enek he, esin welagarek. Atì'nogo logoigìlùk, nit en weak hagatì lagagu atì nen, ninebe hele warek hake ha'nisek were'ma, at en nit etawì'ninapikesik, amep wulagasogo wa'lagaike atì ba hele hikalninapike atì. အခန်းကိုကြည့်ပါ။ |
ABÌKAKAN 1:4
41 ပူးပေါင်းရင်းမြစ်များ
Atì'nogo ìlùk yogonetesik oba nen, opolik he, it Ala nen elalinapikomo ineluk welagaikarek mene aike inebe 4 amanogo mel, ap inalùgetek inebe 24 en amanogo mel, at kain welagarek obùlùk era'lukwe werek kolek, ina'la tùlem he, Topa Eak arat wasukwa mene ùkùloa'ma aik 7 ba nen wùlìk, nen, eileken 7 ba nenat mene metek welaga. Eileken 7 nen atì ebe re, Ala nen Areagùn o yì awì tì awì laksikerek mene amanogoat o.
Atì'nogo yogonetesik hobuk yogonetì logolìk: “Ala Areagùn ebe omakeat mene re, 7 salek a'nogo ese welagìk, hesagal ebe 7 nenat a'nogo nekim hesogo welagìk, ìgìrek mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Saritit atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak: Hit o Saritit mene apùnì nen hinabok ìkì logolìk, It ineluk werek, ìlùk, ìlì'lùgì meneat he, hinebe warek hake logolìk hinoabùt hagatì lagep mene atì an nelu o.
It atì inebe 4 mene re, inebe lopok inogolabì 6 en ma re, inomak abel etakwe mel, a'makwe mel, ineileken motok apik mene inane kamo ìgì'lek, likene motok, hùako motok, Ala apnù wanhì logolìk he, “Ninopase Ala Etagepogot omame apik, u a e, Halo keksek welagaike, u a e, Yogotak keksegat werek, u a e, Hobuk keksegat motok logogin, u a e,” ìlùk hogorato motok welagaika.
Atì'nogo yogonetesik hobuk yogonetì logolìk he: “An weak hagatì'lek, keksek logolìk, mene ebarogoat enek ìgìrek mene nen kwe hùtùkwe Taùt mene wolok kwe hùtì halok, apùnì aike nen yagasusak mea o. Nen, kwe yagatì halok, apùnì aike nen hususak meaat mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Pilalepia atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak:
Atì'nogo yogonetesik, hobuk yogonetì logolìk, “An he, ero ba nen pìkìt erepùl oba motok logogin mene a'nogo arat wa'lagagisik en hobuk neluk agagisik welagìrek mane a'nogo nen, wene yì yogohesik: At Ala nen malaikat ayoko hìlìk lakhei wesu hak, at againapùrì o Simirina atogotarek mene inayoko hìlìk hisasikomo werek a'nogo, wene an nen it yogoisegein mene yì, hat an helal waganogo inoba lakheinok en, it mel yogoisak:
Nen, hesagal ebe 7 nen neki ebekwe hesogo were'ma hegen a'nogo mel, esage kìalhùkwe ebe 7 nen esok telik emas mene hagarek mel, heileken hegen a'nogo re, wene hinago mene atì nen he, pak hogo yogohesik o. Hesagal ebe 7 nen hegen atì ebe re, it Ala againapùrì gereja 7 nen atogotarek mene atì, Ala nen malaikat inayoko hìlìk laksa wagarek atì hak, inayoko hìlìk hisasike mene isegen o. Nen, esage kìalhùkwe ebe 7 nen atì ebe re, it Ala againapùrì gereja 7 nen atogotarek mene atìat isegen o,” ìlùk yogonete.
Atì'nogo yogonetesik, hobuk yogonetì logolìk he: “Ero ba nen, yì mene tì mene ero anat were'ma, Ala nen elalhike mene atì, at abok noabùt hùpùn hogo eberogoat enek ìgìrek mene, netage ebe asuak u hak, Amin a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Laolikia atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak:
Atì'nogo yogonetesik hobuk mel yogonete: “An Ala aput neileken etu amulok hake, nen, nesok he, tembaga etumo weratenem apipin here-here ikerek atì hake a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Tiatira atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak:
Wene atì'nogo yogonetesik, hobuk yogonetì logolìk he, “An karok ela heta-heta mago mene nekimo hesogo welagì mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Perekamùt atogotarek mene inayoko hìlìk hisasikomo werek a'nogo, wene an nen it yogoisegein mene yì, hat helal waganogo inoba lakheinok an, it mel yogoisak:
An hinerei hinagaiyak Yohanet ninom ninebe Yesùt againapùrì omakeat mene, yì aik tì aik haga'ninapo kolek, nina'la nen he, “Hobuk at Ala nen awe a'ma hinegein,” ìlùk ninepe morogo welagarek atì. Were'ma, Ala ane Yesùt en pak hogo yogoniaasike wene a'nogo an nen yogoisìlìk nìgìrek an nen, neki hele warogo i okenma o etage Patomot kelakhani wagaikama welagì o.
Aìi'nogo yogonetesik, at Yesùt enat hobuk yogonetì logolìk he, “Yì wene tì wene yì abok, an nagot malaikat en hit nagainapùrì o yì awì tì awì atogotesep mene obogat yogohisoagalùk hinoba lakhei wagì atì re, an Yesùt enat o. Nen, e aku hulelherek atì hak, ap Taùt en tagokwe mene a'nogo re, an nebeat o. Nen, hesagal wap o mo yegelogo lagai wagarek higit en, lìabi wagarek mene apopok apik a'nogo re, anat o,” ìlùk yogonete.
ကြော်ငြာတွေ