ABÌKAKAN 1:2 - Ala Ane Wene Ket Mene Warogo Wo'ninapike Wene

² Ati'nogo yogonetomo, Ala ane atì Yesùt Karìsùt en abok yogonetenem wene obogat an neileken hìgì mene atì abok pak hogo helal waganogo hìgì atì o.

ABÌKAKAN 1:2 ပူးပေါင်းရင်းမြစ်များ

1 KORÌTÙT 1:6

Wene atì re, Karìsùt hagasike wene yogohisasigi mene, hina'la wanhigisip hinetaùken wurigethegep o.

ABÌKAKAN 12:17

Atì'nogo pelapenem he, walo a'nogo a'mage he a'nogo oba hìlìk, apùnì he a'nogo nen tagokwe mene hetakwe Ala nen wene ninasuk wasike wene hologo higit hogo hagatìk, Yesùt en hagasike wene pak hogo yogoisìgìk, egarek mene inoasigìlùk inaweim kabelhesik,

1 YOHANET 1:1

Wene helal waganogo hinoba lakhei wago atì ebe re, ebe wene ninelugu'ninaperek mene emakum ero ba nen welagarek a'nogo mene. Wene atì, nit arat ninasuk holhìk, nineileken tomok hìgìk, yerogo welagìk, nineki hakìgìk, isugu mene a'nogoat o.

YOHANET 21:24

Wene Yesùt agot aike hesik isike atì, nebe anat o. An neileken hasigi mene nenat pak hogo yogohisa hak, helal palogo hìgì yì. Wene atì an neileken hasigi mene nenat pak hogo yogohisìgì eberogoat, ìlùk, nit obogat ninelu.

YOHANET 19:35

Atì'nogo haga'lagaike mene atì, hit hùthoageip ìlùk, ap aike eileken welagaike mene nen wene atì abok pak hogo ìlì'logo. Nen, at en hogo re, “Eberogoat neileken tùkùm hogoat hìgìrìk abok pak hogo yogoisìgì,” ìlùk, at eluat o.

ABÌKAKAN 1:19

An atì'nogo welagì atì nen he, yì wene tì wene yogotak ya haga'larì'logo mene mel, hobuk haga'lasigin mene mel, heileken hegein mene obogat helal wanin o.

ABÌKAKAN 1:9

An hinerei hinagaiyak Yohanet ninom ninebe Yesùt againapùrì omakeat mene, yì aik tì aik haga'ninapo kolek, nina'la nen he, “Hobuk at Ala nen awe a'ma hinegein,” ìlùk ninepe morogo welagarek atì. Were'ma, Ala ane Yesùt en pak hogo yogoniaasike wene a'nogo an nen yogoisìlìk nìgìrek an nen, neki hele warogo i okenma o etage Patomot kelakhani wagaikama welagì o.

LAKSASIKE 26:16

Mene re, hebe melame. An nebe helokoma melasi wagì yì. Hat hebe an natitigeke arìk logolìk, yogotak heileken neegen mene mel, hobuk nebe helokoma melaganem neegein mene mel, apùnì aike yogoisìkì logoinogolùk, hayoko hìgì atì.

YOHANET 12:17

Nen, at Lasarùt warek salhukwasi'mo nen he, at Yesùt en waesikomo ebe eluk agaikesik wùlìbi waganem, it apùnì ineileken hasukwa mene amanogo nen, it he'nakìt yogoisìkì logolìk,

ABÌKAKAN 6:9

Atì'nogo isìgìrìk oba nen, opolik he, silo hagarek atì hak, sùesika uan mene ba amusu te'mek hogo hesukwa mene a'nogo mene, Topa Eak a'nogo nen 4 oba arat hikalhesik en, aike hikalhenem he, apùnì Ala ane ning hogo wanhukwasik, it aike yogoisìkì lagaukwa atì hesik inoasukwa mene inareagun Ala ako warogo etu loletarek oba a'ma were'ma lagisìgì o.

1 YOHANET 4:14

Nit en he, “Ala nen aput nineileken hìkì lagagu mene atì nen, nit apùnì kweangma mene telninabuagalùk lakhei wagaikomo,” ìlùk abok pak hogo yogohisìkì lago.

1 KORÌTÙT 2:1

Nerùgì nagaiya'lak. Ala ane atì a'la hinago were'ma, apùnì kweangma mene nen inokot mene atì, an nen hukalogo yogohisa wagagi atì re, an nane higit hogo ìgìrek en, na'la kagalek en, yogohisa wagagi lek.

YOHANET 3:11

Nit en wene ninelu meneat yogohisìgìk, nineileken hogo meneat eberogoat ìlùk, pìlìngìrogo yogohisìgìk, ogorek meneat he, ninane atì holhì'lek hinobaken nene hagatì lagep ìlùk, nane eberogoat yogohetì lagì.

YOHANET 1:32

Atì'nogo yogoisasikesik, hohuk at eileken hasike mene pak hogo mel yogoisasike: “Ala Areagùn sùe pal hake mane pogot oba nen pi wagasik Yesùt ot oba laboksek were'ma neileken hìgì o.

ABÌKAKAN 12:11

It ninerùgì ninagaiya'lak atì inokawerek inebe inetawì agì'lek, Ninoata halok he, hanoat o, ìlùk nikenem inoata. It atì re, Topa Eak amep wulagasogo wasukwa atì ba ho, it en Ala ane ebe wene atì pak hogo yogoisìlìk nìkì lagaika atì ba ho, Ibilit a'nogo arat mabenetsaga atì o.

3 YOHANET 1:12

Atì'nogo meneat he, at Temeterìùt hesik enek he, apùnì obogat en mel, at Ala eberogoat enek ikerek a'nogo nen mel, an nen mel, “At hano hagarì'logo,” ìlùk abok hano ogorek. At abok ogorek atì, eberogoat hano ogorek atì hit hinelu o.

LAKSASIKE 22:15

Halok, heileken hìgìk, hasuk holhìk, egen mene atì re, apùnì obogat pak hogo yogoisìkì logoino.

ABÌKAKAN 1:11

“Hat heileken hegein mene atì, helal waganino o. Waganogo re, it Ala againapùrì gereja 7 nen atogotarek mene, o etage Epesùt mel, Simirina mel, Perekamùt mel, Tiatira mel, Saritit mel, Pilalepia mel, Laolikia mel, inoba lakheino o,” ìlùk yogonete.

ABÌKAKAN 20:4

Atì'nogo hìgìrìk oba nen, opolik he, ap kaintek inobùlùk apik were'ma atoma inebe apigat kain logolìk, apùnì aike inawe a'ma hisìlìk hagisek logolìk ùkùm inoba hìgìk, kotìk, ìkì logouagalùk esewerek hisagama isìgì. Nen, aike hìgì re, it apùnì yeke lo yeke hake hùko mene a'nogo mel, sukwan at ebe hake hagarek a'nogo mel, hogorinapì'lek, etage salek helal waganek a'nogo inetaùken wekelogo ineilhaken oba he a? Ineki ba he a, wanhì'lek heraksìlìk, Yesùt hagatì lagaike mene yogoisìlìk negarek hesik ho, Ala ane hesik ho, inalokop palogo inoasukwa mene arat inapotkwe inelugurinabìk, menhisikesik, at Karìsùt inom apùnì aike inawe a'ma hisìlìk hagisek, mo lagagik pìgìk iko kolek 1.000 tahun welagaika isìgì.

ABÌKAKAN 22:21

Nen, hit Ala againapùrì o yì awì tì awì atogobesep mene obogat, nerùgì, nagaiya'lak. Ninoe Yesùt oabùt hano a'nogo nen hakhisek logouak o.