ABÌKAKAN 1:18 - Ala Ane Wene Ket Mene Warogo Wo'ninapike Wene

¹⁸ neluk motok welagìrek he, anat o. An nebe arat wa'lagagi meneat he, lakhan! Neluk agagisik, neluk motogat logogin o. Wa'lagaikarek atì mel, wa'la'lùk lagaikare'ma atì mel, kwe hùtùkwe an neki ba werek o.

ABÌKAKAN 1:18 ပူးပေါင်းရင်းမြစ်များ

ÙRÙM 6:9

At Karisùt arat wa'lagaikesi'mo nen Ala nen eluguthesikesi'mo nogo nen he, hobuk wa'lasigin lek, ìlùk ninelu o. Halok he, wa'lagwì ero atì nen Yesùt ebe hobuk awe a'ma housak motok mea a.

IBERANI 7:25

Atì'nogo eluk motok logolìk, nit apùnì hesik Ala kìno yogoto motok welagarek atì nen he, nit Ala were'ma kuogolùk at oba ha'larìk kikenem elok telninabìk katok hogo hano haga'ninabigin atì.

ABÌKAKAN 3:7

Atì'nogo yogonetesik hobuk yogonetì logolìk he: “An weak hagatì'lek, keksek logolìk, mene ebarogoat enek ìgìrek mene nen kwe hùtùkwe Taùt mene wolok kwe hùtì halok, apùnì aike nen yagasusak mea o. Nen, kwe yagatì halok, apùnì aike nen hususak meaat mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Pilalepia atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak:

IBERANI 12:2

Atì'nogo laga logolìk, emakum ninetaùken Yesùt oba hìpìrethouagalùk, at enat nina'la kagalhìk, hùlì elùgù oba hano katok hogo motok asi loagalùk, at enat se'nisek welagìk, ikerek atì nen he, arat nit nineileken nen wolok musok laga logouok o. At a'la nen he, “Inekalì warogo inebe e ba menhisìlìk inoatarek atì hak, an atì'nogo noasu nekalì,” ìlùk akìgì'lek, we, “An hobuk na'la hai hakegein,” ìlùk at ebe wato kolek epe morogo wa'lagaikesik en, hobuk eluk agaikesik yogotak Ala kain welagarek oba atoma era'lu kainat werek.

MATÌÙT 16:19

At Ala nen awe a'ma hisikere'ma kagarek oba, kwe hùtùkwe mene hat wokhesigin o. Hat en, kweangma yoma mene hesik hagasusak lek ìlùk wene palhen halok he, pogot oba mene nen wene palhe hagat igin o. Nen, hat en kweangma yoma hano hagasusak hano ìlùk egen halok he, pogot oba mene nen hano ike hagat igin o,” ìlùk Peterùt yogosike.

ABÌKAKAN 20:14

Ùkùm atì'nogo inoba hegein atì re, sùesika it apùnì aike inebe lopok ineluk motok logouagalùk hanorinabigin mene hùgì, inetage helal waganek a'nogo ba wanhì'lek mene halok, atì'nogo i laut etu mene yekelek atì ba wouk hogo pelaksìkì logolìk, a'ma baga mel, wa'lagwì ero mel, inomat wouk hogo atomaat pelaksìkì laga hìgì. Atì'nogo pelaksìkì laga atì re, alebagik elama hesik wa'larì'mo nen, hobuk wa'lasugun he, i etu mene yekele'ma pelaksegein atìat o.

IBERANI 1:3

Mo eileken tilelek-walelek lakhei wagarek hak, Ala ebe hogoratarek mene a'nogo nen, Yesùt ebe lakhei wagaikomo kweangma lìarogo logolìk, opase alìlùmo at hake welagarek. Ati'nogo logolìk, yì mene tì mene obogat welagarek atì, at ane omame ba welagarek. Were'ma, nit weak hagatì lagagu mene horogo legethìlìk he, Ala Etagepogot esin mene a'nogo oba lagasikesik era'lu kainat welagarek atì.

KALATIA 2:20

Nen, yogotak nebe neluk welagì yì re, nokawerek nomame ba welagì hùk. We, at Karìsùt at na'la logolìk eluk welagarek o. At ebe Ala apurat logolìk, nebe etawì nen an hesigat, “Noasuak,” ìlùk akasike ba ebe wasukwa atì. Nen, an netaùken at oba hìpìrìk were'ma re, at ebe na'la were'ma, neluk welagìrek atì.

ABÌKAKAN 4:9

Atì'nogo ìkì logolìk, ninhùkwe-nanhùkwe at kain eluk motok welagarek mene a'nogo ebe obùlùk oba were'ma hogoratì logolìk, “Ninopase kain welagatek mene harat hai wathapìk, hogothapìk, esinethapìk, ìkì logogun o,” ikenem he,

IBERANI 7:16

At atì, Ala esewerek melagaikesik werek atì re, apùnì nen, “Ap inùkùl etage tì mene menhisagaresi'mo re, ati meneat hano logouak,” ìlùk menhisagarek atì hak, menhesikomo werek hùk. Lek o. We, at hesik wene yì'nogo helal waganek werek. Ala nen he, “Ap Melekiserek an esewerek welagaike atì hak, hat an esewerek moto'-motok logoinogolùk menhagagì o,” ìlùk isikomo helal waganogo hesukwa atì hak, at Yesùt hobuk wa'lagì'lek eluk omame motok welagarek atì ba menhesikomo werek.

2 KORÌTÙT 13:4

At Karìsùt ebe maben were'ma e ba menhìlìk wasukwa meneat he, at Ala omame ba eluguthesikomo elugat welagarek. Atì hagat he, nit at ninom hutik logolìk maben welago meneat he, at Karìsùt ninom hutik nineluk logolìk he, Ala omame ba hit hesik hagasi wesugun o.

ABÌKAKAN 9:1

Atì'nogo malaikat inebe 4 en inapìkon anethagasik oba nen, aike apìkon anethikenem he, hesagal aike nen a'ma baga ma'loma pagarek oba, kwe husuagalùk kwe hùtùkwe etage kunci wogotama pogot oba nen kweangma pi waganem lakhìgì.

YOHANET 14:19

Nineki hamùlùgat logopik he, apùnì kweangma mene ineileken neogoin motok lek meneat he, hit enek he, an nelugat logogin, nen hit hobuk hinelugat logogun atì nen he, hineileken neogoin o.

ABÌKAKAN 5:14

It atì'nogo ikenem he, it Ala nen elalinapikomo ineluk welagaikarek mene aike inebe 4 en amanogo nen mel ìkì lagaika: “Ebe asuak,” u hak, “Amin,” ìkì lagaika. Nen, it inalùgetek inebe 24 amanogo nen hogo re, at awe a'ma kìlìk ineitep awì yagasogo hogoratenem isìgìat o.

MATÌÙT 11:23

Nen, hit apùnì o Kaperenagùm mene yì hina'la nen he, Ala nen pogot oba lìakhinìlìk esinethinegein, ìlùk hogorakìkì lagep a? Motok lek o. We, apùnì wa'la'lùk lagaikare'ma atoma motok pelakhikegein o. Apùnì nen hagasusak lek mene an nen elalinat hit ninom logolìk hagatì lagì a'nogo, o Sorom amma hagatì logoilema re, it atoma inebe lek agì'lek yogotak ya mobok hutigat logoilep o.

LUKAT 24:5

Wagaukwama re, it hìmì amanogo inayùk en inot somarek were'ma re, it ap pìre aremnogo nen hìmi amanogo mel yogoisasukwa: “Hit he, at eluk welagarek mene a'nogo apùnì warek mene welagaikare'ma nahalok heratì lagep.

YOHANET 11:25

at Yesùt en he, mel yogosike: “Apùnì ineluk motok logouagalùk, an nenat inelugurinapìrek o. At sa nen etaùken an noba hìpìrethìlì'mo nen wa'lasigin halok he, at ebe wa'lasigin meneat he, hobuk eluk arìk eluk motok logogin o.

ABÌKAKAN 2:8

Atì'nogo yogonetesik, hobuk yogonetì logolìk, “An he, ero ba nen pìkìt erepùl oba motok logogin mene a'nogo arat wa'lagagisik en hobuk neluk agagisik welagìrek mane a'nogo nen, wene yì yogohesik: At Ala nen malaikat ayoko hìlìk lakhei wesu hak, at againapùrì o Simirina atogotarek mene inayoko hìlìk hisasikomo werek a'nogo, wene an nen it yogoisegein mene yì, hat an helal waganogo inoba lakheinok en, it mel yogoisak:

ABÌKAKAN 6:8

Holhìrìk, lakhìgì hak he, wam kuda esi apùnì wa'lasuogolùk inelokoken kùl haga'lagarek atì hak mene nikenem lakhìgì o. Nen, inebe wa'lagaikarek atì, apùnì hake arìk he, wam atì apot oba hùrek nìkì laga. Atì'nogo nikenem, at opolik he, a'ma baga pagarek atì, apùnì hakeat arìk he, eperak nikenem lagisìgì. Atì'nogo nìkì logolìk, apùnì kweangma mene obogat inebe 4 oba nen mìkìlogo hisìlìk, 3 ba inoatì'lek heraksìlìk, aike nek apùnì aike nen karok oba inoatenem wa'lagìk, sùpùrùk no nen wa'lagìk, on em hake mene ba wa'lagìk, yeke lo yeke mel en, wam maro mene mel en, aik en lìbìlinapenem wa'lagìk, ìkì logouagalùk esewerek hisagama nikenem lagisìgì o.

ABÌKAKAN 10:6

Ala nen pogot ebe mel, oba welagarek mene mel, kweang ebe mel, oba welagarek mene mel, i laut yekelek mel, a'la welagarek mene mel, obogat elalhikesik eluk motok welagarek mene etage ba mel ìlùk hopuk palhenem holhì: “Ala nen hagasigin atì, tì sat ìgìk, tì sat ìgìk, abìak logogun lek o.

ABÌKAKAN 15:7

Atì'nogo wùlìbi wagaikama re, it Ala nen elalinapikomo ineluk welagaikarek mene inebe 4 amanogo mene aike nen isoak ebe 7 emas mene hagarek oba Ala eluk motok welagarek mene a'mage i negen hinago mene, Ala nen it malaikat inebe 7 ba amanogo wogisìkì laga lakhìgì.

ABÌKAKAN 20:13

Atì hagat, apùnì hetakwe wa'lagaukwasik, i laut yekele'ma welagaikarek mene, i laut en helelogo wulaksa wagìk, apùnì wa'la'luk a'ma baga pisukwa mene, at wa'lagwì ero mel, a'ma baga mel, esewerek welagarek mene a'nogo nen lìaksa wagìk, ikenem he, at Ala nen it inebe lopok inoabùt hagatì lagaukwa higit hogoat ùkùm inoba hìgìk, kotìk, ìkì laga hìgì.