At Ala ane ikerek atì re, karok ela abel heta-heta mago atì hake re, lek o. We, at ane atì re, eluk mene omame apik ela motok melangsek logolìk, inoak ekalim elema kìgìk, inamokok elema kìgìk, u hak he, ina'la inetaùken oba hakha lagaresik he, ina'la akagarek mene mel, inetaùken nen walok akagarek mene mel, eileken elok peneterek.
ABÌKAKAN 1:16 - Ala Ane Wene Ket Mene Warogo Wo'ninapike Wene16 Nen, eki ebekwe re, hesagal ebe 7 nen hesogo welaga. Nen, apelema nen karok ela heta-heta mago mene wùlìbi waga laga. Elokoken apipin he, o like tùlem mo tilelek-walelek yaterek atì hak were'ma neileken hìgì o. အခန်းကိုကြည့်ပါ။ |
ABÌKAKAN 1:16
26 ပူးပေါင်းရင်းမြစ်များ
At atì'nogo nìkì logolìk, apùnì inùkùl etage lopok obogat mabenetsegein mene, karok ela apik mene apelema nen wùlìbi waga laga hìgì. Atì'nogo mabenetsìlìk sìge lùk posie omaken omame apik atì hak, at ane omame ba apùnì haksìlìk, opase Ala omame motok api'mo re, yì mene tì mene hagasusak enek a'nogo a'mage lagalìk, ùkùm inoba hikenem anggur eken amusu keraluogolùk obùlùk oba sagalharek atì hak, at esok en al lebelinabigin mene hìgì.
Wene atì'nogo yogonetesik, hobuk yogonetì logolìk he, “An karok ela heta-heta mago mene nekimo hesogo welagì mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Perekamùt atogotarek mene inayoko hìlìk hisasikomo werek a'nogo, wene an nen it yogoisegein mene yì, hat helal waganogo inoba lakheinok an, it mel yogoisak:
Nen, hesagal ebe 7 nen neki ebekwe hesogo were'ma hegen a'nogo mel, esage kìalhùkwe ebe 7 nen esok telik emas mene hagarek mel, heileken hegen a'nogo re, wene hinago mene atì nen he, pak hogo yogohesik o. Hesagal ebe 7 nen hegen atì ebe re, it Ala againapùrì gereja 7 nen atogotarek mene atì, Ala nen malaikat inayoko hìlìk laksa wagarek atì hak, inayoko hìlìk hisasike mene isegen o. Nen, esage kìalhùkwe ebe 7 nen atì ebe re, it Ala againapùrì gereja 7 nen atogotarek mene atìat isegen o,” ìlùk yogonete.
Atì'nogo yogonetesik hobuk yogonetì logolìk: “Ala Areagùn ebe omakeat mene re, 7 salek a'nogo ese welagìk, hesagal ebe 7 nenat a'nogo nekim hesogo welagìk, ìgìrek mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Saritit atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak: Hit o Saritit mene apùnì nen hinabok ìkì logolìk, It ineluk werek, ìlùk, ìlì'lùgì meneat he, hinebe warek hake logolìk hinoabùt hagatì lagep mene atì an nelu o.
Atì'nogo isìgìrìk oba nen hobuk he, at malaikat omame apik mene aike asu negen ohena mene laberek. Nen, ùkùloak oba uare walìngìk. Nen, elokoken he, mo hake. Nen, esok he, etu amulok mot lagaikerek hake mene, helal waganek ikìlìk eagalak mene hukalek ekim wolok pogot oba nen pi wagasik, esok ebekwe re, i laut yekelek oba hìgìk, nen esok peikkwe re, kweang oba hìgìk, ìkì logolìk,
Atì'nogo yogonetesik hobuk mel yogonete: “An neki ebekwe hesagal ebe 7 nen hesogo logolìk, esage kìalhùkwe ebe 7 nen esok telik emas mene hagarek a'nogo esakokwe werek kolek, a'la tùlem nìgìrek mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Epesùt atogotarek mene inayoko hìlìk hisasikomo werek a'nogo, wene an nen it yogoisegein mene yì hat en helal waganogo inoba lakheinok en, it mel yogoisak:
ကြော်ငြာတွေ