3 YOHANET 1:5 - Ala Ane Wene Ket Mene Warogo Wo'ninapike Wene

^5-7 Nagaiyak hebe netawì e. Hat haberalì agì'lek Ala againapùrì ninerùgì ninagaiya'lak inebe helu mene hokot mene obogat leberisìkì lagen mene hùgì nen he, “At en nit etawì'ninabìk tì'nogo wo'nisike,” ìlùk Ala againapùrì yoma mene yogoisa wagaikama nasuk holhì o. Atì'nogo hagaten atì hak, it atì nen Karìsùt hesik apùnì aike wene inokot mene yogoisa laganem, it en yì mene tì mene aike wogisìgì'lek mene re, hat en Ala a'la hanorogo leberisìlìk laksìkì logoumo re, hano o.

3 YOHANET 1:5 ပူးပေါင်းရင်းမြစ်များ

MATÌÙT 24:45

At Yesùt en atì'nogo yogoisasikesik he, hobuk aike mel yogoisasike: “Ap kain mene aike againapùrì serisek logolìk inapùrùk wogisasak higit hogo wogisìkì logouagalùk, at atitigeke mene ayoko hikenem, at a'la kagalek logolìk oabùt oe ane igin mene higit hogo hagaterek atì sa akegep. At atì oe atì nen menhùlùk lagarek o.

MATÌÙT 25:16

Lagaikomo re, ap 5.000 nen wanhike mene a'nogo uang atì ba abarogo yì mene tì mene wanhì logolìk, hobuk 5.000 aike inom mangorogo hesike.

LUKAT 12:42

at ninoe Etagepogot Yesùt en he, mel yogosike: “Ap kain mene aike againapùrì serisek logolìk inapùrùk nasak mene wogisasak higit hogo wogisìkì logouagalùk, at atitigeke mene ayoko hikenem a'la kagalek logolìk oabùt oe ane igin mene higit hogo hagaterek atì sa hake akegen. At atì oe atì nen, menhùlùk lagarek o.

LAKSASIKE 1:15

Atì sat, Ala againapùrì aike inom inebe 120 hake atogorek logolìk, at Peterùt ina'la mel agaikesik he, wene mel yogoisasike:

ÙRÙM 12:13

Ala againapùrì mene aike yì mene tì mene le'ma werek halok sùpùrisìgìk, ap pok inebe hinokot mene waganem hinaua hanorogo woginapìk, ìkì logoino o.

KALATIA 6:10

Ma re, nit o yogotak hano mene hagasusak elok welago ya ba re, apùnì aike inebe obogat leberisìkì logolìgat, esin hake re, ninerùgì ninagaiya'lak inetatùken Karìsùt oba hìpìrìk werek mene hùgì hanorogo leberisìkì logouok o.

KOLOSE 3:17

“Ninopase Ala nen wo'nisikerek atì, ebe Yesùt enat wo'nisikerek o,” ìlùk, Ala hai watì logolìk, “Ninoe Etagepogot Yesùt awe a'ma logolìk hagatì lago,” ìlùk, yì mene tì mene obogat hagasuogolùk, hinane yì hesik tì hesik uogolùk, at Yesùt etage palogo hagatì logoino o.

IBERANI 13:2

It apùnì aike nen he, malaikat mene inebe ap pok salek inoake palek woginapukwasik inaganeke wanhukwa atì nen he, ap pok hinoba wago halok he, hinobaken nene heraksìgì'lek woginapì logoino o.

3 YOHANET 1:10

Atì'nogo hagarì'logo atì, aike re, apeliagat nit ninabok weak ìlì'logo. Atì'nogo ìkì logolìk, a'la nen he, “An hagatì lagì atì re, hamùlùgat. Na'la mea. Hobuk aike inom hogo hagasiginat o,” ìlùk akìkì logolìk he, it Ala againapùrì aike waganem, at ebe nen woginapì'lek logolìk, it aike nen woginabuogolùk ikenem wenagisìlìk, inebe Ala againapùrì atogotare'ma nen mùk hogo wulaksikeregat atì nen, an nebe wìrìk en, at hagarì'logo mene atì hùthoagalùk ekalì wasigin o.

3 YOHANET 1:3

Hat en ebe wene hasuk hologo hano hagatetek atì nen, it Ala againapùrì ninerùgì ninagaiya'lak aike noba wagaikasik, mel yogoneta: “At en ebe wene hesogo logolìk hano higit hogo hagaterek,” ìlùk habok yogonetama nasuk holhìrìk he, na'la hai apik hakìkì lagi o.