3 YOHANET 1:3 - Ala Ane Wene Ket Mene Warogo Wo'ninapike Wene

³ Hat en ebe wene hasuk hologo hano hagatetek atì nen, it Ala againapùrì ninerùgì ninagaiya'lak aike noba wagaikasik, mel yogoneta: “At en ebe wene hesogo logolìk hano higit hogo hagaterek,” ìlùk habok yogonetama nasuk holhìrìk he, na'la hai apik hakìkì lagi o.

3 YOHANET 1:3 ပူးပေါင်းရင်းမြစ်များ

LAKSASIKE 1:15

Atì sat, Ala againapùrì aike inom inebe 120 hake atogorek logolìk, at Peterùt ina'la mel agaikesik he, wene mel yogoisasike:

1 KORÌTÙT 13:6

Atì'nogo inetawìrogo logolìk he, it aike nen higit hogo hagatì'lek kolo hagatenem ina'la hai hakìgì'lek logolìk, higit hagatenem enek ina'la hai hakagarek.

KALATIA 6:10

Ma re, nit o yogotak hano mene hagasusak elok welago ya ba re, apùnì aike inebe obogat leberisìkì logolìgat, esin hake re, ninerùgì ninagaiya'lak inetatùken Karìsùt oba hìpìrìk werek mene hùgì hanorogo leberisìkì logouok o.

PILIPI 1:4

Hit emakum wene wanhìgip atì hùlì nen, yogotak hùlì, an nen hano wene apùnì aike yogoisìlìk nìkì logouagalùk lebe'niiko motok welagasep atì nen, ninhùp-nanhùbat na'la hairogo hit obogat hesik sapan ìkì logolìk, Ala ayoko hìgìk, hai watìk, ìkì lagì.

2 YOHANET 1:4

Hit hinebe re, he omakeat mene eagwì hake logolìk, hinebe aike ninopase Ala nen ebe wene ninasuk wasike a'nogo higit hogoat hagatì lagep mene hinoabùt palhìrìk, na'la hai apik hakìkì lagì o.

3 YOHANET 1:10

Atì'nogo hagarì'logo atì, aike re, apeliagat nit ninabok weak ìlì'logo. Atì'nogo ìkì logolìk, a'la nen he, “An hagatì lagì atì re, hamùlùgat. Na'la mea. Hobuk aike inom hogo hagasiginat o,” ìlùk akìkì logolìk he, it Ala againapùrì aike waganem, at ebe nen woginapì'lek logolìk, it aike nen woginabuogolùk ikenem wenagisìlìk, inebe Ala againapùrì atogotare'ma nen mùk hogo wulaksikeregat atì nen, an nebe wìrìk en, at hagarì'logo mene atì hùthoagalùk ekalì wasigin o.

3 YOHANET 1:2

Nagaiyak e. Hat hetaùken Ala ba hìpìrìk logolìk hano welagen atì hagat, hoba ou lek hano logolìk yì hesik tì hesik hano hagatì logoinogolùk, sapan hat hesik ìkì lagi o.

3 YOHANET 1:4

Atì'nogo ikenem he, an nen yì hesik, tì hesik na'la hai hamùlùgat negen hakìgìrek meneat he, hit hinebe an nagainapùrì nen ebe wene hesogo logolìk, hano higit hogo hagatenem nasuk holhìresik he, na'la hai apik hakìgìrek o.

3 YOHANET 1:5

Nagaiyak hebe netawì e. Hat haberalì agì'lek Ala againapùrì ninerùgì ninagaiya'lak inebe helu mene hokot mene obogat leberisìkì lagen mene hùgì nen he, “At en nit etawì'ninabìk tì'nogo wo'nisike,” ìlùk Ala againapùrì yoma mene yogoisa wagaikama nasuk holhì o. Atì'nogo hagaten atì hak, it atì nen Karìsùt hesik apùnì aike wene inokot mene yogoisa laganem, it en yì mene tì mene aike wogisìgì'lek mene re, hat en Ala a'la hanorogo leberisìlìk laksìkì logoumo re, hano o.