3 YOHANET 1:10 - Ala Ane Wene Ket Mene Warogo Wo'ninapike Wene

¹⁰ Atì'nogo hagarì'logo atì, aike re, apeliagat nit ninabok weak ìlì'logo. Atì'nogo ìkì logolìk, a'la nen he, “An hagatì lagì atì re, hamùlùgat. Na'la mea. Hobuk aike inom hogo hagasiginat o,” ìlùk akìkì logolìk he, it Ala againapùrì aike waganem, at ebe nen woginapì'lek logolìk, it aike nen woginabuogolùk ikenem wenagisìlìk, inebe Ala againapùrì atogotare'ma nen mùk hogo wulaksikeregat atì nen, an nebe wìrìk en, at hagarì'logo mene atì hùthoagalùk ekalì wasigin o.

3 YOHANET 1:10 ပူးပေါင်းရင်းမြစ်များ

2 KORÌTÙT 13:2

An alep neki aike wagagisik oba nen hobuk wagagi atì ba, it apùnì hit mene aike alebat weak hagasukwa mene mel, nen it he'nakìt o atoma mene inebe obogat mel, inasuk wasigi mene yogotak an nebe walegat logolìk ina'la eberogo yogoisegeinat o. An hobuk wìrìk he, it atì sebelogo hisa wesigin lek. We, ùkùm inoba hei wasigin o.

LUKAT 6:22

Nen, it ap yoma inapulak en, it ap alep Ala ane yogoisìkì lagaukwa mene hagarinapì lagaukwa hagat, hit yogotak an abat ta'lasi wagagi a'nogo nane wanhep atì nen ina'mapsìrì wathikìkì logolìk, hit enek kogologo hikìgìk, inane pùk weak wenakhisìgìk. Ap yì weak, ìlùk hinetage ìkì logolìk hinabok weak palhìk, atì'nogo hagathinapo halok, oko wokhisegein mene pogot oba apik werek atì nen he, hina'la hai hakìkì logolìk huleken etawì watì logoino.

3 YOHANET 1:5

Nagaiyak hebe netawì e. Hat haberalì agì'lek Ala againapùrì ninerùgì ninagaiya'lak inebe helu mene hokot mene obogat leberisìkì lagen mene hùgì nen he, “At en nit etawì'ninabìk tì'nogo wo'nisike,” ìlùk Ala againapùrì yoma mene yogoisa wagaikama nasuk holhì o. Atì'nogo hagaten atì hak, it atì nen Karìsùt hesik apùnì aike wene inokot mene yogoisa laganem, it en yì mene tì mene aike wogisìgì'lek mene re, hat en Ala a'la hanorogo leberisìlìk laksìkì logoumo re, hano o.

YOHANET 9:22

Atì'nogo yogoisasukwa atì re, it ap kaintek Yahuri mene nen, ìkì logolìk he, “It apùnì inebe lopok en, Ap yì re, Ala nen nit apùnì telninabuagalùk lakhei wesigin isike a'nogo Karìsùt ebe yìat o, ìlùk pak hogo iko halok he, ouma sapan egare'ma nen lisogo wulaksùok o,” ìlùk wene palhukwa mene werek atì nen he, ap atì opase agosa it ap kaintek Yahuri mene inayùk en he,

LAKSASIKE 1:15

Atì sat, Ala againapùrì aike inom inebe 120 hake atogorek logolìk, at Peterùt ina'la mel agaikesik he, wene mel yogoisasike:

KALATIA 6:10

Ma re, nit o yogotak hano mene hagasusak elok welago ya ba re, apùnì aike inebe obogat leberisìkì logolìgat, esin hake re, ninerùgì ninagaiya'lak inetatùken Karìsùt oba hìpìrìk werek mene hùgì hanorogo leberisìkì logouok o.

1 TIMOTÌÙT 5:13

Atì'nogo hagatì logolìk, inoabùt he, ineki wanùhùk o kùlùk ya ha'lagìk negarek. Atì'nogo nìkì logolìk he, aike weak motok mel hagarì'lùgì. Inane hùsipi weak ìkì logolìk it aike inawene meneat talepogoke ìgìk, wene aike usak lek mene hanogoat mene ìgìk, ilik nùgì atì.

2 YOHANET 1:10

Apùnì aike nen wene Karìsùt en yakùlnisasike wene lek, we, hunigat wene yakùlhisa waganem, sa nen apùnì inoabùt atìgìnìk mene hai warogo aua wanhenem he, at oabùt weak hagaterek mene atì oabùt helikerek atì nen he, hit en apùnì inoabùt atìgìnìk mene hai warogo hinaua woginabusak motok lek o.

2 YOHANET 1:12

Wene apigat hinoba lakhei wesusak werek meneat, lisu amusu sùesika ba helal waganusak he, nabìt o. We, nina'la hai hakìkì lago mene atì ebenagei'mo hai hakùogolùk he, ninom apìma weneane nineilha ba la'-lak uogolùk, an nebe hinoba wesigin akìkì lagì o.

3 YOHANET 1:3

Hat en ebe wene hasuk hologo hano hagatetek atì nen, it Ala againapùrì ninerùgì ninagaiya'lak aike noba wagaikasik, mel yogoneta: “At en ebe wene hesogo logolìk hano higit hogo hagaterek,” ìlùk habok yogonetama nasuk holhìrìk he, na'la hai apik hakìkì lagi o.