2 YOHANET 1:8 - Ala Ane Wene Ket Mene Warogo Wo'ninapike Wene

⁸ Nen, nit en hit hagathikìkì lagagu a'nogo hesik, hit aike oko wanhì'lek nong asinogo ìlùk, obogat wanuageip en he, hinoabùt hebelogo logoino. Logolìk he, Ala nen, “Hit oko wokhisegein,” ìlùk wene wa'nisasike a'nogo, hit aike nong agì'lek obogat heloageip en he, hinomamerogo hagatì logoino o.

2 YOHANET 1:8 ပူးပေါင်းရင်းမြစ်များ

MATÌÙT 24:4

at Yesùt en he, “Apùnì nen lalhinabinogo ìlùk he, hinoabùt hebelogo logoino o.

MAREKÙT 13:23

Wene atì oan haga'lagì'lek werek kolek hùsipi tak yogohisìgì atì hinepe hebelogo logoino o,” ìlùk yogoisasike.

MAREKÙT 13:9

Atì'nogo hìkì logolìk, hit he, hinoabùt hebelogo logoino. Apùnì aike nen he, hineki hele warogo ap kaintek en hinanema wanuagalùk inoba wokhisek lagìk, o apùnì Yahuri mene sapan egarek oba nen tùgì hinoatìk, ugun o. Atì'nogo ìlìk he, It yì Yesùt agoromì, ìlùk, it ap pemerintah mene kaintek inom, inetage pogot inom, ùkùm hinoba houagalùk inelokoma menhikamo, atì sat hanoasuak, an hagatenem hineileken nììkì lagep mene pak hogo yogoisogoin.

LUKAT 19:19

at oe a'nogo nen he, Nagot wa! Halok he, o kota 5 nen yoma hobuk hat ese logolìk hagisek logoinogolùk menhagagì o, ìlùk yogosike.

LUKAT 21:8

at Yesùt en he, mel yogoisasike: “Apùnì nen lalhinabinogo nen he, hinoabùt hebelogo logoino o. Apùnì inebe apigat en, inetage an netage mene salogo nen mel ìlìk wesugun: At wesigin isukwa a'nogo an nebe wagì yìat o, ìgìk, Haga'lasigin a'nogo arat hakok i waga, ìgìk, ìlìk wesugun a'naga, it atì inane hinasuk holhìlìk inopolik lagùp o.

YOHANET 4:36

Ebe arat palho halok he, ap aike awì yaterek mene mel, nen, aike eken palherek mene mel, eperak ina'la hai hakoagalùk, yogotak at aike eken palì'logo mene atì oko helìlì'logoat o. Oko helìlì'logo atì ebe re, eken palogo atogorogo hagarek atì hak, apùnì ineluk motok logouagalùk atogorogo hisìlì'logo atìat o.

1 KORÌTÙT 15:8

Atì'nogoo inelokoma melarìk waga lagaikesik, hobuk ebe hobuk he, an omalik inetawì akutmo tago mene hake meneat he, nelokoma melagaikomo neileken hasigiat.

1 KORÌTÙT 3:14

Atì'nogo walhikenem he, at aike nen o tik atì ba wùte mene etu nìkì'lek logogin halok he, eki oko wogosigin o.

1 KORÌTÙT 3:8

An awì yatìrek mene atì, at i kesalherek mene atì, neperak higit meneat he, nineki oko re, ninebe lopok yabu hagatì logogun mene higit hogoat wo'nisegein o.

KALATIA 3:4

Ala nen obogat atì'nogo hagathinapenem hasigip mene atì, we tùlemat alema'lasusak nogo? Mea o.

KALATIA 4:11

An hit hesik ning hogo mep lagai'-lagak hogo hagarìk nìkì lagì a'nogo we tùlemat asigin he a, ìlùk, nayùk arì'logo nen ìgì.

PILIPI 3:16

Meneat he, yogotak ninoabùt wene atì higit hogo hagarìk waga lago hagat, atì'nogoat motok hagarìk laga logouok o.

IBERANI 10:32

Nerùgì nagaiya'lak. Hit alep Ala nen hinebe lìathinapikomo were'ma yì aik tì aik wiik-weak hogo hagathinapo kolek, hinepe morogo ning hogo welagagip atì hina'la ebe'no o.

IBERANI 10:35

Halok he, alep weak hagathinapo kolek hina'la pùk welagagip mene atì kopok hogo heraksìgì'lek, yogotak ya atì'nogoat logogun halok, oko hùko mene wokhisegein atì nen he, ning hogo logoino o.

IBERANI 12:15

Apùnì hit mene aike Ala oabùt hano nen wo'nisikerek mene atì heraksalùk wùlùpenem he, alealeka hulelek were'ma, hano mene oba arìk alethikerek atì hak, at atì nen apùnì obogat weagarinabinogo ìlùk hineileken hanorogo logoino o.

ABÌKAKAN 3:11

An heageagat wesigin o. Atì'nogo wìrìk, sa awewerek sa awewerek laga logolìk, inomame asugun mene oko kare-kare iksagarek atì hak, oko hit wokhisegein mene, it apùnì aike nen telogo helanogo ìlùk, hit ebe wanhigip mene atì, hineki ning hogo hesogo logoino o.