2 YOHANET 1:6 - Ala Ane Wene Ket Mene Warogo Wo'ninapike Wene

⁶ Nit-nit netawì-hetawìrogo logousak atì ebe re, wene Ala nen ninasuk wasike wene a'nogo higit hogo hagatì logousak atìat o. Wene ninasuk wasike atì re, ebe yì: “Hit-hit netawì-hetawìrogo hagatì logoino,” ìlùk ero ba nen ninasuk wasikomo holhugu atì hagat hagatì logousak o.

2 YOHANET 1:6 ပူးပေါင်းရင်းမြစ်များ

1 YOHANET 5:3

Nit Ala nen ta'ninape mene hùgì ninebe lopok en he, “Ala ane atì eberogoat,” ìlùk ninetaùken at oba hìpìrethogorek atì ba, it apùnì kweangma mene inoabùt inesogat logolìk weak hagatarek mene atì mabenetsìlìk ninomame agorek atì. Atì'nogo mabenetsìlìk ninomame agorek atì nen, wene Ala nen ninasuk wasike wene atì ekin lek, seweak o. Atì nen he, nit en, “Ala ebe ninetawì welago,” ìlùk u hak he, at en wene ninasuk wasike wene atì hologo higit hogo hagatì logouok o.

1 YOHANET 2:24

Nen, hit he, wene alebat hinasuk holhigip mene atì, hina'la Wìlìk he, eberek motogat logoino. Atì'nogo logogun halok he, hinebe ninopase Ala aput Yesùt eperak hinom hutik logogun o.

1 YOHANET 2:5

Atì'nogo meneat he, sa nen Ala ane hologo higit hogo hagaterek halok he, yì mene tì mene katok hogo hagatarek atì hak, at atì Ala motok etawìrogo welagarek o. Nen, nit atì'nogoat welago halok, nit Ala ninom hutik welago, ìlùk atì baat ninetawì wekelogo hùthìkì lago.

YOHANET 15:10

Nen, an nopase nen, Yì'nogo haga'no, tì'nogo haga'no, ìlùk nasuk warogo gonesike mene atì, an nen at ane hologo hagatenem, at en an etaùken hutik welagarek atì hak, hit atì'nogoat, an nen hit hinasuk warogo, Yì'nogo haga'no, tì'nogo haga'no, ìlùk yogohisìkì lagì mene atì, hit en an nane hologo hagatì logogun halok he, an nen hit netaùken hutik logogin o.

YOHANET 14:15

At Yesùt en wene atì'nogo warisasikesik he, wene aike mel yogoisasike: “Hit an hinetaùken hutik halok he, an nen hit yì'nogo hagatì logoino, tì'nogo hagatì logoino, ìlùk yogohisìkì lagì mene atì hagatì logogun o.

YOHANET 15:14

Nen, an nen hinasuk warogo, Yì'nogo haga'no, tì'nogo haga'no, ìlùk yogohisìkì lagì mene atì, nane hologo hagatì logogun halok he, hit an nagaiya'lagat o.

YOHANET 14:21

At sa nen, an nen, yì'nogo hagatì logoino, tì'nogo hagatì logoino, ìlùk yogohisìgì mene atì, nane hologo hagaterek halok, an nebe awaken hutik mene at atìat o. Nen, nopase nen at atì ataùken hutigat. Nen, an nen at atì netaùken hutik logolìk, nebe hùthanuagalùk yakùlesigin o,” ìlùk yogoisasikomo,

1 YOHANET 5:15

Ati nen he, nit en, “We, nena mene Ala kìno yogotenem, at an ninane asuk holherek atì,” ninelu halok he, “Nit yì mene tì mene kìno yogoto a'nogo arat wo'nisikomo esewerek agosik welago,” ìlùk ninelu o.

2 YOHANET 1:5

Atì nen he, nerei e. Wene ket mene helal waganogo heagwi hinomat were'ma hinoba lakhei wagì hùk. Lek o. We, nit ebe wene atì hùthasugumo, at Ala nen nit-nit netawì-hetawìrogo logouagalùk ero ba nenat ninasuk wasikomo ninelu mene a'nogo helal waganogo hinoba lakhei wagì atì o.

YOHANET 14:23

at Yesùt en he, mel yogoisasike: “At sa nen an nebe etaùken hutik halok he, nane hologo hagatì logogin o. Nane hologo hagatì logoumo, nopase nen at atì etaùken hutik logogin o. Atì'nogo logolìk, an nopase neperak ap atì oba wìrìk, at ninom motok logogun o.

1 YOHANET 2:7

Nerùgì nagaiya'lak. Hinebe netawì e. Wene ket wene hinasuk warogo helal waganogo hinoba lakhei wagì hùk. We, holoat Ala nen hinasuk warogo yogohisasikomo ero ba nenat hesogo welagasep mene o. Wene atì re, at Ala nen hinasuk holoat wasikomo holhigip mene a'nogoat o.