2 YOHANET 1:4 - Ala Ane Wene Ket Mene Warogo Wo'ninapike Wene

⁴ Hit hinebe re, he omakeat mene eagwì hake logolìk, hinebe aike ninopase Ala nen ebe wene ninasuk wasike a'nogo higit hogoat hagatì lagep mene hinoabùt palhìrìk, na'la hai apik hakìkì lagì o.

2 YOHANET 1:4 ပူးပေါင်းရင်းမြစ်များ

1 KORÌTÙT 13:6

Atì'nogo inetawìrogo logolìk he, it aike nen higit hogo hagatì'lek kolo hagatenem ina'la hai hakìgì'lek logolìk, higit hagatenem enek ina'la hai hakagarek.

KALATIA 2:14

Atì'nogo wùlùpukwama re, an na'la nen, “Wene eberogoat, hano wene yì meneat he, it inoabùt he, hano wene yakùlisìkì logolìk hagasusak mene hagarì'lùgì lek hìgì,” ìlùk, apùnì obogat ineilhanem Peterùt wene mel ìlùk yogosigi: “Hat hebe Yahuri meneat he, apùnì Yahuri mene hagatarek hak hagatì'lek, apùnì etakwe mene nen hagatarek hak hagatì logolìgat, it etakwe mene yogoisìkì logolìk he, Hit hinoabùt apùnì Yahuri mene hagatarek hak, inoabùt waganogo hagatì logoino, ìlùk ning hogo yakùlisìkì lagen atì nenahalok,” ìlùk, pak hogo wenagasigi.

EPESÙT 5:2

Apùnì nen yì mene tì mene Ala hesik hisìlìk, ebe warogo etu loletenem, Ala a'la hanorogo apen hano mene lìagatì lagaukwa atì hak, at Karìsùt nit ninebe etawì'ninabìk he, “It hesik an nebe noasuak o,” ìlùk akasike ba ebe wasukwa atì ba Ala a'la hano agaike atì hak, nit-nit netawìhetawìrogo hagatì logouok o.

EPESÙT 5:8

Hit alebat he, o mùmmo welagagip meneat he, yogotak ninoe Etagepogot hinom hùnethìlìk, o lìa ba welagep atì nen he, hinoabùt o lìa ba logolìk hagatì logousak meneat higit hogo hagatì logoino o,

PILIPI 4:10

Hit alep, an noba eberìk lebe'neasigisip en, hobuk noba eberek welagep meneat he, nìkì'nogo lebe'nea heat welagasip en yogotak lebe'neegep atì nen ninoe Etagepogot neperak hutik logolìk na'la hai apik hakìkì lagì.

1 YOHANET 2:6

Nen, sa nen, “An Ala neperak hutik welagì,” ìlùk ikerek halok he, oabùt at Karìsùt hagatì lagaike atì hagat hagatì logousak o.