2 YOHANET 1:1 - Ala Ane Wene Ket Mene Warogo Wo'ninapike Wene

^1-2 An nen, Ala againapùrì sethisek logouagalùk, at en menhanhike mene hinoe a'nogo nen, hit Ala againapùrì takhinapike mene hùgì hinebe re, he omakeat mene ebe Ala nen wenasike mene eagwi inom hakema re, wene yì hai warogo helal waganogo hinoba lakhei wagì o. Hinebe eberogoat netawì o. An naligat enek hinebe netawì welagì hùk. We, it aike ninom ebe wene yogotak nina'la logopik hobuk moto'-motogat logogin mene atì wanhukwasik inelu agaukwa mene nen inetawìthinapaat o.

2 YOHANET 1:1 ပူးပေါင်းရင်းမြစ်များ

LUKAT 1:3

Atì'nogo walhìlìk wagaukwa meneat he, an hogo re, wene atì ero ba nen tùkùm hogo yakùlhì lagagisik nogo nen he, hat he, wene yakùlhesukwa mene atì eberogoat ìlùk akanok en he, wene ebe pìlìngìrogo helal waganogo hoba lakhei wesigìlùk akìkì lagìrìk wanhì lagì yì o. Noe.

YOHANET 8:32

wene ebe wene hinelu asigin o. Hinelu asumo, wene ebe wene atì baat hinebe hele hikalogo hinalepma hikegein o,” ìlùk yogoisìkì lagaikomo,

LAKSASIKE 11:30

Atì'nogo atogosukwasik he, Parenapat Saùlùt eperak en, inekim wolok lìlìk, it ap Ala againapùrì serisek welagaukwa mene ineki ba hei loagalùk laksasukwa atì.

ÙRÙM 16:13

At Ùrùpùt atì ninoe Etagepogot en ayoko hesikomo hogoratarek atì. At agosa atì, an nagosa hakeat o. Eak eperagat, “At en hai wathinape,” ìlùk yogoisanoat o.

KALATIA 2:14

Atì'nogo wùlùpukwama re, an na'la nen, “Wene eberogoat, hano wene yì meneat he, it inoabùt he, hano wene yakùlisìkì logolìk hagasusak mene hagarì'lùgì lek hìgì,” ìlùk, apùnì obogat ineilhanem Peterùt wene mel ìlùk yogosigi: “Hat hebe Yahuri meneat he, apùnì Yahuri mene hagatarek hak hagatì'lek, apùnì etakwe mene nen hagatarek hak hagatì logolìgat, it etakwe mene yogoisìkì logolìk he, Hit hinoabùt apùnì Yahuri mene hagatarek hak, inoabùt waganogo hagatì logoino, ìlùk ning hogo yakùlisìkì lagen atì nenahalok,” ìlùk, pak hogo wenagasigi.

KALATIA 2:5

Mene re, wene hano wene atì hit hesik hanorogo elele palogo hakhisek logouogolùk, it en atì'nogo ikenem, nit en it inane hologo nineki omakeat oba aike, “Ì o,” ìlùk, ìgì'legat.

KALATIA 3:1

Hit apùnì o Kalatìa mene hinetaùken lek hagati lagep atì rì! Yesùt Karìsùt ebe e ba menhìlìk wasukwa wene a'nogo hineilhanemat sekek hogo yakùlhisasugu meneat he, wene hobuk sa nen hina'la kagalhomo atì'nogo hagatì lagep.

KALATIA 5:7

Apùnì sa awewerek sa awewerek lagaikarek hak, hit hageat he, ebe wene atì hesik hinoabùt akiluk hogo hagatì lagagip meneat he, hobuk sa nen hina'la kagalhì lagama ebe wene atì hologo higit hogo hagatì'lek, hina'la pùk welagep nogo.

IBERANI 10:26

Ebe wene Ala ane yogonisasukwa mene ninelu logolìgat he, nineram enat wene atì sagalogo heraksìlìk weak motogat hagatì logogun halok he, nit hobuk ninako Ala waresumo ho'ninabigin motok legat o.

1 PETERÙT 5:1

Hit Ala againapùrì serisek welagasep atì hak, an atì'nogoat serisek welagìrek mene nen hinasuk aike wasik. At Karìsùt oba yì aik tì aik hìlìk hìlìk wa'lagaike atì, an neileken hasigi. Nen, hobuk Ala nen ebe weinam hogo lakhei wesigin atì waganem, apùnì nen hogorasugun atì, an ninom hogo'ninabugunat o. An nane lìok hogo hinasuk wasik.

1 PETERÙT 5:13

Hinerùgì hinagaiya'lak Ala againapùrì at en wenaginapike mene o Pabilon yoma welagaikarek mene nen hai wathinapìk, naput Marekùt en hai wathinapìk, aga o.

1 YOHANET 2:21

An nen wene helal waganogo hinoba lakhei wagì atì re, ebe wene hinokot en hùk. Hinelu welagep atì nenat lakhei wagì o. Nen, inapeliak egarek atì ero re, Ala ebe mene nen hùk. Ero hunigat, ìlùk hineluat o.

1 YOHANET 3:18

Halok he, nagainapùrì e. Nit en apùnì aike ninetawìrinapì'lek logolìgat he, ninane ba nek he, “Ninetawìrinapì logouok o,” ìlùk ìkì logousak mea o. At he, inebe ninetawìrinabìk, nineki ba nen eberogoat leberisìkì logouok o.

2 YOHANET 1:13

He aike Ala nen wenasike mene, eagwi nen inagosahe ebe hai wasu hak, it Ala againapùrì yoma mene nen he, hit hai wathinapa o.

2 YOHANET 1:5

Atì nen he, nerei e. Wene ket mene helal waganogo heagwi hinomat were'ma hinoba lakhei wagì hùk. Lek o. We, nit ebe wene atì hùthasugumo, at Ala nen nit-nit netawì-hetawìrogo logouagalùk ero ba nenat ninasuk wasikomo ninelu mene a'nogo helal waganogo hinoba lakhei wagì atì o.

3 YOHANET 1:1

Kayùt nagaiyak e. An nen Ala againapùrì serisek logouagalùk menhanhike mene hinoe a'nogo nen netaùken oba nen hebe eberogoat netawì welagì, ìlùk, wene yì helal waganogo hoba lakhei wagì o.