2 TIMOTÌÙT 4:5 - Ala Ane Wene Ket Mene Warogo Wo'ninapike Wene

⁵ It atì'nogo hagato kolegat he, hat he, yì mene hesik, tì mene hesik hoabùt hebelek logolìk, hoba yì aik tì aik hìkì logolìk, hepe morogoat logoino. Hano wene yakùlisìlìk negarek atì meneat esinethìlìk he, Ala nen, “Tì'nogo leberisìkì logoino,” ìlùk, hayoko hesike mene atì aike heraksìgì'legat higit hogo hagatì logoino.

2 TIMOTÌÙT 4:5 ပူးပေါင်းရင်းမြစ်များ

2 TIMOTÌÙT 1:8

Ati nen he, ninoe Etagepogot abok apùnì aike yogoisasak hekalì lek hogo pak hogoat yogoisìgìk, nen, an at hesigat neki hele warogo hanhama welagì yì hesik, hekalì lek halong hogo welagìk, ìkì logoino. Atì'nogo ìkì logolìk, apùnì aike nen hano wene atì hesik, yì aik tì aik haga'ninapo kolegat, an Ala omame ba welagìrek hagat, hepe morogo logoino.

1 PETERÙT 1:13

Ati nen he, wene atì hùthìlìk he, kwe humusek lùogolùk inobakwe hele ning hogo homatarek atì hak, hinoabùt hebelogo, hinetaùken wekelogo logoino. Ati'nogo logolìk, hina'la nen he, “Ala nen Yesùt Karìsùt ebe weinam hogo lakhei waganem hano mene wo'nisa wesigin o,” ìlùk hinetaùken at oba lakhìlìk oba eberek motok logoino o.

2 TIMOTÌÙT 2:3

Ap ekaragùntek mene inogogì inane hologo weim yapì logolìk, yì aik tì aik hìlìk hìlìk yaparek hak, hat en Yesùt Karìsùt ane hologo, yì aik tì aik hìkì logolìk, hepe morogo hagatì logoino.

KOLOSE 4:17

At Arìkìpùt a'nogo wene mel ìlùk yogo'no: “Ninoe Etagepogot en hayoko hìkì logolìk he, Yabu an hesik tì'nogo haga'no, ìlùk yogohesike mene atì, elùgùn warogo haga'no,” ìlùk yogo'no.

1 TIMOTÌÙT 4:12

Hat hebe elege oan welagen atì nen, it apùnì aike nen ina'la meathagousak lek o. Hebe elegeat logolìk, apùnì aike inetaùken Ala oba hìpìrìk werek mene hùgì nen hat hoabùt wanuagalùk, hane higit hogo yogoisìgìk, hoabùt higit hogo hagatìk, apùnì hetawìrinapìk, hetaùken Karìsùt oba hìpìrìk welagìk, weak hagatì'lek heil lopok hogo welagìk, ìkì logoino.

LAKSASIKE 21:8

Ninom welagagusik, hùenkwe re, o Kaisarea lagagusik, it ap inebe 7 nen hageat o Yerusalem en weteberogo hisìlìk menhisasukwa amanogo mene aike hano wene yogoisìlìk nìkì lagaike mene etage Pilipùt were'ma, aua kìlìk ninom welagagu.

1 TIMOTÌÙT 4:15

It apùnì obogat en hat hoabùt palhì logolìk he, “At Timotìùt alep hano hagatì lagasik yogotak hano motogat hagarì'logo,” ìlùk enagat hùthagauagalùk, wene yogohetì mene atì obogat hetaùkenma hìlìk hagato motok gogoino.

1 TESALONIKA 5:6

Halok he, it aike nogo negen ìlì'lùgì atì, nit atì'nogo ìkì logousak mea o. We, ninoabùt hebelogo logolìk, ninetaùken wekelogoat logouok o.

ABÌKAKAN 3:2

An nen hit hinoabùt palhì lagì re, nopase Ala eilhanem hano katok hogo hagatì lagep lek. We, horogat wa'lasusak hinetaùken pasalùk welagep atem obaat, siak hogo melarìk he, hinekisok hapugurakalìk, hinomamo a'no o.

EPESÙT 4:11

Nen, sùpùrogo pelagisa wagaike atì ebe re, nit Ala againapùrì ninebe obogat Karìsùt ebe hake were'ma, o wùtarek hak wùrogo hiaikenem, ninebe obogat Ala hesik hagatì logouagalùk he, ninebe lopok ninayoko hìlìk menhinìlìk lagaike atì. It aike Ala ane wolok loagalùk inayoko hìgìk, it aike Ala ane yogoisìkì logouagalùk inayoko hìgìk, it aike hano wene apùnì etakwe mene hesik yogoisìlìk loagalùk inayoko hìgìk, it aike Ala againapùrì serisek logolìk wene yakùlisìkì logouagalùk inayoko hìgìk, ninebe lopok atì'nogo ninayoko hesike atì.

IBERANI 13:17

Hobuk Ala nen he, hit hinogogì mel yogoisegein: It inetaùken hesik nìkì'nogo hagatì lagasip, ìlùk yogoisikenem, it ina'la nen he, “Nit ninoba lopogat oko yogosugun hìgì,” ìlùk, hanorogo sethisek motok welagaikarek atì nen he, it inawe a'ma soma ìlìk inane hologo hagatì logoino o. Atì'nogo hagatì logogun halok he, it ina'la hairogo, hit hesik hagatì logogun atì. Meneat he, hit en it inane hologo hagatì logogun lek halok he, it ina'la weak logolìk, hit hesik we tùlemat hagatì logousak o.

2 TIMOTÌÙT 2:10

Atì nen he, it apùnì aike Ala nen wenaginapike mene hùgì, Karìsùt Yesùt inom hùnesumo re, inebe telinapìk, ineluk hano motok logouagalùk, hanorinapìk, uagalùk he, an atì'nogo weaga'napo kolegat, nepe morogo welagìrek atì.

LUKAT 12:37

At kain a'nogo atitigeke mene amanogo inoe serogo were'ma ebe waga logoumo re, ina'la hai apik hakogoin o. Atì'nogo serogo were'ma wesipik he, at inoe a'nogo asu it inasu hake laberogo, at agoromì amanogo isago a'nogo noagalùk inebe omakìma lapuk hogo hùthisìlìk he, at en sùpùrisegein, ìlùk yogohisìgì.

MAREKÙT 13:37

hinoabùt hebelogo logoino o, ìlùk hit yogohisìgì yì re, apùnì inebe obogat hinomat yogohisìgì o,” ìlùk yogoisasike.

KOLOSE 1:25

An he, Ala nen, hit hesik, at againapùrì mene obogat inatitigeke logouagalùk nayoko hesikomo, wene Ala nen isike wene atì obogat yogoisìlìk nìkì logousak meneat, yogoisìlìk nìkì lagì atì.

ÙRÙM 15:19

At ebe hathoagalùk yì mene tì mene hagatìk, hogorasuagalùk yì mene tì mene elalhìk, omamerogo isike. Ala Areagùn a'nogo omame baat hagasike atì. Hagato kolek he, an he, o Yerusalem a'loma nen lagakpagak pìkìt o Ilirikum a'loma, at Karìsùt wene hano wene atì tùkùm hogo yogoisìlìk wagì.

MAREKÙT 13:34

Wene yì eperak higit he, ap aike aua nen o walegat lagalùk he, atitigeke mene aua serogo logouagalùk hisalùk lagarek. Lagalùk, atitigeke mene amanogo ineyabu lopok sùpùrogo wogisìkì logolìk, Hat aike yì hagatì logoino. Hat aike tì hagatì logoino. Hat aike nawì kwe ba serogo welagatek mene yì, heileken hanorogo logoino, ìlùk sùpùrogo wogisalùk lagarek hakeat o.

2 TIMOTÌÙT 4:17

Atì'nogo meneat he, an nen ebe wene tùkùm hogo yogoisikenem, it etakwe mene inebe obogat inasuk holuagalùk, ninoe Etagepogot an nera'lilu logolìk, nomame'napesik, singa lo yeke hake anini weak mene a'nogo apema were'ma telnabu hak, noasusak mene telnape atì.

MATÌÙT 25:16

Lagaikomo re, ap 5.000 nen wanhike mene a'nogo uang atì ba abarogo yì mene tì mene wanhì logolìk, hobuk 5.000 aike inom mangorogo hesike.