2 TIMOTÌÙT 4:4 - Ala Ane Wene Ket Mene Warogo Wo'ninapike Wene

⁴ It atì ebe wene atì ikenem inesako labethìlìk, wenesuayo pìlìngìtarek wene atì pìlìngìtenem enek he, inesako lang hogo holhì logogun atì.

2 TIMOTÌÙT 4:4 ပူးပေါင်းရင်းမြစ်များ

1 TIMOTÌÙT 1:4

It atì nen he, wenesuayo inera nen lìbìlogo pìlìngìtìk, Ninebe atì'nogo ta'larik wagagu, ìlùk wenekomane ero ba nen palhìgì'legat pìlìngìrìk motok lagìk, ìlì'lùgì atì mene ba inetaùken eberek motok logoinogo nen, ìgì'lek heraksoagalùk inasuk wa'noat,” ìlùk yogohesigi akìgì. Wane atì mene ikenem, ebe wene ninetaùken Ala oba hìpìrethìlìk were'ma, at en hano'ninabigin atì mene hùko agarek lek o. We, elùgùn oba inane hùkoat sagalharek atì.

2 PETERÙT 1:16

Ninoe Etagepogot Yesùt Karìsùt omame apik a'nogo ebe wagaike mene hesik hinelùrogo yogohisìkì lago atì re, wenesuayo apùnì ina'la kagalogo pìlìngìtarek mene atì oba lìrogo yogohisìkì lago lek o. We, at ebe Etagepogot mene wagaikomo, ninokawerek nineileken tomok hasugu mene nen yogohisìkì lago o.

1 TIMOTÌÙT 4:7

Apùnì nen wenesuayo ebe wene lek meneat he, tùlemat inapeliak pìlìngìtarek mene atì heraksìkì logoino. Heraksìlìk, Ala awe a'ma logolìk hagatarek mene atìat homamerogo yakùlìkì logoino.

LAKSASIKE 7:57

Atì'nogo yogoisasikomo, it manogo inane a'mìt sup ìlìk he, ineki inesako te'mek hogo, humusek apìneat oba hobotha kisukwa.

TITUT 1:14

It apùnì Yahuri mene inera nen lìbìlogo wenesuayo wene pìlìngìrì'lùgì mene mel, apùnì aike nen, ebe wene heraksìlìk ina'la nen kagalogo, “Tì'nogo hagatì logousak,” ìlùk inasuk warì'lùgì mene atì mel, wene atì hesogo logoinogo ìlùk, inasuk ning hogoat watì logoino.

2 TIMOTÌÙT 1:15

It apùnì o propinsi Asia ya ta mene amanogo inebe obogat an herakhanìlùk pùgùlogo wùlìpì logolìk, at Pìgelùt ho, Heremogenet ho, inomat pùgùlha atì, hat heluat welagen o.

1 TIMOTÌÙT 6:20

Timotìùt naput e. Ala nen hayoko hìkì logolìk, “Yi mene hagatì logoino,” ìlùk, hoba hesike mene atìat hanorogo hesogo logolìk, homamerogo hagatì logoino. It aike nen Ala ane usak mene atì ìgì'lek logolìk, we tùlemat, lek asigin mene hesigat wene serep aga logolìk, “Wene ninelu,” ìlùk, ìlì'lùgì atì inokot logolìk ìlì'lùgì o. It atì nen he, “Wene ebe mene arat hùthogo,” ìlùk ìkì logolìk, Ala ane eberogoat mene heraksalùk nong asi wùlùpa atì nen, wene atì mene wanhì'lek heraksìlìk logoino o. Ala oabùt hano a'nogo nenat hakharek logouak o.

IBERANI 13:25

Nerùgì nagaiya'lak. Ala oabùt hano a'nogo nen hit obogat hakhisek logouak o.

MATÌÙT 13:15

It apùnì yì ineileken hìgìk, inasuk holhìk, ina'la ebetìk, ìlìk en, inepe hebelumo hobuk an nen hanorìnabinogo ìlùk he, it en ina'la pùk agìk, inasuk togùm-togùm hagatìk, ineileken pùk uagalùk, ineram enat pùk-pùk hagatìk, hagasukwa o, ìlùk Ala nen isikomo Yesaya nen helal waganogo hesike atì higit asuagalùk yogoisìkì lagi o.

2 TESALONIKA 2:11

It apùnì atì nen ebe wene eberogoat ìlùk wanhì'lek logolìk, “Weak mene atìat walok,” ìlùk hagatì logogun mene atì, inebe obogat Ala nen ùkùm inoba hìlìk weagarinabigìlùk he, nongorinaperek mene omame werek mene aike lakhei wesigin. Lakhei wesumo, apeliak igin meneat he, eberogoat salek wanugun atì.