2 TIMOTÌÙT 4:3 - Ala Ane Wene Ket Mene Warogo Wo'ninapike Wene

³ Hobuk, it apùnì nen ebe wene inasuk tùkùm hogo holhì'lek logolìk, we wene inasuk holu walok en, yakùlisìkì logouagalùk it aike inebe apigat inayoko hìlìk, atogorinabugun atì.

2 TIMOTÌÙT 4:3 ပူးပေါင်းရင်းမြစ်များ

1 TIMOTÌÙT 1:10

ap en hìmì pailak haksìgìk, ap-ap haksìgìk, egarek mene mel, apùnì aike inagainapùrì mene ineki abusak hinaginaparek mene mel, inapeliak egarek mene mel, “Wene eberogoat igin,” ìlùk Ala etage hopuk paligat he, lalinaparek mene mel, it obogat atì'nogo hagatarek mene hesik isike. Nen, it aike inoabùt ebe wene hano'ninaperek wene atì sagalogo heraksìlìk kolo hagatarek mene an ìgì'lek mene obogat aike hesik inomat isike.

KALATIA 4:16

Yogotak wene eberogoat yogohisìgì atì nen, ninom weim palek mene negen neegep he a.

LUKAT 6:26

It ap yoma inapulak en he, it ap aike Ala ane yogoisagarek mene salek lalinapo kolegat he, hogorinapì lagaukwa hak, apùnì obogat en hogothinapo halok he, weagathinabigin o,” ìlùk yogoisasike.

YOHANET 8:45

Meneat he, an nen wene ebe wene yogohisìkì lagì atì nenat, hit en he, Eberogoat, ìlùk hùthìkì lagep lek.

1 KORÌTÙT 2:1

Nerùgì nagaiya'lak. Ala ane atì a'la hinago were'ma, apùnì kweangma mene nen inokot mene atì, an nen hukalogo yogohisa wagagi atì re, an nane higit hogo ìgìrek en, na'la kagalek en, yogohisa wagagi lek.

1 KORÌTÙT 2:4

Atì'nogo logolìk he, apùnì inawene an na'la kagalek en, nane hano nen, ning hogo yogohisasigi lek o. We, at Ala Areagùn omame ba, yogohisasigimo, ebe agaikomo re, hineileken hasigip.

LUKAT 20:19

At Yesùt en wene atì'nogo yogoisasikomo re, it ap Ala ane helal waganek esewerek mene mel, Ala esewerek inogogì kaintek amanogo mel, inasuk holhukwasik he, “Wene atì nit hesik oba lìrogo yogonisike hìgì,” ìlùk huthasukwasik he, atì sat, at Yesùt ebe hakhouogohik isukwa meneat he, apùnì amanogo inayùk en he, kamo isukwa.

2 TIMOTÌÙT 1:13

Wene an nen yakùlhesigimo wanhìgin a'nogo, an noabùt wìlìk, nit Karìsùt Yesùt ninom hutik logolìk, ninetaùken at oba hìpìrethìgìk, apùnì aike ninetawìrinapìk, ogorek hak ìkì logolìk, ha'la nen he, “Hano'ninaperek mene wene ebe yìat o,” ìlùk, ning hogo hakìlìk yakùlisìkì logoino.

YURAT 1:18

It en he, wene mel ìlùk yogohisasukwa atì: “O wùrep kobok oba logolìk he, it apùnì aike Ala ebe inabìt logolìk ina'la nen, yì mene tì mene inetaùken nen nikenem, Namolo, ìlùk atì meneat weak motok hagatì logolìk, inane sagan wokhisa wesugun o,” ìlùk yogohisasukwa atì.