Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 TIMOTÌÙT 3:6 - Ala Ane Wene Ket Mene Warogo Wo'ninapike Wene

6-7 Hìmì he'na yì mene tì mene ina'la nen walok akìlìk, weak haga'lùk inetaùken ekin logolìgat, wene yakùlho motok welagaikarek meneat he, ebe wene tùkùm hogo wanùhùgat were'ma, it ap inoabùt atì'nogo hagarì'lùgì mene atì nen, hìmì atì inauakwo inabusak kìlìk, inane ba lalinabìk he, inebe hele warogo negen haksìlì'lùgì atì.

အခန်းကိုကြည့်ပါ။ ကော်ပီ




2 TIMOTÌÙT 3:6
17 ပူးပေါင်းရင်းမြစ်များ  

Nerùgì nagaiya'lak. Hinebe netawì e. Wene atì oan haga'lagì'lek werek kolek he, hinelùrogo logouageip ìlùk sekek hogo yogohisìgì atì. Hinelu logolìk, hinokawerek hinetaùken wurik hogoat logoino. It apùnì aike inasuk ware'lek hagatarek mene atì nen, wene kolo wene yogohisìkì logolìk, hit en he, “Eberogoat”, ìlùk akìlìk hinetaùken wurik welagep mene atì kopologo hebikenem hinebe nongasinogo ìlùk, hinoabùt hebelogo logoino o.


It atì'nogo hagatì logousak atì re, nit alep ninetaùken lek ninoabùt kepù negen, ninasuk ware'legat, nong-hong hogo hagatì logolìk he, apùnì inogogì kaintek inawe a'ma welagaikarek hak, inoba aiyage lagagìk, ina'la nen yì mene tì mene walok akìgìk, egarek atì mene awe a'ma negen welagagu. Atì'nogo logolìk, it aike weagarinapìk, ua palhìk, it aike nit inapsìrì'ninapìk, nit en it ninapsìrìrinapìk, ìkì lagagu.


It en he, wene mel ìlùk yogohisasukwa atì: “O wùrep kobok oba logolìk he, it apùnì aike Ala ebe inabìt logolìk ina'la nen, yì mene tì mene inetaùken nen nikenem, Namolo, ìlùk atì meneat weak motok hagatì logolìk, inane sagan wokhisa wesugun o,” ìlùk yogohisasukwa atì.


Atì'nogo lalinapì logolìk, yì mene tì mene inokawerek en sabùrasak lek mene sabùrùogolùk, yakùlisasak lek meneat yakùlisìkì logolìk, apùnì logolegat inagainapùrì inomat lalinabì'lùgì atì, it inane atì sebelogo pelaksano o.


It atì apùnì inabok weak palhìk, wenagisìgìk, iko motogat welagaikarek mene. Yì mene tì mene inetaùken nen nikenem, “Namolo,” akìkì logolìk he, atì meneat hagatìk, inokawerek en hogorakìkì logolìk, yì mene tì mene sabùrogo helùogolùk, it aike inane agauk hogo hogorinapìk, egarek mene.


Apùnì aike inerùgì inagaiya'lak koloat hagato kolek he, heraksalùk wùlìbi wesuogolùk ikenem, inetaùken nen nikenem hobuk weak hagasuagalùk, it ap atì inokawerek hogorakìkì logolìk we tùlemat inapeliagat ina'la kagalhì logogun.


Hit alep ninoe Etagepogot hinokot were'ma, oabùt weak mene nen tùgì hareken ane lek mene oba hìpìrìk logouagalùk, we, komakwe heat wokhisek lìlìk he, nongothinapì lagaike atì hinelu.


ina'la nen, Yogotak ya hesik nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la ebetì logolìk, inokawerek en lalìgìk, ina'la nen yì mene tì mene aike walok akìgìk, egarek atì nen he, wene atì ina'la kakil arìk he, eken ìterek lek atìat o.


Atì'nogo yogoisasikesik he, it Ala ane helal waganek esewerek mene mel, Parisi mene mel, inom mel yogoisasike: “Hit ap Ala ane helal waganek esewerek mene yì mel, hit Parisi mene yì mel, hinogat oba nek hano salek logolìk hinetaùken pìre mene yì rì! Hit atì apùnì Ala awe a'ma kinogo ìlùk he, hit enat kwe yagatì lagep yoma rì! Hit hinokawerek kìgì'lek logolìk he, it aike kuogolùk ikenem, hit en he, Kusak lek o, ìlùk wene palhì lagep yoma rì!


Ati'nogo meneat he, apùnì nen he, “Esin uang atìat,” ìlùk inetaùken tùlemethìlìk he, erepùl oba yì weak tì weak hagarì'lùgì atì. It aike nen uang atì mene herasuogolùk, inetaùken Ala oba hìpìrìk welagaikasik enat he, heraksalùk hobuk e ba saluk hogo waragarek hak, it inokawerek ina'la wiik-weak hogo hagarìlì'lùgì atì. Ati nen he, apùnì aike nen, “Yì mene tì mene hùkorogo helìlìk ninebe kain logoilo e,” ìlùk akìlì'lùgì atì re, paik hele hìlì'mo kerelarìk wa'lagarek hak, Ibilit en ina'la kagalhenem, yì mene tì mene walok akasak lek meneat he, weagarinabigin mene walok ìlùk akìlì'lùgì atì nen he, inebe weak akìgìk, nong akìgìk, egarek atì.


“Hit hinoba ekin-pekin hogo seget apik hagatì lagep mene atì, an nen hinoba seget nokok hogo hikamo set waloageip en, noba we'ni o.


Atì'nogo hagarìnabìk nikenem, abok o Sirìa atoma motok sak isikomo re, yì ou tì ou, yì hat tì hat inoba werek mene inom, mokareke oabùt weak mene ina'la kìlìk inepe lùgùlùgì palharek mene inom, wa'lagìk ineluk agìk egarek mene inom, ineki inesok wùt warek mene inom, oba wogisek waganem hagarìnapi lagaike.


Mene re, it hìmì soge mene aike it walok mene, yùgùnat hagarì'lùgì mene atì, inebe ineluk werek meneat he, warek hake werek o.


Hit ap Ala ane helal waganek esewerek mene mel, Parisi mene mel, hinogat oba nek hano salek hinetaùken pìre yì rì! Ala nen weagathinabigin o. Hit he, hìmì soge mene inawì wurìk mel, inagarok mel, sebelìkì logolìgat he, apùnì nen, inasuk holìk, It hano, ìlùk akoagalùk sapan uan-aban lìthalùk lagasep atì'nogo hagatì'lek logoilepma re, Ala nen ùkùm hamùlùgat hinoba hìlìk logoilep. Mene re, atì'nogo hagatesep atì nen, ùkùm ekin mene hinoba hìlìk weagathinabigin o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ