2 TIMOTÌÙT 3:5 - Ala Ane Wene Ket Mene Warogo Wo'ninapike Wene

⁵ apùnì ineilhanem he, Ala againapùrì salek logolìk, ina'la nen Ala omama atì mene heraksìgìk, ìkì logogun o. Yogotak apùnì inoabùt atì hake aike hagarì'lùgì mene halok, hinom butik logogùp o.

2 TIMOTÌÙT 3:5 ပူးပေါင်းရင်းမြစ်များ

TITUT 1:16

It atì nen he, “An Ala ebe nelu o,” ìlùk, inane pak hogo ìkì logolìgat he, “Ebe ninokot,” ìlùk, u hak, inasuk ware'legat, Ala a'meilo mene hagatì logolìk, yì mene tì mene hanorogo hagasusak he, mea werek atì.

1 TIMOTÌÙT 5:8

It ap aike nen Ala ane eberogoat ìlùk wanhukwasik logolìgat he, inokawerek inagainapùrì atìat esinethìlìk leberisìgìk, apùnì ero it mene halok ato inomat leberisìgìk, ìgì'lek halok he, Ala ane heraksalùk wùlùpasik hakeat werek o. It apùnì etakwe mene nen wene wanhì'lek logolìk, weak hamùlùgat negen hagarì'lùgì meneat he, it atì wene wanhukwasik en apùnì it mene leberisìgì'lek atì nen, weak hùko negen hagarì'lùgì o.

MATÌÙT 7:15

Atì'nogo yogoisasikesik, aike mel yogoisasike: “It aike inapeliagat Ala ane yogoisagarek mene salek hinoba wìrìk he, hina'la kagalinogo ìlùk, hinepe hebelogo logoino o. It atì inelokoken wam topa warn ena mene hake hagarogo nen wesugun meneat he, inetaùken a'la re, yeke lo yeke anini weak mene hake wesugun o.

TITUT 3:10

It aike nen, Ala againapùrì mene it-it inom weak asuagalùk, hagarì'lùgì mene atì, inasuk emakum warìk he, hobuk wa'no. Atì'nogo wasigin mene, inasuk holhì'lek halok, hinom hutik logogùp o.

2 TIMOTÌÙT 2:16

Mene re, it apùnì aike nen ebe wene atì le'maat, tùlemat, lek asigin mene ìlì'lùgì atì, heraksalùk kwanìrogo laga logoino. It atì atì'nogo ìkì logolìk, Ala ebe heraksalùk hik ìlìk hek ìlìk wo'laka wùlìbì'lùgì atì.

2 TIMOTÌÙT 2:23

Ati'nogo hagatì logolìk, it apùnì aike inetaùken abìt mene nen wene inokot logolìgat, wene serep arì'lùgì atì elùgùn oba re, it-it inom weim negen yabì'lùgì atì, inom hagatì'lek heraksìkì logoino.

EPESÙT 4:14

Atì'nogo hagatì logolìk, ninoabùt yekerùgì inoabùt sogoi en i ha'labu hùnogo lagìk-wagìk ikerek hak hagatarek atì hak, nit atì'nogo hagatì logouak en ìlùk, it apùnì aike inoabùt lagaksek mene nen inapeliak meneat he, eberogoat salek lalninabuogolùk, wene hùnogo wene hobugalep yogonisa wìrì'lùgì atì inane holunak lek.

2 TESALONIKA 3:6

Nerùgì nagaiya'lak. Hit hinerùgì hinagaiya'lak aike Ala againapùrì meneat he, wene nit en hinasuk wasugu a'nogo hologo hagatì'lek heraksìlìk, ineki wanhì'lek kù'lìk souge nùgì mene atì, hinom hutik logogùp o.

2 TESALONIKA 3:14

Wene helal waganogo hinoba lakhei wago mene atì, it aike nen inasuk hologo hagasusak inabìt mene atì, inekalì asuagalùk it inoabùt atì'nogo hagarì'lùgì mene atì hùthìlìk he, hinom hùnethìlìk logogùp o.

1 TIMOTÌÙT 4:7

Apùnì nen wenesuayo ebe wene lek meneat he, tùlemat inapeliak pìlìngìtarek mene atì heraksìkì logoino. Heraksìlìk, Ala awe a'ma logolìk hagatarek mene atìat homamerogo yakùlìkì logoino.

1 TIMOTÌÙT 4:8

Apùnì inebe hesik mop eluk hogo ineki aike wanharek atì, yogotak ya elama hesik hamùlùgat hano negen hagatarek. Meneat he, ninetaùken hesik Ala awe a'ma logolìk, at eyabu wanhì logoumo, at Ala nen he, “Yogotak hineluk welagep mene hesik mel, hobuk hineluk motok logogun mene hesik mel, hano motok asìgìn o,” ìlùk, abok yogonisasike atì eberogoat.