2 TIMOTÌÙT 2:7 - Ala Ane Wene Ket Mene Warogo Wo'ninapike Wene

⁷ Wene an nen yogohetì mene atì, ha'la ebetì logoumo, ninoe Etagepogot en obogat sekek hogo yogohesusak werek atì nen, oba ebetì logoino o.

2 TIMOTÌÙT 2:7 ပူးပေါင်းရင်းမြစ်များ

YAKOBÙT 1:5

Mene re, at Ala oabùt hano nen apùnì obogat etawì logolìk wenagisìgì'lek wogisikerek atì nen, hit aike hina'la kagale'lek halok, at kìno yogosumo hina'la kagaliginat o.

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

LUKAT 24:45

Ala ane helal waganek hùthoagalùk, it amanogo wene inetaùken healogo yogoisasikomo hùthasukwa.

YAKOBÙT 3:17

Atì'nogo meneat he, apùnì Ala nen ina'la kagalhenem, inoabùt esin hagatarek he, weak aike hagatì'lek ineil lopok hogo welagaikarek atì. Atì'nogo logolìk, apùnì aike inom lìok hogo welagìk, inoabùt enago welagìk, inane hologo hagatìk, e eken hano mene ìterek atì hak, hanorogo hagatìk, apùnì inetawìrogo motok welagìk, apùnì aike inelokoma hisìgìk, aike inapotma hisìgìk, ìgì'legat, inetaùken pìre welagì'legat, hanorogo hagatarek atì.

1 TIMOTÌÙT 4:15

It apùnì obogat en hat hoabùt palhì logolìk he, “At Timotìùt alep hano hagatì lagasik yogotak hano motogat hagarì'logo,” ìlùk enagat hùthagauagalùk, wene yogohetì mene atì obogat hetaùkenma hìlìk hagato motok gogoino.

KOLOSE 1:9

Hinabok atì'nogo ikenem ninasuk holhosik he, nit en hit hesik sapan ìgìk, Ala ayoko hìgìk, kamo ìgì'lek iko motogat welago. Atì'nogo ìkì logolìk Ala Areagùn nen hina'la kagalhenem, hina'la motok kagalogo wene hùthìlìk he, at Ala a'la walok akikerek mene atì hit en, tùkùm hogo hinelùrogo logouageip ìlùk ayoko hìkì lagoat.

YOHANET 16:13

Atì'nogo meneat he, Ala Areagùn, ebe wene ikerek mene atì wìrìk he, kwe inokotma inelu mene nen yakùlisagarek atì hak, ebe wene obogat hùthoageip en ìlùk yakùlhisìkì logogin o. Atì'nogo yakùlhisìkì logogin atì re, wene at a'la nen kagalogo ìkì logogin lek o. We, at asuk holherek mene nek ìkì logolìk he, hobuk haga'lasigin mene yogohisìkì logoginat o.

IBERANI 13:7

Hinogogì alep sethisek welagaukwa mene nen, Ala ane yogohisasukwa mene atì, inoba eberek logoino o. It inetaùken Ala oba hìpìrethìlìk, inebe ineluk logolìk mel, wa'lasuogolùk mel, hagatì lagaukwa mene atì hùthìlìk, hit it inoabùt waganogo hinetaùken Ala oba hìpìrethìkì logoino o.

IBERANI 12:3

Hit hina'la pùk arìk hinomame lek asinogo ìlùk, it apùnì weak hagatarek mene nen at Yesùt ina'la nen meathìlìk, ebe weagathiko kolek halolotsìlìk epe morogo welagaike atì, hit en he, “At nìkì'nogo hagasike nogo,” ìlùk hina'la nen hùthìkì logoino o.

IBERANI 7:4

Nit apùnì Isirael mene ninapu Aberaham en weim atì yapì logolìk, yì mene tì mene hùgùleke wanhike mene eki wenagasogo hetakwe mìkìlogo 10 nen lagai wagaike mene, Ala hisìlìk, at Melekiserek wogosike atì nen he, nit nina'la nen, “At Melekiserek atì ebe kain motok,” ìlùk akasak atì hani!

IBERANI 3:1

Atì nen, Ala againapùrì nerùgì nagaiya'lak. At Ala pogot oba nenat hit ninomat ninayoko hesikomo wene wanhugusik pak hogo ìkì lago atì hesik, at Yesùt ebe Ala esewerek kain logouagalùk, Ala nenat lakhei wagaikomo werek atì halok, hit hinetaùken oba nenat hùthìkì logoino o.

PILIPI 4:8

Nerùgì nagaiya'lak. Wene elùgùn oba yì aike yogohisak, Hina'la ebetì logolìk he, hanorogo hagatìk, hogorinabusak mene hagatìk, ìlì'lùgì mene oba ebetì logoino. Atì ebe re, wene eberogoat mene oba ebetìk, hogorasusak mene oba ebetìk, higit hogo hagatarek mene oba ebetìk, inoabùt lopoksek logolìk hagatarek mene oba ebetìk, inoabùt heanerogo hagatarek mene oba ebetìk, inoba lìok usak mene oba ebetìk, ebeto motok logoino.

1 KORÌTÙT 12:8

At Ala Areagùn nen, at aike wene kagauk hogo ìkì logouagalùk wogoterek. Nen, at Areagùn ati nenat, at aike yì wene tì wene elu motok logouagalùk wogoteregat.

LAKSASIKE 7:10

Atì'nogo telho were'ma, ap kain Piraùn o Mesit mene inoe etagepogot a'nogo nen he, Ap yì oabùt hano. A'la motok kagauksek, ìlùk ebe oba lìok isikesik, mel yogosike: O Mesit yoma mel, an nawì mel, nagainapùrì mel, hat en hagisek logolìk, an mene yì mene tì mene yoma obogat hat heki ba logoinok, ìlùk ebe gubernur logouagalùk menhesike.

YAKOBÙT 3:15

Atì'nogo hagatarek atì re, Ala nen ina'la kagalhenem hagatarek hùk. We, ero at Ibilit enat ina'la kagalhenem apùnì kweangma mene inoabùt inesogat logolìk walok akagarek mene hagatarek o.

LUKAT 9:44

“An wene yogohisegein yì hanorogo hùthìkì logoni o. An abat ta'lasi wagagi a'nogo ap en yoko lìlìk it aike nen noasuagalùk ineki ba hanugun o,” ìlùk yogoisasike meneat he,

2 TIMOTÌÙT 2:6

Nen, aike re, apùnì aike ineyabu helìlìk, awì yagasogo set kalogo hagarì'lùgì mene atì, ebe wurik aganem, inokawerek enat tak nekarek atì.

2 TIMOTÌÙT 2:8

An hano wene yogoisìlìk nìgìrek atì re, Yesùt Karìsùt, at Taùt en tagokwe meneat ebe wasukwama, Ala nen eluguthesike wene atì, ha'la eberek motok logoino.