2 TIMOTÌÙT 2:5 - Ala Ane Wene Ket Mene Warogo Wo'ninapike Wene

⁵ Nen, aike re, sa awewerek sa awewerek laga logolìk, ap inayoko hikerek mene nen, “Yì'nogo hagasusak,” ìlùk ikerek mene ane hologo lagì'lek halok, “Awewerek aga mene, ap yìat,” ìlùk, oko kare-kare negen ìksagarek mene atì ìksasak mea o. We, ane hologo lago halogat ìksasak o.

2 TIMOTÌÙT 2:5 ပူးပေါင်းရင်းမြစ်များ

ABÌKAKAN 3:11

An heageagat wesigin o. Atì'nogo wìrìk, sa awewerek sa awewerek laga logolìk, inomame asugun mene oko kare-kare iksagarek atì hak, oko hit wokhisegein mene, it apùnì aike nen telogo helanogo ìlùk, hit ebe wanhigip mene atì, hineki ning hogo hesogo logoino o.

YAKOBÙT 1:12

Hit aike Ibilit en hina'la kagaligìlùk yì ùkùm tì ùkùm hinoba aga kolek, hinepe morogo logogun halok, hina'la hai hakogoin o. Atì'nogo hinepe morogo logogun halok, Ala nen he, “An nebe hinetawì mene hùgì hineluk motok logogun mene wokhisegein o,” ìlùk, abok yogonisasike a'nogo hit hinoabùt palogo nenat wokhisegein o.

KOLOSE 1:29

An wene atì hesik katok hogo hagasigìlùk, at Karìsùt omame a'nogo an na'la logolìk nomame'napo kolek, ning hogo nomamerogoat hagatì lagi atì.

IBERANI 12:4

Hit enek he, weak hagasu hinabìt en, weim inomamerogo yaparek atì hak hagatenem, hinamep wulagasogo hinoatì'lek mene welagep o.

LUKAT 13:24

“It apùnì apigat, kwe hamùlùkkwe kuogolùk walhogoin meneat he, mea asigin atì nen he, hit kwe hamùlùkkwe atì ba kuageip en he, hinomamerogo hagatì logoiho, ìlùk yogohisìkì lagì.

ABÌKAKAN 2:10

At Ibilit en hit hina'la kagaluagalùk, apùnì hit mene hetakwe ineki hele warogo hisamo, ineki 10 nen yì aik tì aik hìkì logogun atì re, hinayùk agùp o. Yì aik tì aik atì'nogo hagathinapo kolek, hinetaùken noba hìpìrethìlìk, an ninom hutik were'ma wa'lasugun halok he, sa awewerek sa awewerek laganem, it inomame agaikarek mene oko kare-kare ìksagarek atì hak, oko nabùlal-habùlal hagathinabigin o.

IBERANI 2:9

Meneat he, at Yesùt enek he, arat kain menhesikomo werek hìkì lago. Ala oabùt hano nen, Yesùt apùnì obogat hesik wa'lasuagalùk malaikat inetagewerek esin negen werek kolek, at etage lek mea negen hagarogo hesikomo, ebe yì aik tì aik hìlìk hìlìk wa'lagaike atì ba, Ala nen at etagewerek kain menhesikomo werek atì.

IBERANI 2:7

Ineki hamùlùgat oba elama hesik it malaikat mene inetagewerek esin hake werek kolek, nit ninetage lek mea negen hagarogo hinasigin meneat he,

PILIPI 1:15

It atì o'moko nen ina'la kolo arìk he, an noba ua palhì logolìgat, yogoisìlì'lùgì atì. Meneat he, it o'moko nen ina'la hano logolìk he.

1 PETERÙT 5:4

Atì'nogo hagato were'ma re, ninoe ako esewerek a'nogo wesipik he, “Hano motok hagatì lagepma,” ìlùk oko hogorato motok logogun mene wokhisegein o.

ABÌKAKAN 4:10

it ap inalùgetek inebe 24 amanogo nen, at kain eluk motok welagarek a'nogo ineitep awì yagasogo hogoratì logolìk, kare-kare inùkùlmo ugu mene kìrìk-korok hogo, at kain welagarek obùlùk a'nogo elokoma lakhìkì logolìk he, mel ìkì lagaika:

ABÌKAKAN 4:4

At kain welagarek obùlùk tùlem werek kolek, it aike kain welagaikarek inobùlùk 24 en were'ma, ap inalùgetek inebe 24 enat inasu kut mene laberek, nen, kare-kare emas mene misago ap inetagepogot ugu welagaikarek atì hak ugu mene inebe inobùlùk atì bakwe hùrek welagaika.