Wene hano wene ninetaùken Ala oba hìpìrethogorek mene a'nogo yakùlhetì lagagumo, hat en wanhìgitik higit hogo hagatì lagenl atì ba hebe kùlaga logolìk he, wene Yogotak yogohetì atì ninerùgì ninagaiya'lak Ala againapùrì mene aike yakùlisìkì logoino. Atì'nogo yakùlisìkì logogin halok he, hat Karìsùt Yesùt atitigeke logolìk, at hesik hanorogo hagatì logogin atì.
2 TIMOTÌÙT 2:2 - Ala Ane Wene Ket Mene Warogo Wo'ninapike Wene2 An nen wene apùnì logolegat ineilhanem yakùlhesigimo wanhìgin mene a'nogo, hat en it apùnì aike inoabùt hùpùnsek mene nen it aike yakùlisìkì logouagalùk, inoba heino. အခန်းကိုကြည့်ပါ။ |
2 TIMOTÌÙT 2:2
33 ပူးပေါင်းရင်းမြစ်များ
Apùnì inawe walhùogolùk sa awewerek sa awewerek walhagarek hak, nineluk motok logogun atì mene hela lagalùk, hetaùken Ala oba hìpìrìk logolìk, at hesik homamerogo hagatì logoino. Atì'nogo hagatì logopik, atì mene hela lanogolùk, Ala nen hayoko hesikomo, hat en he, “Netaùken Karìsùt oba hìpìrethìlìk tì'nogo hagatì logogin,” ìlùk apùnì logolegat ineilhanem pak hogo isigin atì higit hogoat homamerogo hagatì logoino.
It atì inoabùt atì'nogo enagat asigin meneet he, hat he, an nen wene yakùlisìgìrek mene mel, noabùt hagatìrek mene mel, “Tì'nogo hagasigin,” ìlùk na'la akìgìrek mene mel, netaùken Ala oba hìpìrìk welagìrek mene mel, netaùken uan welagìrek mene mel, apùnì obogat netawìrogo welagìrek mene mel, nepe morogo welagìrek mene mel, hageat en hùthanhì lagenat o.
at ninoe Etagepogot Yesùt en he, mel yogosike: “Ap kain mene aike againapùrì serisek logolìk inapùrùk nasak mene wogisasak higit hogo wogisìkì logouagalùk, at atitigeke mene ayoko hikenem a'la kagalek logolìk oabùt oe ane igin mene higit hogo hagaterek atì sa hake akegen. At atì oe atì nen, menhùlùk lagarek o.
An alep he, Yesùt abok weak palhìk, ebe na'la meathìlìk Ala againapùrì mene yì aik tì aik hagarinapìk, ìkì lagagi meneat he, ninoe Etagepogot Karìsùt Yesùt etawì'napikesik, “Hat en hobuk an hesik hetaùken lenurogo hagatì logogin,” ìlùk, wene yì an noba hìlìk nayoko hìgìk, omame wo'netìk, isike atì. Atì'nogo weak hagatì lagagi atem sat he, an netaùken ninoe Etagepogot Karìsùt Yesùt oba hìpìrethìgì'lek logolìk, atì'nogo hagasusak lek meneat he, nokot en hagatì lagagi atì nen, at en nebe etawi'napike atì nen, hai watì lagi o.
Hat hesik hageat it ap Ala againapùrì serisek welagaikarek mene nen ineki hùkùloak sebelho kolek, it ap Ala ane yogoisagarek mene nen mel isukwa atì: “Hat hobuk tì'nogo hagatì logoino,” ìlùk, yogohesukwa higit hogo, Ala oabùt hano nen ninoabùt lopok wo'nisikerek a'nogo hat wokhesike mene atì ba hagatì'lek hobaken nen hìgìk heraksagun o.
Atì'nogo hagasike atì re, yì'nogo ìlùk. Nit apùnì weak hagatorek mene, at en legetsagalùk, at ebe Ala esewerek kain logolìk, oabùt Ala hesik hùpùn hogo hagatìk, nit apùnì etawì'ninapìk, elogat ìkì logoigìlùk, at ebe nit apùnì erùgì agaiya'lak hakeat arìk, nit hagatorek mene obogat ninoabùt wanusak meneat wanhike atì.
Atì'nogo yogosukwama, at Yesùt en he, “Halok he, it ap Ala ane helal waganek esewerek mene amanogo nen, Ala nen awe a'ma hisikerek a'nogo wene yakùlho halok he, atì mel hake usak. Ap kain mene agarok etaùken hutìk mene hakikerek oba nen, ket mene wulabi wagìk, hageat mene wulabi wagìk, hobugalep wulabi wagarek hagat o,” ìlùk yogoisasike.
Atì'nogo meneat he, at Karìsùt omame agaikesik elokwe wanho kolek nikenem, nit at ninom hutik mene Ala nen Karìsùt opolik wo'nisek nikerek, ìlùk hogorasuok o. Atì'nogo wo'nisek nìkì logolìk, obasi hano mene sang-pang hogo lagarek hak, at Karìsùt hagasike wene a'nogo nit en wìalogo o yì awì tì awì wolok loagalùk wo'nisek nikerek.
ကြော်ငြာတွေ