2 TIMOTÌÙT 1:8 - Ala Ane Wene Ket Mene Warogo Wo'ninapike Wene

⁸ Ati nen he, ninoe Etagepogot abok apùnì aike yogoisasak hekalì lek hogo pak hogoat yogoisìgìk, nen, an at hesigat neki hele warogo hanhama welagì yì hesik, hekalì lek halong hogo welagìk, ìkì logoino. Atì'nogo ìkì logolìk, apùnì aike nen hano wene atì hesik, yì aik tì aik haga'ninapo kolegat, an Ala omame ba welagìrek hagat, hepe morogo logoino.

2 TIMOTÌÙT 1:8 ပူးပေါင်းရင်းမြစ်များ

ÙRÙM 1:16

Hano wene atì Ala omameat ma re, emakum apùnì Yahuri mene, nen hobuk he, apùnì Yunani mane, inetaùken Yesùt Karìsùt oba hìpìrethagarek mene hùgì obogat telinaperek atì nen he, an nayù'legat hano wene atì yogoisìlìk nìgìrek atì.

MAREKÙT 8:38

Apùnì yoma inoabùt weak logolìk Ala ebe inom lopok hogo welagì'lek, yì weak tì weak hagarì'lùgì mene atì hinomat logolìk, it ineilhanem sa nen, An Yesùt agot, ìgìk, an nane atì yogoisìgìk, u re, ape ekalì halok he, an abat ta'lasi wagagi a'nogo hobuk nopase hogorato motok welagaikarek hak haga'la'lùk, it malaikat Ala okawerek hesik yoko pelaksa wagarek mene amanogo ninom wìrìk he,

2 TIMOTÌÙT 4:5

It atì'nogo hagato kolegat he, hat he, yì mene hesik, tì mene hesik hoabùt hebelek logolìk, hoba yì aik tì aik hìkì logolìk, hepe morogoat logoino. Hano wene yakùlisìlìk negarek atì meneat esinethìlìk he, Ala nen, “Tì'nogo leberisìkì logoino,” ìlùk, hayoko hesike mene atì aike heraksìgì'legat higit hogo hagatì logoino.

ABÌKAKAN 12:11

It ninerùgì ninagaiya'lak atì inokawerek inebe inetawì agì'lek, Ninoata halok he, hanoat o, ìlùk nikenem inoata. It atì re, Topa Eak amep wulagasogo wasukwa atì ba ho, it en Ala ane ebe wene atì pak hogo yogoisìlìk nìkì lagaika atì ba ho, Ibilit a'nogo arat mabenetsaga atì o.

2 TIMOTÌÙT 2:9

An hano wene atì'nogo yogoisìlìk nikenem, it apùnì aike nen, it aike weak hagarì'lùgì mene hagarinabu hak, an yì aik tì aik haga'napìk, neki hele watìk, ìlì'lùgì meneat he, Ala ane atì hele homasusak mea o. We, hele hikalegat werek.

2 TIMOTÌÙT 1:12

Atì'nogo lakhani wagaikomo nìkì lagì atì nen, apùnì nen yì aik tì aik haga'napo kolegat he, netaùken ebe nelu mene oba hìpìrìk welagì, ìlùk nekalì agì'lek, na'la pùk hogo welagì. At en he, “An mene yì ha'narek logoino. Ha'narek were'ma, hùlì an nebeat wesigin o,” ìlùk, noba hìlìk nayoko hesike mene atì, okawerek omame ba elok ha'narek logogin o, ìlùk na'la hùthìkì lagì.

EPESÙT 3:1

Atì nen he, an Paùlùt hit apùni etakwe mene Karìsùt Yesùt en telhinabuagalùk, at hesik neki hele warogo hanhama welagì.

PILIPI 3:10

At Karìsùt yì aik tì aik hìlìk hìlìk wa'lagaike hak, neperak higit hogoat, an atì'nogoat aik hìlìk hìlìk, wa'lasusagat akìkì lagì. Ma re, at wa'lagaikesi'mo, Ala omame ba eluguthesike hak, an atì'nogoat wa'lari'mo, nelugu'nabìgìn, ìlùk, oba eberegat welagì.

LUKAT 9:26

Sa nen, An Yesùt agot, ìgìk, an nane atì yogoisìgìk, apùnì ineilhanem pak hogo u re, ekalì halok he, an abat ta'lasi wagagi mene yì nen hogo re hobuk an nebe hogo'napìk, nopase hogoratìk, malaikat Ala aligat hesik yoko pelaksa wagarek mene amanogo hogorinapìk, iko kolek waga logolìk he, At yì an nagot, ìlùk nane pak hogo u nekalìat asigin o.

2 TIMOTÌÙT 1:16

Atì'nogo meneat he, at Onesiporùt againapùrì inom enek he, ninhùp-nanhùp, na'la hanorogo netaùken sebeli wìrì'lùgì atì, ninoe Etagepogot en etawìrogo hagisek logouak o. An neki hele warek were'ma noba wesu ekalì legat,

EPESÙT 4:1

An ninoe Etagepogot hesik neki hele warogo hanhama logolìk he, hit wene aike hinasuk wasik. Nerùgì nagaiya'lak. Hit hinoabùt he, at Ala nen hinayoko hesike higit hogoat hagatì logoino o.

ABÌKAKAN 1:9

An hinerei hinagaiyak Yohanet ninom ninebe Yesùt againapùrì omakeat mene, yì aik tì aik haga'ninapo kolek, nina'la nen he, “Hobuk at Ala nen awe a'ma hinegein,” ìlùk ninepe morogo welagarek atì. Were'ma, Ala ane Yesùt en pak hogo yogoniaasike wene a'nogo an nen yogoisìlìk nìgìrek an nen, neki hele warogo i okenma o etage Patomot kelakhani wagaikama welagì o.

YURAT 1:24

Hit ninopase Ala omame werek elok hakhisek logousak mene oba laganem, hinesok peik hogo warìgì'lek hanorogo hakhisek logopik he, at ebe hogorarì'lùgì ba atoma, ùkùm hinoba hìgì'legat, hina'la hai hakiko kolek menogo elok hika legein mene atì, hai watì logouok o.

1 PETERÙT 1:5

Hinetaùken at Ala oba hìpìrìk welagep atì nen, at omame ba hakhisek logopik he, hobuk hinebe hanothinabigin mene wùrep oba weinamethegein atì.

2 TIMOTÌÙT 2:3

Ap ekaragùntek mene inogogì inane hologo weim yapì logolìk, yì aik tì aik hìlìk hìlìk yaparek hak, hat en Yesùt Karìsùt ane hologo, yì aik tì aik hìkì logolìk, hepe morogo hagatì logoino.

1 TESALONIKA 3:4

Nit emakum hit ninom logolìk, “Hobuk yì aik tì aik haga'ninapì logogunat o,” ìlùk, yogohisasugu a'nogo higit hogo haga'ninabì'lùgì atì hinelu o.

PILIPI 1:7

Ala oabùt hano nen nayoko hesikomo re, an neki hele warek welagìk, neki hele oan watì'le'ma hano wene elelerogo ning hogo hagatìk, ìkì lagì hak, hit obogat atì'nogoat ninom hagatì logouagalùk hinayoko hesikeat atì nen, hit hinebe netaùken hutik welagì o. Atì nen he, an nen hit obogat hesik, “Yesùt eberogoat hagathinabi wesigin,” ìlùk akasak mene higit hogoat akìkì lagì.

EPESÙT 3:13

Atì nen he, an yogotak ya hit hesik weaga'nabì'lùgì atì nen hina'la pùk agì'lek logogun halok, hogothinabugun atì nen, hinasuk warogo yogohisìgì atì.

ÙRÙM 16:25

Ala hogoratì logouok o! An nen hano wene Yesùt Karìsùt hagasike wene yogohisasigi hak, at Ala omame apik a'nogo nen hinetaùken wurigethinapì logousak elok o. Wene Ala a'la wene atì, holoat en hinago welagaike mane re, yogotak Ala nen weinamethesike.

1 YOHANET 4:14

Nit en he, “Ala nen aput nineileken hìkì lagagu mene atì nen, nit apùnì kweangma mene telninabuagalùk lakhei wagaikomo,” ìlùk abok pak hogo yogohisìkì lago.

2 TIMOTÌÙT 4:17

Atì'nogo meneat he, an nen ebe wene tùkùm hogo yogoisikenem, it etakwe mene inebe obogat inasuk holuagalùk, ninoe Etagepogot an nera'lilu logolìk, nomame'napesik, singa lo yeke hake anini weak mene a'nogo apema were'ma telnabu hak, noasusak mene telnape atì.

PILIPI 4:13

At Karìsùt en nomame'napo kolek nogo nen he, yì mene tì mene weak aganem inom, hano aganem inom, elok logousak enek.

ÙRÙM 9:33

Wene atì hesik Ala nen he, mel isike: “An o Sion atoma helep hake aike hìgì yì hani! Helep atì ba apùnì inesok a'lip temuk hogo warìlìk, tukwak hogo laga logogun o. Meneat he, hinebe lopok hinetaùken at oba hìpìrethogoin mene hùgì hinekalì hogoin motok lek o,” ìlùk isikomo helal waganogo hesukwa.

LAKSASIKE 5:41

Wulaksasukwama, it ap wene ero pìlìngìtì lagaukwa mene amanogo heraksalùk wùlùpukwasik, it-it ìkì logolìk he, “Ala nen he, Hit Yesùt etage hesik apùnì nen, Hit weak, ìlùk wenakhisamo elok, ìlùk a'la akike higit hogoat wena'nisaga atì hano,” ìlùk ina'la hai hakìlìk wùlùpukwa.

ABÌKAKAN 19:10

Atì'nogo yogonetì lagama, an nen, at malaikat a'nogo awe a'ma kìlìk neitep awì yagasogo hogorasigìlùk ìgì meneat he, at en yogonetì logolìk: “Hùk. Atì'nogo hogo'nabusak lek o. An nebe re, hat mel, hagaiya'lak mel, ninom higit. Wene Yesùt en yogonisasike mene yogoisìlìk negarek mene atì, at Ala Areagùn nen ina'la kagalogo yogoisikenem yogoisagarek atì, wene ero at Yesùt en yogonisasike atìat o. Halok he, at Ala at hogorasusak o,” ìlùk yogonete.

ABÌKAKAN 1:2

Ati'nogo yogonetomo, Ala ane atì Yesùt Karìsùt en abok yogonetenem wene obogat an neileken hìgì mene atì abok pak hogo helal waganogo hìgì atì o.

1 KORÌTÙT 1:6

Wene atì re, Karìsùt hagasike wene yogohisasigi mene, hina'la wanhigisip hinetaùken wurigethegep o.

YOHANET 19:35

Atì'nogo haga'lagaike mene atì, hit hùthoageip ìlùk, ap aike eileken welagaike mene nen wene atì abok pak hogo ìlì'logo. Nen, at en hogo re, “Eberogoat neileken tùkùm hogoat hìgìrìk abok pak hogo yogoisìgì,” ìlùk, at eluat o.

KOLOSE 1:24

An yogotak ya re, at Karìsùt en he, “Ala againapùrì obogat an nebeat o,” ìlùk nit hesik yì aik tì aik hìlìk hìlìk wa'lagaike atì, aike hìgì'lek mene obùlù'mo, an nebe hit hesik yì aik tì aik haga'nabì'lùgì atì nen na'la hai hakìkì lagì.

EPESÙT 4:17

An ninoe Etagepogot neperak hutik logolìk, at en yogohisa hak wene yì hinasuk warogo yogohisak. It apùnì etakwe mene inoabùt hagarì'lùgì atì hak, hit hinoabùt atì'nogo hagatì logogùp o. It atì, we tùlemat mene oba ebetì logolìk he,

2 KORÌTÙT 6:7

Atì'nogo logolìk, Ala omame ba ebe wene yogoisìlìk nìkì lago. Atì'nogo yogoisìlìk nìkì logolìk, apùnì nen he, “Sige sike nineki pìre wùrat welago,” ilùk egarek hak, nit Ala a'la walok mene hagatì lago atì, nineki pìre wùrat welago.

ÙRÙM 8:36

Wene atì higit hogo Ala ane ba helal wanhì logolìk, mel isukwa: “Hat hesigat he, apùnì nen likene hutik, hùako hutik, ninoasuogolùk haga'ninapo motogat werek o. Apùnì nen topa warn wasuogolùk abok palharek atì hak, ninabok palhoat werek o,” ìlùk helal waganogo hesukwama werek.

YOHANET 15:27

At en an nabok atì'nogo iko kolek, hit hogo re, an hit ninom alebat en welagorek atì nen he, hit en an nabok pak hogo yogoisìkì logogunat o,” ìlùk yogoisasike.

1 TIMOTÌÙT 2:6

At Karìsùt apùnì obogat weak hagatorek atì ba hele warogo ha'nisek were'ma hele hikalogo telninabigìlùk okawerek eram en, “Nebe noasuak” ìlùk wagaike atì ba, Ala a'la nen he: “Apùnì obogat telinabuaak,” ìlùk akikerek mene atì, enagat asusak higit hogoat enagat agaike atì.

KOLOSE 1:11

Ninopase Ala omame apik hogoratarek mene a'nogo hinomamethinapenem, hit hinomamerogo motok logouageip ìlùk ayoko hìkì lagìat. Atì'nogo hinomamethinapenem, yì mene tì mene ekin hinoba aga kolek, hina'la pùk agì'lek, hinepe morogo logolìk, hina'la hai hakìgìk,

2 TIMOTÌÙT 1:10

Atì'nogo akasike mene hinago were'ma, hobuk Karìsùt Yessut telninapùkwe ebe weinam agaike atì ba enagat agaike atì. At ane hano wene atì ba, wa'lagwì ero atì mabenetsìgìk, wa'lagì'lek nineluk motok logogun mene atì, weinamethìgìk, isike.

2 TIMOTÌÙT 2:8

An hano wene yogoisìlìk nìgìrek atì re, Yesùt Karìsùt, at Taùt en tagokwe meneat ebe wasukwama, Ala nen eluguthesike wene atì, ha'la eberek motok logoino.