2 TIMOTÌÙT 1:7 - Ala Ane Wene Ket Mene Warogo Wo'ninapike Wene

⁷ Ala nen ninoabùt wo'nisikerek atì re, ninayùksek logouagalùk wo'nisikerek hùk. We, ninomamerogo welagìk, apùnì aike ninetawìrogo welagìk, ninetaùken sebeksek welagìk, ìkì logouagalùk wo'nisikerek atì.

2 TIMOTÌÙT 1:7 ပူးပေါင်းရင်းမြစ်များ

1 YOHANET 4:18

Apùnì aike nen it aike inom netawì-hetawìrogo logolìk, inayùlek welagaikarek atì nen, yì mene tì mene katok hogo hagatarek atì hak, nit-nit netawì-hetawìrogo hagatì lago mene atì katok hogo motok haga'laga logolìk he, ninoabùt ninayùk mene atì lek agarek. Mene re, it apùnì agaike inoabùt inayùk mene atì, ina'la nen he, “Eige! Ala nen hobuk ùkùm ninoba hegein he a,” ìlùk inoabùt youksek welagaikarek atì. Atì'nogo welagaikarek atì nen, netawì-hetawìrogo hagatarek mene atì ina'la hano katok hogo haga'lagarek motok lek o.

KALATIA 5:22

Nen, e eken ìterek hak, Ala Areagùn apùnì ina'la logolìk inoabùt hagatarek he, ebe yì. Apùnì aike inebe inetaùken butik welagìk, ina'la hai hakìgìk, apùnì aike inom lìoksek welagìk, inepe morogo welagìk, inoabùt enago welagìk, inoabùt hano welagìk, inoabùt lopok hogo welagìk,

YOHANET 14:27

Halok, hit hinetaùken hapuk hogo logouagalùk an netaùken hapuk hogo welagìrek mene wokhisalùk legein o. Atì re, apùnì kweangma mene nen wogisagarek atì hak wokhisegein lek atì nen he, hinalabut hìtì logolìk hinayùk agùp o.

LUKAT 10:19

Halok he, lakhani! Walo mel, lìlìm mel, hinesok en al lebelogo potsìgìk, Ibilit ninom weim palek mene a'nogo omame legetsìgìk, hagatì logouageip ìlùk, an nomame wokhisìgìrik esewerek hagathinapì o. Esewerek hagathinapìrì'mo, yì mene tì mene aike nen weagathinabigin motok lek o.

LAKSASIKE 1:8

Atì'nogo meneat he, Ala Areagùn hinoba pi waga halok, hinomame asigin. Hinomame arìk he, o kota Yerusalem en, propinsi Yurea nen, Samaria nen, hùlì o yì awì tì awì esako esako a'lomaat laga logolìk, an yì mene tì mene hagarìk nikenem hineileken neegep mene a'nogo, an hesik yogoisìlìk laga logoino o,” ìlùk yogoisasike.

ÙRÙM 5:5

Hano asigin ìlùk nina'la hai hakìkì lago atì ba, Ala nen Areagùn wo'nisasikomo nina'la logolìk, i hinatarek hak, Ala nen etawì'ninaperek mene atì nina'la hùkorogo hinikerek atì ba ninayù'lek welago.

IBERANI 2:15

nit apùnì ninebe ta'lagoresik nineluk logolìk, wa'lasusak ninayùk en nineki hele warek negen welagagu mene hikalogo hinìgìk, igìlùk, nit wa'lagorek mene ninoabùt waganogo wa'lagaike atì.

LAKSASIKE 20:24

Atì'nogo meneat he, an nebe neluk logousak atìat esin ìlùk atì mene esinethìkì lagì lek. Ninoe Etagepogot Yesùt en nayoko hìkì logolìk, at en he, Ala oabùt hano nen hagarinaperek wene hano wene atìat yogoisìlìk lano o, ìlùk nayoko hesike atìat wùrep oba kobok hogo hagasìlùk esinethìkì lagì o.

1 KORÌTÙT 2:4

Atì'nogo logolìk he, apùnì inawene an na'la kagalek en, nane hano nen, ning hogo yogohisasigi lek o. We, at Ala Areagùn omame ba, yogohisasigimo, ebe agaikomo re, hineileken hasigip.

LUKAT 24:49

Nen, an nopase nen hit wokhisegein, ìlùk abok yogohisasike a'nogo, yogo. An nenat hinoba pelakhika wesigin o. Mene re, Ala omame pogot oba nen hinoba oan louk i wagì'lek werek kolek ya re, hinebe o kota yomaat logoino o,” ìlùk wene warisasike.

1 PETERÙT 1:22

Ebe wene atì hinasuk holhì logolìk, hina'la nen weak mene horogo laksìlìk, hinerùgì hinagaiya'lak Ala againapùrì mene aike eberogoat hinetawìrogo hagatì lagep atì, hinom hutik motok logolìk netawì-hetawìrogo hagatì logoino.

LAKSASIKE 21:13

Asuk watenem, at en he, “Hit le aga logolìk, netaùken ekinethìkì lagep atì nahalok. Ninoe Etagepogot Yesùt hesik he, o Yerusalem atoma nen neki hele nek wasusak akìkì lagep a? Lek o. Neki hele watìk, nebe noatìk, umo hanoat o. Atì'nogo haga'nabusak elogat akìkì lagì,” ìlùk yogoisasike.

KOLOSE 1:8

At ebe ninoba wagasik en he, mel ike: “It inoabùt he, apùnì aike inetawìrinaparek atì mene, Ala Areagùn nen wogisikenem, apùnì aike inetawìrogo hagarì'lùgì o,” ìlùk, hinabok tùkùm hogo yogonisa waga atì.

LAKSASIKE 6:8

At Ala oabùt hano nen wogisikerek mene a'nogo, Sitepanùt hùkorogo wogisikomo omame motok apik welagaike. Logolìk he, apùnì nen wene hùthoagalùk hagasusak lek mene hùkorogo elalinat hagarinapì lagaike.

LAKSASIKE 9:22

Hogorato kolek he, at Saùlùt en, ane omamerogoat ina'la kagalhì logolìk, mel yogoisìkì lagaike: “Ala nen he, Ap aike telhinabuagalùk lakhei wesigin, ìlùk wene wa'nisasike a'nogo ebe re, Yesùt atìat o,” ìlùk pak hogoat yogoisikenem, eberogoat agaikomo re, it apùnì Yahuri mene o Tamìsìk welagaukwa mene atoma nen oko nena u heat inoake palaga lagaike.

LUKAT 8:35

Atì'nogo yogoisa lagaukwama re, it apùnì nen he, “Nìkì'nogo haga'lagama nen ega,” ìlùk, ineileken huogolak Yesùt oba wagaukwa. Wagaukwa re, ap mokareke inoabùt weak mene a'la nen wùlìpike mene a'nogo epe hebelagaikesik asu laberogo Yesùt awe a'ma hùrek were'ma ineileken hasukwasik, inayùk agaukwa.

LAKSASIKE 26:25

Atì'nogo yogosikomo, at Paùlùt en he, “Pesetùt noe. An lùgùlùgì palhìrìk ìkì lagì lek o. We, hano logolìk wene eberogoat yogohisìkì lagì o,” ìlùk isikesik,

LUKAT 15:17

welegat logolìk oabùt hebelarìk he, Eigo! An nopase a'nogo aua atitigeko mane eyabu hagatarek mene amanogo inebo logolegat sùpùrùk apik titelogo hìgìk niko kolegat he, an yì nek he, sùpùrùk nele nen wa'lasigin yì!

LAKSASIKE 26:11

Atì'nogo ìkì logolìk he, an o apùnì Yahuri mene sapan egarek obakwe lopok kìlìk, it inetaùken Yesùt oba hìpìrìk welagaukwa mene hebisoagalùk nane keirogo yogoisìgìk, yì aik tì aik hagarinapìk, ìkì logolìk, na'mage apik lagakì logolìk he, it aike o walegat esako-esako atoma mene mùgisek laga lagagiat,” ìlùk yogosike.