2 TIMOTÌÙT 1:4 - Ala Ane Wene Ket Mene Warogo Wo'ninapike Wene

⁴ Hat le agagin a'nogo nen, neperak apì arìk, ha'la hano aganem, na'la hai hanorogo hakagalùk, “Neperak apì a'lo e,” ìlùk, hoba eberek welagì o.

2 TIMOTÌÙT 1:4 ပူးပေါင်းရင်းမြစ်များ

YOHANET 16:22

Hit ati'nogo at. Yogotak hina'la weak welagep meneat he, hobuk an ninom apì asugun atì sat, hina'la hai apik hakogoin o. Nen hit hina'la hai atì, it apùnì aike nen legetsogoin motok lek o.

YOHANET 16:24

O alebat en hùlì yogotak hùlì, an netage palogo yì mene tì mene aike kìno ìgì'lek welagepma o. Halok he, hina'la hai apik hakoageip en he, at kìno yogotì logoino. Atì'nogo yogotì logoumo, wokhisìkì logoginat o,” ìlùk yogoisasike.

LAKSASIKE 20:19

It apùnì Yahuri mene nen nebe noasuogolùk nabok palhì logolìk weak haga'napo kolek, nokawerek en netaùken sebelogo, hogorakìgì'legat, le apik aga logolìk he, ninoe Etagepogot awe a'ma logolìk at hesik hagatì lagì hineluat o.

LAKSASIKE 20:31

Hinetaùken wekelogo logoino! An o mo lagagìk pìgìk iko kolek 3 tahun ninom logolìk he, kamo ìgì'lek likene nen, hùako nen, le aga logolìk, hinebe lopok hinasuk watì lagì a'nogo, hina'la eberek logoino o.

ÙRÙM 1:11

Hit hinetaùken wurik asuagalùk, Ala Areagùn nen wogisikerek mene atì, hit aike wokhisagalùk hisa wele, akìkì lagì o.

PILIPI 1:8

Yesùt Karìsùt en hit hinebe obogat etawì welagarek hak, an nen hit netawìat logolìk he “Nimom logoilo e,” ilùk, na'la eberogoat akìkì lagì mene atì, at Ala elu o.

PILIPI 2:26

At a'la akìkì logolìk, “An noba ou wanhìgi a'nogo, nabok it inasuk holhasik, nìkì'nogo hagarì'lùgì,” ìlùk, wenesùgì uan horo ebetì logolìk, “It obogat inoba legein,” ìlùk akìlì'logo.

1 TESALONIKA 2:17

Nerùgì nagaiya'lak. Nit en he, hit hinalepma hikalùk wagagusik, yogotak ya elama hesik ninebe walegat welago meneat he, ninetaùken hit ninom omakìma welago hake atì. Atì'nogo logolìk he, “Inelokoken nineileken hisa lelo e,” ìlùk, hageat en nina'la walok apik akìkì logolìk hinoba wesuogolùk walhìkì lagosik.

2 TIMOTÌÙT 4:21

Hat he, o moso nikenem sogoi weak agarek a'nogo oan agì'lek werek kolek, ya baat hepok wesigìlùk homamerogo walhìkì logoino. At Ebùlùt ho, Pùret ho, Linùt ho, he Kelarìa ho, ninerùgì ninagaiya'lak Ala againapùrì mene obogat aike nen hai wathapa o.

2 TIMOTÌÙT 4:9

At Temat a'nogo kweangma mene yoma walok en, an herakhanìlùk o Tesalonika wo'lakikomo. Nen, at Kereseket, o Kalatìa lagìk, Titut o Talmatia lagìk, egama re, at Lukat enek neperak welago atì nen, hat hepogat noba we'nok en he, homamerogo walhìkì logoino. Atì'nogo walhìkì logopik wesigìluk halok he, Marekùt a'nogo oabùt he, an Ala hesik hagatenem hano lebe'neasak werek atì nen, ebe wìlìk wìlìk noba we'no.

1 YOHANET 1:4

Nen, wene yì hesik nina'la hai hakìkì lago mene atì, hobuk nina'la hùkorogo eberogoat hai hakùogolùk helal waganogo hinoba lakhei wago atì.

ABÌKAKAN 21:4

Atì'nogo logolìk, yì wene tì wene alep mene legetsìlìk, at en it ineil amusu arat terogo hìlì'mo nogo nen he, inebe wa'laga logogun legat, ina'la weak aga logogun legat, le aga logogun legat, heinet watì logogun legat o,” ìlùk ikenem holhì.