2 TESALONIKA 3:2 - Ala Ane Wene Ket Mene Warogo Wo'ninapike Wene

² It apùnì obogat en, “Wene atì eberogoat,” ìlùk wanhasik enek werek hùk. We, it aike wanhì'lek mene inoabùt kolo hagatìk, weak hagatìk, ìlì'lùgì mene nen, weaga'ninabuogolùk ikenem, Ala nen telninapì logouak en he, nit hesik sapan ìkì logoinoat o.

2 TESALONIKA 3:2 ပူးပေါင်းရင်းမြစ်များ

ÙRÙM 15:31

It apùnì o Yurea mene inetaùken Yesùt oba hìpìrethìgì'lek mene nen nebe ineki hakhaninogo ìlùk, Ala nen telnabuagalùk inom, nen, apùnì Ala againapùrì o Yerusalem mene hesik atogorogo hisaga mene atì, wolok leberisa laganem he, hano wanuagalùk inom, sapan hanorogo ìkì logoino o.

ÙRÙM 10:16

Mene re, apùnì inebe obogat hano wene atìat wanu mene re, it he'nakìt wanhì'lek werek o. At Yesaya nen he, Ala mel yogosike: “Ninopase. Nit en wene yogoisikenem he, sa nen wene atì eberogoat ìlùk hùthike nogo. Hùthìgì'lek enek werek o,” ìlùk yogosike.

LAKSASIKE 28:24

Atì'nogo yogoisikenem he, it o'moko wene atì eberogoat ìlùk hùthasukwa. Meneat he, it o'moko hùthìgì'lek.

1 TESALONIKA 2:18

Walhìkì logolìk he, an Paùlùt nokawerek neki alep aike wesigìlùk walhìgìk, hobuk aike wesigìlùk walhìgìk, isigi meneat he, Ibilit en nakwe palhikomo nen kamo isigi atì.

LAKSASIKE 14:2

Wanhukwama, it apùnì Yahuri mene he'na nen, wene atì inasuk holìk, eberogoat ìlùk ina'la akìgì'lek mene nen he, it apùnì etakwe mene Ala againapùrì inabìt asuagalùk ina'la kagalhì lagaukwa.

LAKSASIKE 13:50

Atì'nogo ukalarìk wùlùpenem he, it apùnì Yahuri mene nen he, hìmì ap etakwe mene inagagwì kaintek Ala ane wanhukwa mene mel, it ap o kota atoma inetagewerek kaintek welagaukwa mene mel, inom en Paùlùt Parenapat eperak mùgisoagalùk ina'la kagalhukwa. Atì'nogo ina'la kagalhukwama re, it en he, “Hit nit ninaua yoma logousak lek o,” ìlùk mùk hogo wulaksasukwa.

LAKSASIKE 13:45

Atogosukwama, it ap Yahuri mane amanogo apùnì logolegat ineileken isasukwasik ua palogo re, “Wene Paùlùt en ìlì'logo atì hinasuk holusak lek o,” ìlùk wene palhìk, Paùlùt lak wenagisìgìk, isukwa.

LUKAT 18:8

Lek o. Hepok-hepok elele woginabigin o, ìlùk eberogoat yogohisìgì. Atì'nogo hagarinabigin meneat he, an abat ta'lasi wagagi a'nogo hobuk wesipik he, apùnì kweangma mene yoma aike inetaùken noba hìpìrìk were'ma isa wesigin a? Lek he a,” ìlùk yogoisasike.

MATÌÙT 23:23

“Hit ap Ala ane helal waganek esewerek mene mel, Parisi mene mel, hinogat oba nek hano salek logolìk hinetaùken pìre mene yì rì! Ala hesik hagatì logousak esin hake re, higit hogo hagatarek atì mel, apùnì aike inetaùken hutìk welagaikarek atì mel, inoabùt lenurogo welagaikarek atì mel, werek kolegat he, atì'nogo hagatì'lek logolìk, hit en labet eka hake mel, heite hake mel, su'li ka hake mel, hineki wenagasogo hinomolo ba asi waganem, omakeat aike Ala hesik hisìkì lagep atì hisasak meneat, wene ebe abelma mene atì hano hagatì lagep meneat he, wene esin mene hagatì'lek heraksìkì lagep atì kolo o!

MATÌÙT 17:17

Atì'nogo yogosikomo, at Yesùt en he, mel yogosike: “Hit apùnì o yogotak welagep mene yì re, hinetaùken noba hìpìrethìgì'lek logolìk nong akìkì lagep yoma rì! An hit ninom neki mìren oba logogun nogo. Hit yì'nogo hagato kolek nepe morogo neki mìren logogin,” ìlùk yogoisasikesik he, “Yekerek arì an noba wolok we'ni o,” ìlùk yogoisasikomo

2 TIMOTÌÙT 4:17

Atì'nogo meneat he, an nen ebe wene tùkùm hogo yogoisikenem, it etakwe mene inebe obogat inasuk holuagalùk, ninoe Etagepogot an nera'lilu logolìk, nomame'napesik, singa lo yeke hake anini weak mene a'nogo apema were'ma telnabu hak, noasusak mene telnape atì.

1 KORÌTÙT 15:32

An o Epesùt yoma logolìk, apùnì wam maro oabùt weak mene inom yaparek hak ninom yapì lagosik atì, apùnì kweangma mene hesik yaparek hak yabilema re, nena mene sabùrele akegep. Apùnì wa'lagaukwa mene inelugurinabigin lek logoilepma re, it aike nen isukwa hak, mel ilo: “Nit o hùen ninebe wa'lasugunmo re, yogotak ya elama hesik nineluk logolìk, sùpùrùk mel, wam mel, eken amusu mel, nina'la hai hakìkì logolìk elama nìkì logouok,” ìlùk isukwa hagat ilo o.

LAKSASIKE 17:5

Inebe logolegat it Paùlùt Silat eperak werekwe atì'nogo asi laganem, it apùnì Yahuri mene ua palogo, it ap inoabùt weak mene o silimo welegat were'ma inebe woginabìk he, esa hologo apùnì o kota Tesalonika atoma mene ina'la menerìk lagaukwama, wene hùkoat wo'lagaike. Atì'nogo haga'lagaikomo, at Paùlùt Silat eperak ineki lisogo apùnì logolegat inoba wogisek lùogolùk, heraginabìk, esa hologo o ap Yason were'ma o lasi lagaukwa.

LAKSASIKE 25:27

Atì'nogo hagatì atì re, wene ero heragasogo nen, Tì'nogo hagatomo, ìlùk helal sekek hogo wanì'le'ma, at eki hele warogo lakhousak he, mea akìgìrìk en at ebe wolok wagì atì,” ìlùk yogoisasike.