2 TESALONIKA 2:3 - Ala Ane Wene Ket Mene Warogo Wo'ninapike Wene

³ Apùnì aike nen, “Ala ninabìt,” ìlùk, heraksalùk wùlìpìk, at oabùt motok weak mene hobuk Ala nen etu ai'mo laksegein mene a'nogo weinam agìk, atì'nogo tak hagasugun atì nen he, it aike nen yì'nogo ìgìk, tì'nogo ìgìk, ìkì logolìk, lalhinabinogo. Nabìt.

2 TESALONIKA 2:3 ပူးပေါင်းရင်းမြစ်များ

1 YOHANET 2:18

Nagainapùrì e. O yogotak he, elùgùn oba welago o. Apùnì aike nen he, “Hobuk ap agaike Karìsùt eperak motok weak mene wesigin,” ìlùk yogohisasukwama, hinasuk holhigip atì hak, o yogotak he, Karìsùt inom weak mene inebe apik arat weinam agaikasik werek atì nen he, nit en, “O yogotak eberogoat elùgùn oba welago,” ìlùk ninetawì wekelarìk hùthìkì lago.

EPESÙT 5:6

It apùnì Ala ane higit hogo hagasùhùk mene nen, wene ìgì atì'nogo hagatare'ma, Ala a'mage lagalìk weagarinabigin atì nen he, it aike nen inane we tùlem at ìkì logolìk he, “Weak mene atì'nogo hagasumo hanoat,” ìlùk, lalhinabinogo.

YOHANET 17:12

An it ninom yoma logolìk he, it inebe nalasinogo ìlùk, hat hetage mene an salnapigin a'nogo ba, hagisek were'ma, it aike nalagì'lek o. We, At atì nalasigin, ìlùk, hat hane isigin mene helal waganogo hesukwa mene a'nogo ebe asuagalùk, nalasusak obaat nalaga o.

ABÌKAKAN 17:8

Yeke lo yeke hake hegen atì re, alep welagaike meneat he, yogotak elokwe lek hegen atì re, a'ma baga nen lagai wesigin o. Lagai waga halok, Ala nen alemathegein o. Nen, Ala nen kweang pogot oan elalhì'lek logolìk, sùesika it apùnì ineluk motok logouagalùk hanorinabigin mene hùgì, inetage helal waganek atì ba, it aike inetage helal wagane'lek mene nen yeke lo yeke hake atì ineileken hìlìk, it en he, Yeke lo yeke hake yì, alep welagaikesik en, elokwe lek agaike meneat he, hobuk weinam aga yì, nayùk e, ìlùk hogorasugun o.

ABÌKAKAN 17:11

Yeke lo yeke hake alep welagaike meneat he, elokwe lek atì ebe re, kaintek inebe 7 nen amanogo arat kobok hogo pìlìk pìlìk waga lagaikasik, it 7 atì mene aike hobuk apotkwe kain arìk, ineki wenagasogo 8 bake haga'larìk, hobuk Ala nen alemathegein mene hegen o.

1 KORÌTÙT 6:9

Apùnì weak hagarì'lùgì mene Ala awe a'ma hisikere'ma atì esewerek asugun lek o, ìlùk he, hinokot nogo? Hinokawerek en lalagùp. Pailak haksagarek mene mel, tùgì hareken oba hìpìrìk logolìk hogoratarek mene mel, ap inagagwì mene pailak haksagarek mene mel, ap en hìmì haksagarek hak it ap-ap haksagarek mene mel,

1 YOHANET 4:3

Atì'nogo meneat he, it aike nen Yesùt hesik wene atì'nogo pak hogo egarek lek mene nen iko halok he, hit en he, “It atì ina'la Ala Areagùn hùk. Hùnogoat mene werek o,” ìlùk hùrisìkì logousagat o. It atì hesik wene Ala nen hageat yogonisìkì logolìk, “At aike Karìsùt eperak motok weak mene wesigin a'naga o,” ìlùk yogonisasike mene, hinasuk holhigip a'naga, yogotak kweang'ma yoma inebe arat weinam agaikasik werek atìat o.