2 PETERÙT 3:9 - Ala Ane Wene Ket Mene Warogo Wo'ninapike Wene

⁹ It apùnì aike nen he, “Ninoe Etagepogot en wene wa'nisasike wene a'nogo, ebe wagì'lek aregenma werek,” ìlùk akìlì'lùgì atì re, aregenma werek hùk. Hit hinebe etawì nen, at a'la nen he, “It aike nong asinogo,” ìlùk apùnì obogat inoabùt weak hagarì'lùgì mene heraksìlìk inoabùt hebelasuagalùk, eram enat a'la akìlìk aregenma werek atì.

2 PETERÙT 3:9 ပူးပေါင်းရင်းမြစ်များ

ÙRÙM 13:11

Atì'nogo hagatì logousak atì nenahalok en. Atì re, nit emakum ninetaùken Ala ba hìpìrethesugu atem sat he, o hano'ninabigin like walegat welagaike. Mene re, yogotak he, horogat asi wìrì'logo atì nen he, hit nogo ìkì lagep atì, hineluk asusak higit aga atì, hùthìkì lagep o.

ÙRÙM 13:12

O hùako welagosik horogat we igin. Apùnì o mùmmo logolìk hagatarek mene atì heraksùok o. We, sike sìge wanharesik hebelogo welagaikarek hak, nit lìa mene wìlìk hebelogo logouok.

ÙRÙM 2:4

“At Ala oabùt hano motok, enago lìoksek,” ìlùk, hina'la meathìkì lagep a? Hit hina'la nen he, “Ala oabùt hano nen nit weak hagatì lago mene heraksìlìk ninoabùt hebelasuagalùk, nina'la kagalherek,” ìlùk hinokot nogo? Hineluat o.

ÙRÙM 9:22

Atì hak, at Ala a'la akìkì logolìk he: “Apùnì an nen elalinapigi meneat he, it aike na'mage lìabì'lùgì atì nen, weagarinabigìlùk, na'mage lagaike mene atì, it en noabùt palhìk, nomame werek atì, inelu agìk, uak o,” ìlùk epe morogo welagarek.

1 TIMOTÌÙT 1:16

Mene re, it apùnì aike hobuk inetaùken Yesùt oba hìpìrethikenem ineluk motok logouagalùk, hagarinabigin mene ina'la nen akìkì logolìk he, “Paùlùt weak hagato kolegat he, Karìsùt Yesùt a'la pùk agì'lek epe morogo motok welagaikesik en, etawìrarìk ebe wanhìke atì re, at en apùnì weak hagatarek mene atì'nogo woginapere'ma hìgì,” ìlùk, Ala oabùt enagat hùthoagalùk, an tak atì'nogo wo'napike atì.

IBERANI 10:37

Ala ane ba helal yì'nogo waganek werek: “At wesigin atì re, eil omake logopik en wesigin. Aregenma logopik en wesigin lek o. We, heageagat wesigin o.

1 PETERÙT 3:20

Inamokareke atì inebe re, hageat at Nu nen i so Wùto kolek, Ala oabùt hano nen serisek werek kolegat he, wene wanhì'lek heraksìlìk weak hagato motok were'ma i hu nen inoasikomo wa'lagaukwa mene atì. Atì'nogo inoato kolegat he, it aike so a'la kìlìk welagaukwa mene, inebe 8 nen hamùlùgat i hu atì ba telinapike atì.

2 PETERÙT 1:4

It apùnì kweangma yoma yì mene tì mene walok en, inetaùken nen nikenem inoabùt weak hagarìk weak akagarek mene atì heraksalùk hese wùlìbi wìrìk he, Ala oabùt wanuagalùk, hano mene wo'nisìlì'logo atì. At en elalinat hagatenem hogorato motok welagaikarek mene a'nogo nen he, “Yì mene tì mene oko ba wanusak mea. Hano motok hùko mene, wokhisegein werek o,” ìlùk abok yogonisasike atì, ebe wo'nisìlì'logo atì.

2 PETERÙT 3:15

Atì'nogo hagatì logolìk, hina'la nen he: “Ninoe Etagepogot etaùken uan nen, hepok wagì'lek oan werek atì re, telninabigìlùk eram enat oan se'nisek werek,” ìlùk hina'la akano. At ninoe Paùlùt ebe ninetawì mene a'nogo Ala nen a'la kagalhìkomo wene atì'nogo ìlùk helal waganogo hinoba lakhei wagaike atì.

ABÌKAKAN 2:21

At he atì, pailak hakhouagalùk hagarì'logo mene atì heraksìlìk oabùt hebelasuagalùk serogo welagì mene re, at hagarì'logo mene atì, heraksìlìk oabùt hebelasusak he, abìt o.