2 PETERÙT 3:7 - Ala Ane Wene Ket Mene Warogo Wo'ninapike Wene

⁷ Mene re, pogot atì mel, kweang atì mel hobuk etu ba weagatheigìlùk Ala ane atì baat elama hesik hesogo logopik he, apùnì Ala ebe inabìt logolìk inoabùt weak hagarì'lùgì mene atì, ùkùm inoba hìlìk weagarinapìk, kweang pogot weagathìgìk, omake likeat hagasigìlùk eram enat eki hesogo werek o.

2 PETERÙT 3:7 ပူးပေါင်းရင်းမြစ်များ

2 PETERÙT 3:10

Atì'nogo werek meneat he, apùnì wonogat werek kolek yì mene tì mene yogot wani kagarek atì hak, ninoe Etagepogot wesigin atì, atì'nogoat wesigin o. Atì like, pogot ebe omake hesigat sogoi ane hake ìlìk ìlìk lek agìk, yì mene tì mene pogot oba welagarek mene ero inomat etu nìkìk, kweang ebe mel, yì mene tì mene kweangma welagarek mel, obogat lek agìk, ìgìn o.

ABÌKAKAN 21:1

Atì'nogo hìgìrìk oba nen, opolik he, Ala nen pogot mel, kweang mel, alep mene legethìgìk, i laut yekelek legethìgìk, ikesik, obùlù'mo re, pogot mel, kweang mel, ket mene hagarogo hikomo were'ma hìgì.

MATÌÙT 24:35

Pogot mel, kweang mel, atì lek asigin meneat he, an nane atì lek asigin motok lek o,” ìlùk yogoisasike.

2 PETERÙT 2:9

Atì'nogoat he, apùnì aike Ala walok mene hagatenem ina'la kagaligìluk waganem, ninopase Ala Etagepogot en telinapìk, nen it aike weak hagarì'lùgì mene halok, ùkùm hobuk inoba heigìlùk, hagisek welagìk, atì'nogo hagasusak elu logolìgat elok hagasigin o.

MATÌÙT 25:41

“Nen, it neki peikkwe hisegein mene atì mel yogoisegein: An nopase nen hit homan hikike mene yì rì! An sùpùrùk nele were'ma, hit en mela'netì'lek, i nele were'ma, hit en wo'netì'lek, ap pok were'ma hit en wo'napì'lek, su labere'lek were'ma hit en aike labethanhì'lek, ou warek were'ma mel, neki hele warek were'ma mel, nea lagì'lek hagatì lagagip o. Halok he, an nopase nen, at Ibilit agoromì inebe apik inom, etu aik api'mo logouagalùk inobùlùk hisasikomo atoma hela lani o, ìlùk yogoisegein.

ABÌKAKAN 20:11

Atì'nogo hìgìrìk oba nen, opolik he, Ala kain welagarek obùlùk hùko kut mene were'ma, at ebe atoma welaga hìgì. Atì'nogo were'ma pogot, kweang, obogat, at agaserogo lek arì'mo nogo nen he, hobuk ineileken hasak legat aga laga hìgì.

MATÌÙT 12:36

Halok he, an wene yì yogohisak. Hobuk Ala nen manema waganogo ùkùm inoba hìgìk, kotìk, igin atì sapùl he, apùnì inane we tùlemat egarek mene atì hesik ùkùm inoba hegeinat o.

YURAT 1:7

It hagasukwa higit hogoat he, it apùnì o Sorom mene mel, Komora mene mel, o sili inera'lukwe mene inomat en, pailak haksìgìk, ap-ap, hìmì-hìmì hagasusak lek mene hagatìk, isukwa ba re, ùkùm he, etu niko motok welagare'ma motok logouagalùk, laksasikomo atoma werek, ìlùk, nit apùnì obogat hùthìkì logousak.

1 TIMOTÌÙT 6:9

Ati'nogo meneat he, apùnì nen he, “Esin uang atìat,” ìlùk inetaùken tùlemethìlìk he, erepùl oba yì weak tì weak hagarì'lùgì atì. It aike nen uang atì mene herasuogolùk, inetaùken Ala oba hìpìrìk welagaikasik enat he, heraksalùk hobuk e ba saluk hogo waragarek hak, it inokawerek ina'la wiik-weak hogo hagarìlì'lùgì atì. Ati nen he, apùnì aike nen, “Yì mene tì mene hùkorogo helìlìk ninebe kain logoilo e,” ìlùk akìlì'lùgì atì re, paik hele hìlì'mo kerelarìk wa'lagarek hak, Ibilit en ina'la kagalhenem, yì mene tì mene walok akasak lek meneat he, weagarinabigin mene walok ìlùk akìlì'lùgì atì nen he, inebe weak akìgìk, nong akìgìk, egarek atì.

PILIPI 1:28

It aike nen he, “Wene atì ninabìt,” ìlùk, iko kolegat he, hit enek he, hinayùk agì'lek ning hogo motok hesogo logoino. Atì'nogo hesogo logogun atì ba, it atì nong asugun ìlùk enagat haga'lagìk, hit telhinabìgìn ìlùk enagat haga'lagìk, Ala nenat hagasigin werek o.

1 YOHANET 4:17

At Karìsùt welagarek atì hak, nit kweangma atì'nogoat welago atì nen, hobuk Ala nen nit ninanema waganogo ùkùm ninoba hìgìk, kotìk, igin atì like ninekalì lek logogun. Ninekalì lek hogo logouagalùk he, emakum Ala nen etawì'ninapì logolìk, a'la akasike atì hagat, yì mene tì mene hano katok hogo hagatarek atì hak, nit-nit netawì-hetawìrogo logouagalùk katok hogo haga'ninabì'logo atì.

2 TESALONIKA 2:3

Apùnì aike nen, “Ala ninabìt,” ìlùk, heraksalùk wùlìpìk, at oabùt motok weak mene hobuk Ala nen etu ai'mo laksegein mene a'nogo weinam agìk, atì'nogo tak hagasugun atì nen he, it aike nen yì'nogo ìgìk, tì'nogo ìgìk, ìkì logolìk, lalhinabinogo. Nabìt.

ÙRÙM 2:5

Inane hologo hinoabùt hebelùhùk yì rì! O elùgùn oba Ala a'mage lagalìk he, apùnì inebe lopok inoabùt hagatarek higit hogoat, weinamat ùkùm inoba hìgìk, kotìk, igin atì like, hit ùkùm hinoba houagalùk hinokawerek en ùkùm hinoba hakiko motok welagep yì rì!

MAREKÙT 6:11

It apùnì o aike nen hinebe wokhinapìk, hinane holhìk, ìgì'lek halok he, o atì nen wùlìbi waga logolìk he, it o atoma mene ina'la hùthoagalùk he, hinesok a'makwe kweang alolong hesalogo pelaksalùk wùlìbi we'no,” ìlùk inasuk warogo laksasike.

MATÌÙT 11:24

Hobuk Ala nen ùkùm inoba hìgìk, kotìk ìgìn atì sat he, it apùnì o Sorom welagaukwa mene ùkùm inoba hìlìk se negen inoasìgìn meneat he, hit enek he, motok ekin hogo negen hinoasìgìn o, ìlùk yogohisìgì,” ìlùk yogoisasike.

MATÌÙT 11:22

Meneat he, an nane eberogoat yogohisak. Hobuk o elùgùn oba Ala nen ùkùm hinoba hìgìk, kotìk, ìgìn atì sat he, it apùnì o Tìrùt Siron atoma ùkùm inoba hìlìk se negen inoasigin meneat he, hit enek he, motok ekin hogo negen hinoasigin o, ìlùk yogohisìgì.

MATÌÙT 10:15

Yogotak he, an nane eberogoat yogohisak. Hobuk ninopase Ala pogot oba mene nen ùkùm inoba hìgìk, kotìk, ìgìn atì sapùl he, it apùnì o Sorom Komora mene atoma re, ùkùm inoba hìlìk weagarinabigin meneat he, se negenat o. Meneat he, it apùnì o sili hit wokhinapì'lek herakhikogoin mene atì nek he, ùkùm ekin mene inoba hìlìk motok weagariìnabigin o,” ìlùk yogoisasike.

ABÌKAKAN 17:11

Yeke lo yeke hake alep welagaike meneat he, elokwe lek atì ebe re, kaintek inebe 7 nen amanogo arat kobok hogo pìlìk pìlìk waga lagaikasik, it 7 atì mene aike hobuk apotkwe kain arìk, ineki wenagasogo 8 bake haga'larìk, hobuk Ala nen alemathegein mene hegen o.

ABÌKAKAN 17:8

Yeke lo yeke hake hegen atì re, alep welagaike meneat he, yogotak elokwe lek hegen atì re, a'ma baga nen lagai wesigin o. Lagai waga halok, Ala nen alemathegein o. Nen, Ala nen kweang pogot oan elalhì'lek logolìk, sùesika it apùnì ineluk motok logouagalùk hanorinabigin mene hùgì, inetage helal waganek atì ba, it aike inetage helal wagane'lek mene nen yeke lo yeke hake atì ineileken hìlìk, it en he, Yeke lo yeke hake yì, alep welagaikesik en, elokwe lek agaike meneat he, hobuk weinam aga yì, nayùk e, ìlùk hogorasugun o.

YOHANET 12:48

At he, at atì an nebe wo'nabu abìrat, nen nane tùkùm hogo wanusak abìrat, atì nen, at atì ùkùm oba hegein mene werek o. Ùkùm oba hegein atì re, o elùgùn oba tegelinabigin atì ba, an nen wene yogohisìkì lagì atì baat ùkùm oba asigin o, ìlùk atì'nogo yogohisìkì lagì atì re,

1 KORÌTÙT 3:13

Atì'nogo wùto were'ma, at Karìsùt hobuk wesigin atì like, apùnì nen o wùta mene lopok hano a? Weak a, ìlùk, etumo walhikenem, hukalogo enagat aganem hogoin o.