2 PETERÙT 3:17 - Ala Ane Wene Ket Mene Warogo Wo'ninapike Wene

¹⁷ Nerùgì nagaiya'lak. Hinebe netawì e. Wene atì oan haga'lagì'lek werek kolek he, hinelùrogo logouageip ìlùk sekek hogo yogohisìgì atì. Hinelu logolìk, hinokawerek hinetaùken wurik hogoat logoino. It apùnì aike inasuk ware'lek hagatarek mene atì nen, wene kolo wene yogohisìkì logolìk, hit en he, “Eberogoat”, ìlùk akìlìk hinetaùken wurik welagep mene atì kopologo hebikenem hinebe nongasinogo ìlùk, hinoabùt hebelogo logoino o.

2 PETERÙT 3:17 ပူးပေါင်းရင်းမြစ်များ

MATÌÙT 16:11

An nen sùpùrùk horoti mene hesik yogohisìgì lek meneat he, nahalok hùthìgì'lek welagep. Eken sùpùrùk horoti mene hisuagalùk a'la pelaparek mene atì hake mene, it ap Parisi mene mel, Saluki mene mel, hesogo werek atì nen hinepe hebelogo logouageip ìlùk yogohisìgì o,” ìlùk yogoisasike.

MATÌÙT 16:6

at Yesùt en mel yogoisasike: “It ap Parisi mene mel, ap Saluki mene mel, eken sùpùrùk horoti mene hisuagalùk a'lakwe pelaparek atì hake mene hesogo werek atì ba weagathinabinogo ìlùk, hinepe hebelogo logoino o,” ìlùk yogoisasike.

MATÌÙT 7:15

Atì'nogo yogoisasikesik, aike mel yogoisasike: “It aike inapeliagat Ala ane yogoisagarek mene salek hinoba wìrìk he, hina'la kagalinogo ìlùk, hinepe hebelogo logoino o. It atì inelokoken wam topa warn ena mene hake hagarogo nen wesugun meneat he, inetaùken a'la re, yeke lo yeke anini weak mene hake wesugun o.

YOHANET 16:4

Atì'nogo hagathinapa halok he, hina'la nen, Wene yì, at en alebat yogonisasike a'nogo, arat haga'ninabì'lùgì yì, ìlùk hina'la ebesuageip en ìlùk, wene atì obogat yogohisìgì o,” ìlùk yogoisasike. At Yesùt en wene atì'nogo yogoisasikesik he, hobuk aike mel yogoisasike: “An hit ninom yoma welago atì nen he, wene yì obogat hit hinayoko hìkì logolìk yogohisìgì'lek welagagi meneat he,

LAKSASIKE 2:42

Inom lapuk hogo hanoat logolìk he, it ap Yesùt en weteberogo inayoko hìlìk laksasike mene amanogo nen wene yakùlisikenem hutik-hutigat inasuk holhik, sùpùrùk inom kùrogo nìkìk, sapan inom ìgìk, ìkì lagaukwa.

ÙRÙM 16:18

It atì re, ninoe Etagepogot Karìsùt awe a'ma logolìk, at hesik hagarì'lùgì hùk. We, inokawerek ina'la walok mene hagarì'lùgì o. Atì'nogo hagatì logolìk, inane hano ìgìk, lìok hogo ìgìk, ìkì logolìk he, it apùnì aike inoabùt, “Ì o,” nek egarek mene atì lalinabì'lùgì atì.

1 KORÌTÙT 10:12

Atì nen he, hat aike ha'la nen: “An netaùken wurik, metek welagì o,” ìlùk akegen halok he, tukwak hogo lanogo ìlùk hepe hebelogo logoino.

1 KORÌTÙT 15:58

Atì nenat, nerùgì nagaiya'lak. Hinebe netawì. Hinetaùken wurik hogo, hapuk hogo logoino. Ninoe Etagepogot ninom hutik logolìk he, at hesik yì mene tì mene hagatenem alema'lasigin lek o, ìlùk, hùkorogo hagato motok logoino o.

2 KORÌTÙT 11:3

Atì'nogo meneat he, alebat at Walo a'nogo oabùt lagakse'ma re, he Hawa lalhike hak, hit hinetaùken omakeat Karìsùt oba hìpìethìlìk at hesik tegelek welagep mene it aike nen lalhinabusak atì, nayùk arì'logo.

KALATIA 5:4

Hit aike nen he, “Wene Ala nen ninasuk wasike wene atì ba hakothìlìk, at en he, ùkùm ninoba mene korogo wokhìlìk, ninom hobuk ninapotkwe hùnogo hinanuak,” ìlùk hagatì lagep halok he, Karìsùt hinom hek egesip he, at Ala oabùt hano nen wo'nisikerek mene a'nogo heraksalùk wùlùpep atì.

EPESÙT 4:14

Atì'nogo hagatì logolìk, ninoabùt yekerùgì inoabùt sogoi en i ha'labu hùnogo lagìk-wagìk ikerek hak hagatarek atì hak, nit atì'nogo hagatì logouak en ìlùk, it apùnì aike inoabùt lagaksek mene nen inapeliak meneat he, eberogoat salek lalninabuogolùk, wene hùnogo wene hobugalep yogonisa wìrì'lùgì atì inane holunak lek.

PILIPI 3:2

It apùnì aike inoabùt yeke lo yeke oabùt hake atì nen, yì hesik tì hesik weak hagatì logolìk, “Hinogat hinekalìma mene palogo laksano,” ìlùk hina'la kagali wesinogo nen hinepe hebelogo logoino.

KOLOSE 2:5

An nebe walegat welagì meneat he, netaùken hit hinoba lakhei wagarìk, ninom atoma welago hake. Logolìk, hinetaùken Karìsùt oba hìpìrethìlìk, hinetaùken omakeat ningsek higit-higit hagatenem neileken hisìkì lagi hakema re, na'la hai hakìkì lagi o.

KOLOSE 2:8

Atì'nogo iko were'ma, apùnì aike ina'la kagalek mene salek, wene we mene inapeliagat yogohisìkì logolìk, lalhinabinogo ìlùk he, hinoabùt hebelogo logoino. Wene atì re, Karìsùt en isike mene higit hogo ìlì'lùgì hùk. We, apùnì ta'larìk waga kolek, inopalak en he, “O yoma yì mene tì mene hìpìt he, mokareke inoabùt weak mene atìat o,” ìlùk ìkì lagaukwa mene higit hogo lalhinabì'lùgì atì.

2 TIMOTÌÙT 4:15

At atì ebe wene nit en yakùlisìkì lago mene ninane sagalogo heraksìlìk hagatì lagama atì nen, hat hoabùt hebelogo logoino.

IBERANI 3:14

Atì'nogo ìkì logolìk, emakum ninetaùken at oba hìpìrethesugu mene atìat nineki nomok hogo hùlì elùgùn oba hesogo logogun halok he, nit Karìsùt erùgì agaiya'lak agosik welago o.

1 PETERÙT 5:9

Atì'nogo logolìk, hina'la nen, “Ninerùgì ninagaiya'lak o yì awì tì awì atoma yì aik tì aik hìlì'lùgì hagat hìkì lago,” ìlùk, at Ibilit waganem, ane holhì'lek heraksìlìk hinetaùken Ala oba hìpìrethìlìk ning hogo metek logoino o.

2 PETERÙT 2:7

Atì'nogo inoatì logolìk, at Lot enek he, oabùt higit Ala walok mene hagatenem, it apùnì atoma mene inekalì lek weak hagatì lagaukwa ba re, at a'la kolo ago motok were'ma Ala nen telhike atì.

2 PETERÙT 3:1

Nerùgì nagaiya'lak. Hinebe netawì e. Wene alep aike helal waganogo hinoba lakhei wagagi atì mel, hobuk lakhei wagì atì mel, hit wene ebe hinelu meneat he, hina'la higit hogo ebesuageip en ìlùk lakhei waga lagì atì.

ABÌKAKAN 2:5

Atì halok he, hit kopok hogo motogat pegesip welagep atì, hina'la ebethìlìk, hinoabùt hebelarìk he, alep hagatì lagagip atì hagat hagatì logoino o. Atì'nogo hagatì'lek halok he, an nebe wìrìk he, hit mene esage kìalhùkwe atì obùlù'mo nen kìgìlogo wokhegein o.