2 PETERÙT 3:16 - Ala Ane Wene Ket Mene Warogo Wo'ninapike Wene

¹⁶ At en wene ninhùp-nanhùbat helal waganogo hinoba lakhei waga logolìk, wene atì mene hesik ikoat welagarek o. Mene re, wene at en helal waganogo hinoba lakhei wagarek mene atì re, wene aike hùthasak mea negen werek o. Were'ma re, it aike inetaùken pìre abolok werek mene hùgì nen, wene atì inokot logolìk, wene Ala nen isikomo Paùlùt en helal wanherek mene atì mel, it aike nen helal wanhukwa mene atì mel, wene higit werek meneat he, hebelogo kolothìlì'lùgì atì. Wene hebelogo kolothìkì logolìk, inokawerek enat inebe weagat hakìlì'lùgì atì.

2 PETERÙT 3:16 ပူးပေါင်းရင်းမြစ်များ

MATÌÙT 15:6

Atì'nogo yakùlisìkì lagep atì nen he, it atì'nogo hagatenem, it inopase inagosalak agaugerinabì'lùgì lek atì o. Atì'nogo ìkì lagep atì ba, hit hinapu hinopalak hagatì lagaukwa wene atì hesogo logolìk he, Ala ane sagalogo heraksìkì lagep atì.

IBERANI 5:11

Wene atì hesik he, nit en hit yogohisasak mene apigat werek meneat he, hit hinoabùt, wene hepok hùthasak mea atì nen, nit en tùkùm hogo yakùlhisasak mea o.

2 PETERÙT 2:14

It ap atì, ineilmo re, hìmì pailak haksìkì logousak mene peserek logolìk, inabìt hìgì'lek weak hagato motok logogun atì. Atì'nogo hagatì logolìk, apùnì Ala ane kerat wìlìk, inetaùken abolok werek mene lalinapì logogun atì. Inoabùt he, “Yì mene tì mene nit enek wo'nisanìk,” ìlùk ìkì logouogolùk hageat en yakùlhukwasik he, atì meneat inelu logolìk hagatì logogun atì. Atì'nogo hagatì logogun atì nen, Ala nen homan hisìlìk weagarinabigin werek o.

PILIPI 3:19

It atì inetaùken Ala oba hìpìrìk logousak meneat he, inoba aiyage lagalìk hagatarek atì mene ba hìpìrìk logolìk inekalì hasak meneat he, hano salek atì hesigat inekalì lek hogorakìlì'lùgì atì. Atì'nogo hagatì logolìk he, inetaùken yì walok tì walok, wene kweangma mene oba eberì'lùgì atì, elùgùn oba arat nong asugun o.

1 PETERÙT 2:8

Nen, aike mel isike: “Apùnì helep atì ba inesok a'lip temuk hogo warìlìk, tukwak hogo laga logogun o,” ìlùk isike. Atì'nogo tukwak hogo laga logogun atì re, it en hano wene atì, “Eberogoat,” ìlùk hùthogoin lek atì nen, Ala nen akasike hagat, warìlì'lùgì atì.

MATÌÙT 22:29

at Yesùt en he, mel yogoisasike: “Hit he, Ala ane helal waganek atì mel, Ala omame atì mel, hinokot logolìk, hinane kolo egep atì.

2 PETERÙT 2:1

Alebat atoma re, ap Ala ane yogoisìkì lagaukwa mene inepema negen hagarogo wagaukwasik, inapeliagat ìkì lagaukwa mene, Ala againapùrì ina'lakwe melarìk wagaukwa. Ati hake, hobuk ap ebe wene yakùlhisìlì'lùgì mene inepema negen hagarogo wìrìk, inapeliak ìkì logogun mene hina'lakwe aike weinam arìk wesugunat o. Weinam arìk he, wene apùnì inebe weagarinaperek wene yogohisa ki wesugun. Ki wìrìk he, ninoe Etagepogot en it ninomat telninabigìlùk ninoko palhike meneat he, it en he, “At he, nit ninoe lek o. Ninokot,” ìlùk labelhì logogun atì. Labelumo re, inokawerek en ùkùm hepogat inoba hakìlìk weak akogoin o.

MATÌÙT 15:3

Atì'nogo yogosukwama, at Yesùt en he, “Halok he, hit hogo re, Ala nen, Yì'nogo haga'no, tì'nogo haga'no, ìlùk ninasuk wasike wene sagalogo heraksìlìk, hinapu hinopalak hagatì lagaukwa higit hogo hagatì lagep atì nahalok.

1 PETERÙT 1:1

Nerùgì nagaiya'lak. An Peterùt, Yesùt Karìsùt en nayoko hìlìk lakhani wagaike mene a'nogo nen, wene yì helal waganogo hit ninopase Ala nen, hinebe alebat wenakhinapìke mene, yogotak ya elama hesik o yì awi tì awi pùgùlogo lìlìk, o propinsi Potut mel, Kalatìa mel, Kapatokia mel, Asia mel, Pitìnìa mel, apùnì ina'lakwe lopok welagesep mene a'nogo, hinoba lakhei wagì o. Hinebe Ala nenat a'la akalùk wenakhinapìkesik, Yesùt Karìsùt ane hologo hagatì logouagalùk awe a'ma hikìgìk, amep oba hothinapìk, igìlùk he, “An nokawerek nagainapùrì asuageip ìlùk wokhinapì o,” ìlùk at Areagùn nen wokhinapìke atì. Ala oabùt hano a'nogo nen hano mene wokhisìgìk, hinetaùken hobugalep hapuguthinapìk, hùkorogo ìkì logouak o.

2 PETERÙT 3:2

Wene atì, it ap hageat Ala nen inayoko hesikomo at ane yogoisìkì lagaukwa mene nen isukwaat. Nen, ninoe Etagepogot ninebe telninapùkwe a'nogo nen wene ninasuk wasike mene, nit ninayoko hìlìk hinoba lakhina wagaikomo yogohisasuguat.

2 PETERÙT 3:14

Nerùgì nagaiya'lak. Hinebe netawì e. Atì'nogo wesigin ìlùk, serogo logolìk he, ùkùm hinoba hakìgì'legat, weak agì'legat, Ala hinom hano were'ma at ebe hisa Wesuak en, at hesik akiluk hogo hagatì logoino.