2 PETERÙT 3:10 - Ala Ane Wene Ket Mene Warogo Wo'ninapike Wene

¹⁰ Atì'nogo werek meneat he, apùnì wonogat werek kolek yì mene tì mene yogot wani kagarek atì hak, ninoe Etagepogot wesigin atì, atì'nogoat wesigin o. Atì like, pogot ebe omake hesigat sogoi ane hake ìlìk ìlìk lek agìk, yì mene tì mene pogot oba welagarek mene ero inomat etu nìkìk, kweang ebe mel, yì mene tì mene kweangma welagarek mel, obogat lek agìk, ìgìn o.

2 PETERÙT 3:10 ပူးပေါင်းရင်းမြစ်များ

ABÌKAKAN 21:1

Atì'nogo hìgìrìk oba nen, opolik he, Ala nen pogot mel, kweang mel, alep mene legethìgìk, i laut yekelek legethìgìk, ikesik, obùlù'mo re, pogot mel, kweang mel, ket mene hagarogo hikomo were'ma hìgì.

MATÌÙT 24:35

Pogot mel, kweang mel, atì lek asigin meneat he, an nane atì lek asigin motok lek o,” ìlùk yogoisasike.

2 PETERÙT 3:7

Mene re, pogot atì mel, kweang atì mel hobuk etu ba weagatheigìlùk Ala ane atì baat elama hesik hesogo logopik he, apùnì Ala ebe inabìt logolìk inoabùt weak hagarì'lùgì mene atì, ùkùm inoba hìlìk weagarinapìk, kweang pogot weagathìgìk, omake likeat hagasigìlùk eram enat eki hesogo werek o.

ABÌKAKAN 16:15

Atì'nogo lagaikasi'mo nen, at Yesùt en mel yogonete: “Hasuk holin o. Apùnì yogot wanuogolùk hinagasogo wagaikarek atì hak, an atì'nogoat wesigin o. Atì'nogo waganem, apùnì inalulukwa were'ma inekalì agarek atì hak, hit atì'nogoat hinekalì asinogo ìlùk hinasu hepok ìkùogolùk tegelogo hìlìk logogun halok he, Ala nen hanothinapenem hina'la hai hakogoin o,” ìlùk yogonetenem holhì.

MAREKÙT 13:31

Pogot mel, kweang mel, atì lek asigin meneat he, an nane atì lek asigin motok lek o,” ìlùk yogoisasike.

ABÌKAKAN 3:3

Hit atì'nogo siak hogo melarìk hinomamo agì'lek halok he, apùnì yogot wanuogolùk hinagasogo wagaikarek atì hak, an atì'nogoat, hit en, At tì sat wesigin, ìlùk hinokotma wesinogo nen he, wene emakum yakùlhisasukwama hinasuk holhigip mane hina'la ebethìlìk he, weak hagatì lagep mene hukalogo heraksìlìk hinoabùt hebelarìk, wene atìat hineki ning hogo hesogo logoino o.

LUKAT 12:39

“Wene yì hina'la eberek logoino. Ap awì esewerek mene aike a'la akìkì logolìk, O yogotak hùako re, jam tì ba an naua yoma ap aike yogot wanigìlùk kì wesigin, ìlùk elu logolìk aua kagalek logoilepma re, o pin talogo yogot wani kilep lek.

ABÌKAKAN 20:11

Atì'nogo hìgìrìk oba nen, opolik he, Ala kain welagarek obùlùk hùko kut mene were'ma, at ebe atoma welaga hìgì. Atì'nogo were'ma pogot, kweang, obogat, at agaserogo lek arì'mo nogo nen he, hobuk ineileken hasak legat aga laga hìgì.

1 KORÌTÙT 5:5

Ap atì etaùken ninoe Etagepogot wesigin atì like waga logolìk teluak en he, yogotak ebe Ibilit en weagathouagalùk, at Ibilit at wogo'no.

ÙRÙM 8:20

Pogot kweang yì mene tì mene obogat abusak alemarogo logoigìlùk akìlìk en, alema'lagaikesik welagarek hùk. At Ala nen he, “Hobuk hanotheik en he, elama hesik atì'nogo logouak,” ìlùk a'la akasike ba werek o.

YURAT 1:6

Nen, at Ala nen it malaikat yoko pelaksa wagarek mene hagasusak mene sùpùrogo wogisasike meneat he, it aike nen inagaiya'lak hagasusak mene inaphane haga'lùk he, inokawerek inaua heraksasukwama, Ala nen hele motok logogin mene ba ineki hele warogo o motok mùmmo kweang abel makwe hisasikomo werek atì. Atì'nogo motok logopik en, hobuk apùnì ùkùm hùkorogo inoba hegein atì like, it inomat inoba heigìlùk he, ineki hele hikalinabigin atì hina'la ebe'ni.

1 KORÌTÙT 1:8

Hobuk warep oba ninoe Etagepogot Yesùt Karìsùt wesigin atì like, hit weak were'ma hisa wesinogo ìlùk, at Karìsùt enat hinetaùken wurigethinapi logogin o.

1 TESALONIKA 5:4

Mene re, nerùgì nagaiya'lak. Hit o mùmmo logoilepma re, apùnì wonogat were'ma yogot wanuogolùk waganem ina'maken lagarek hak, atì like hit wonogat were'ma hina'maken lelep atì. Mene re, hit o mùmmo welagep lek atì nen, hina'maken lasak lek.

2 PETERÙT 3:11

Yì mene tì mene obogat atì'nogo lek asigin atì nen, hit hinoabùt nìkì'nogo hagatì logousak akegep. Ala nen hagasigin atì like pogot etu houmo re, amulok en heleleng hogo nìkìk, yì mene tì mene ero inom tamuk-tamak hogo nìkìk, igin atì nen, weak hagatì'lek tegelek logolìk, hinebe Ala hesik hisìlìk, at ebe serogo logolìk, ebe hepok wesuagalùk akiluk hogo hagatì logoino o.

ABÌKAKAN 6:14

pogot atì, helal waganek mene ìkìlogo hagarek atì hak, ìkìlogo lek agìk, tom ùkùl mel, i ekenkwe mel, welagarek obakwe lopok en welekkwe lakhìgìk, ikenem lakhìgì o.