2 PETERÙT 2:2 - Ala Ane Wene Ket Mene Warogo Wo'ninapike Wene

² Atì'nogo meneat he, it en inetaùken nen nikenem inekalì legat yì weak tì weak hagatenem, apùnì logolegat en it inoabùt waganogo hagatì logogun atì ba, it apùnì aike nen, Yesùt opolik lagaikarek wene, ebe wene atì, abok weak ugun o.

2 PETERÙT 2:2 ပူးပေါင်းရင်းမြစ်များ

ÙRÙM 2:24

Hit hagatì lagep atì hesik, Ala ane helal yì'nogo waganek werek: “Hit hinoabùt atì'nogo hagasugun oba it apùnì etakwe mene nen, Ala etage ìkì logolìk, abok weak ìkì logogun o,” ìlùk isikomo wene helal waganogo hesukwa hagat hagatì lagep o.

YURAT 1:10

Atì'nogo meneat he, it apùnì atì yì wene tì wene inokot logolìgat he, abok weak palì'lùgì atì. Atì'nogo palhì logolìk, wam etaùken lek mene nen hagaterek atì hak, inabusak inelu arìk hagarì'lùgì atì ba inoabùt oba inebe weagathakìlì'lùgì atì.

ABÌKAKAN 13:14

Atì'nogo aike hagatì laga atì, at yeke lo yeke hake hùko alep mene a'nogo nen, elalin mene at eilhanem hagatì logouagalùk esewerek hike mene a'nogo ebe hagatì logolìk, apùnì kweangma welagaikarek mene apeliak lalinapì laga. Atì'nogo lalinapì logolìk, it apùnì amanogo nen, yeke lo yeke hake hùko karok oba wasukwama ebe wa'lasusak mene apotkwe se agaike mene a'nogo ebe hake hagarogo sukwan aike wusuagalùk yogoisikomo ebe wùta lakhìgì.

YURAT 1:15

Pi wìrìk he, apùnì obogat ùkùm inoba hìgìk, kotìk, ìkì logolìk he, it apùnì Ala ebe inabìt mene hùgì inebe obogat ùkùm inoba hegein o. It Ala ebe inabìt logolìk, yì weak tì weak hagarì'lùgì mene lopok ùkùm inoba hìgìk, Ala inabìt en weak hagatì logolìk inane pùk weak at abok weak palì'lùgì mene atì inebe lopok ùkùm inoba hìgìk, igin o,” ìlùk isike.

2 PETERÙT 2:15

It atì re, kwe higit hogo lagaikarekkwe atì heraksalùk he, hageat at Pileam Peot aput kwe kwanìrogo lagaike atìkwe laga logogun atì. At Pileam a'la nen he, “An weak hagatenem oko wo'nesuak,” ìlùk a'la walok akasikomo,

1 PETERÙT 2:12

It apùnì etakwe mene Ala inokot mene hinom logolìk, it en he, hit weak hagatì lagep mene salek, “It weak hagarì'lùgì o,” ìlùk hinabok weak ìkì logolìgat he, hit hinoabùt hano hagatenem ineileken hisìkì logopik he, apùnì nen at Ala ebe hobuk waganem hogorasuagalùk hit hinoabùt higit hogo hagatì logoino o.

TITUT 2:8

Atì'nogo yakùlisikenem, it aike wene atì inabìt mene nen, “It weak hagata,” ìlùk, wene nit ninoba le'maat ikenem, inekalì asuagalùk, ebe weneat hano'ninaperek wene, weak usak lek mene a'nogo, yakùlisìkì logoino.

LAKSASIKE 24:14

Mene re, wene eberogoat hagatì lagì mene ebe yì pak hogo yogohesik. It en he, Apùnì Yesùt opolik lìlì'lùgì atì weak, ìlùk egarek. Meneat he, an enek he, it en, weak egarek mene atì ane hologo, Ala nit ninopalak awe a'ma kìlìk welagaukwa mene atìat hogoratì lagì atì nek he, eberogoat hagatì lagìat o. Hogoratì logolìk, wene Ala nen ninasuk wasike wene atì mel, ap at ane yogoisìkì lagaukwa mene inane mel, obogat helal waganogo hesukwa mene werek atì, eberogoat ìlùk hesogo welagì.

LAKSASIKE 16:17

Nit Paùlùt ninom laganem, at helekerek atì ninopoligat lagaike. Laga logolìk he, ane hùkorogoat apùnì mel yogoisasike: “It ap yì inebe Ala Etagepogot atitigeke welagaikarek mene nen wene hinebe telhinabusak wene yogohisùogolùk wagaika o,” ìlùk yogoisasike.

2 PETERÙT 2:21

It atì ebe wene higit hogo musok lagaikarek atì inelu agì'lek logoilepma re, hano negen logoilep. Meneat he, inelu arìk en, wene Ala nen ninasuk wasike wene atì heraksalùk he, kwanìrogo lagaikarek atì nen, motok weak asugun o.

1 TIMOTÌÙT 5:14

Halok he, it hìmì soge aike Ibilit opolik kwanìrogo wo'laka lagaika atì nen, it aike nit Ala againapùrì ninom weim palek hake mene nen ninabok weak palinogo ìlùk, it hìmì soge tùgùm mene atì, inagonì lopok woginabìk he, ineagwi tagasogo hanorogo tegelogo hagisek logouagalùk ìgì atì.

LAKSASIKE 19:9

Logolìk, atì'nogo yogoisìkì lagaike meneat he, it atì o'moko inetaùken ning ìlìk, wene atì ina'la meathìlìk he, apùnì aike logolek ineilhanemat, Yesùt opolik lagaikarek wene atì abok weak palhukwa. Abok weak palhukwama, at Paùlùt, it herakhisalùk, it o'moko Yesùt ane wanhukwa mene nek wogisek wùlìpike. Wogisek wùlìbìk he, o hùko wùrì'mo ap Tiranùt en yì wene tì wene yakhlisìkì lagaike ba atì kìlìk, ninhùp-nanhùp eki aike kamo ìgì'lek wene at en yogoisìgìk, it en oko yogotìk, ìkì lagaike.

LAKSASIKE 18:26

Yesùt ane wanhikesik he, o it apùnì Yahuri mene sapan ìkì lagaukwa ba kìlìk, ayù'lek logolìk, wene pak hogo yogoisìkì lagaike. Yogoisikenem he, it he Perisikila agùn Akwila eperak inasuk holhukwasik, ebe wolok inaua lìlìk he, Ala nen at opolik laga logouagalùk a'la akikerek wene atì tùkùm hogo yakùletì lagaukwa.

LAKSASIKE 14:2

Wanhukwama, it apùnì Yahuri mene he'na nen, wene atì inasuk holìk, eberogoat ìlùk ina'la akìgì'lek mene nen he, it apùnì etakwe mene Ala againapùrì inabìt asuagalùk ina'la kagalhì lagaukwa.

LAKSASIKE 13:10

mel yogosike: “Hat hebe Ibilit aput o. Apùnì lalinapìk, nongorinapìk, iko motok logolìk, yì mene tì mene higit hagasuogolùk ikenem he, hat en legetsagalùk hagato motok welagen yì rì! Ninoe Etagepogot en, apùnì telninabigìlùk kwe higit hogo yakhinasike mene, hat en kamo ìgì'lek kolotheigìlùk iko motok welagen atì nahalok.

YOHANET 14:6

at Yesùt en he, mel yogosike: “Kwe mel, ebe wene mel, inelugurinapìrek mel, atì an nebeat o. At sa nen an noba wagì'lek halok, nopase were'ma pìkìt kusak motok mea o,” ìlùk yogosikesik,

MAREKÙT 13:22

It apùnì aike inapeliagat ìkì logolìk he, Karìsùt a'nogo nebe anat o, ìgìk, nen, it aike nen, Ala ane yogohisìgìrek mene anat o, ìgìk, i wesugun o. Wìrìk he, Apùnì Ala nen wenaginapike mene amanogo lalinabusak he a? Lek he a, ìlùk lalinabuogolùk he, inane eberogoat akoagalùk hagasusak lek mene elalin mene hagarìk wesugun o.

MAREKÙT 12:14

Laksa wagaukwama, wagaukwasik he mel yogosukwa: “Noe. Hat hoabùt he, wene eberogoat enek ìkì logolìk, apùnì inelokoken oba nek isìlìk, aike helokoma hisìgìk, aike hapotma hisìgìk egetek lek. We, inebe hayùk legat logolìk he, Ala a'la nen, Apùnì tì'nogo hagatì logouak, ìlùk akikerek mene eberogoat enek yakùlnisìkì lagen atì nit ninelu o. Halok he, nit Yahuri mene hagatorek higit hogo, uang pemerintah hesik, kain etagepogot Kaisat wogosusak elok a? Mea a. Wogotì logouok a? Kamo ìkì logouok a,” ìlùk hinok wanhukwama,

MATÌÙT 22:16

Abok palhì lagaukwasik he, ap it inagoromì inane wanhì lagaukwa mene mel, it ap Herotet werekwe mene mel, Yesùt oba wene hinok wanuagalùk laksa wagaukwama it atì wagaukwasik he, mel yogosukwa: “Yesùt noe. Hat hoabùt he, wene eberogoat enek ìkì logolìk, Ala a'la nen, Apùnì tì'nogo hagatì logouak, ìlùk akikerek mene eberogoat yakùlnisìkì lagen atì nit ninelu o. Apùnì inebe hayù'legat logolìk inelokoken oba nek isìlìk he, aike helokoma hisìgìk, aike hapotma hisìgìk, egetek lek hììkì lago.

MATÌÙT 7:14

Kwe hanoma lagaikarekkwe atì re, ape palek atì hamùlùgat. Nen, ebe lagaikarek atì motok kìlìk-keloksek nogo nen he, apùnì apik ki lasak lek en he, inebe hamùlùgat enek kìlì'lùgì,” ìlùk yogoisasike.

ABÌKAKAN 13:8

At Ala nen he, pogot kweang oan elalhì'lek logolìk, “It atem ineluk motok logouagalùk hagarinabigin,” ìlùk, inetage helal waganogo at Atopa Eak, it hesik wasukwa mene a'nogo arùesika ba hesike. It inetage atì'nogo helal waganogo hesike mene hùgì, yeke lo yeke hake hùko a'nogo hogoratì'lek werek kolek, apùnì kweangma welagaikarek mene aike obogat inetaùken yeke lo yeke hake hùko a'nogo ba hìpìrethìlìk hogoratì lagaika isìgì.

2 PETERÙT 2:12

It ap Ala ane yogoisagarek mene salek inapeliagat yogoisìkì logogun mene atì re, wam etaùken lek mene ebe hakhìlìk wasuagalùgat ebe ta'lagarek atì hak, it ap atì nen wene hùthìgì'lek logolìk inabok weak palhì logogun atì ba, inokawerek inebe wam watarek atì hagat Ala nen inoasigin atì.

LAKSASIKE 22:4

Hagatì logolìk he, apùnì Yesùt ane wanhukwasik opolik yì'nogo laga lagaukwa mene hùgì inoasigìlùk mùgisek laga logolìk aike inoasigiat. It aike hìmì lek, ap lek, ineki hele warogo wogisek, o ineki hele warek hisagarek oba hìikì lagagiat.

2 PETERÙT 2:7

Atì'nogo inoatì logolìk, at Lot enek he, oabùt higit Ala walok mene hagatenem, it apùnì atoma mene inekalì lek weak hagatì lagaukwa ba re, at a'la kolo ago motok were'ma Ala nen telhike atì.

2 PETERÙT 2:18

Apùnì aike inerùgì inagaiya'lak koloat hagato kolek he, heraksalùk wùlìbi wesuogolùk ikenem, inetaùken nen nikenem hobuk weak hagasuagalùk, it ap atì inokawerek hogorakìkì logolìk we tùlemat inapeliagat ina'la kagalhì logogun.

YURAT 1:7

It hagasukwa higit hogoat he, it apùnì o Sorom mene mel, Komora mene mel, o sili inera'lukwe mene inomat en, pailak haksìgìk, ap-ap, hìmì-hìmì hagasusak lek mene hagatìk, isukwa ba re, ùkùm he, etu niko motok welagare'ma motok logouagalùk, laksasikomo atoma werek, ìlùk, nit apùnì obogat hùthìkì logousak.