2 PETERÙT 2:19 - Ala Ane Wene Ket Mene Warogo Wo'ninapike Wene

¹⁹ Apùnì obogat he, yì mene tì mene omame arìk mabenetsikenem, omame asigin mene atì atitigeke welagaikarek atì nen he, it atì, inokawerek inebe weagarinaperek mene atì atitigeke logolìgat he, it apùnì aike yogoisìkì logolìk, “Hit nit ninoabùt wanugun halok he, hobuk hinalepma asugun o,” ìlùk we tùlemat yogoisìkì logogun atì.

2 PETERÙT 2:19 ပူးပေါင်းရင်းမြစ်များ

YOHANET 8:34

at en he, mel yogoisasike: “Apùnì weak hagaterek mane atì inebe lopok he, weak hagatarek atì atitigekeat, ìlùk eberogoat yogohisìgì o.

KALATIA 5:13

Nerùgì nagaiya'lak. Hit hinalepma logouagalùk Ala nen hinayoko hesikomo welagep. Atì'nogo meneat he, hina'la nen he, “An nalepma welagì,” ìlùk, apùnì inoabùt inesogat logolìk hagatarek mene inoabùt waganogo yùgùnat hagatì logogùp. At he, wene Ala nen ninasuk wasike wene a'nogo obogat lapuk hogo wene omakeat yì nek esin hake isike atì: “Hit hinokawerek hinebe hinetaùken hutik welagasep atì hak, it apùnì aike hinom welagasep mene hinetaùken hutik logoino o,” ìlùk isikomo helal waganogo hesukwa atì nen he, apùnì aike inebe hinetawìrogo logolìk hit-hit lebet-lebet ìkì logoino o.

1 PETERÙT 2:16

Atì'nogo logolìk, hit en he, “Nit weak mene awe a'ma were'ma, Ala nen hele hikalogo ninalepma hinasikomo welago,” ìlùk, weak aike hinagasogo hagatì logogùp. We, hinoabùt Ala atìtigeke logolìk hagasusak mene higit hogoat hagatì logoino o.

KALATIA 5:1

Nit Karìsùt en ninalepma hinasikomo yogotak ninalepma welago. Atì nen he, yì mene tì mene ekin weak mene it apùnì inatitigeke mene nen e pok hogo wolok loagalùk inomolo ba hagarek hak, ekin mene atì hobuk hinoba heinogo ìlùk, ning hogo metek logoino.

TITUT 3:3

It atì'nogo hagatì logousak atì re, nit alep ninetaùken lek ninoabùt kepù negen, ninasuk ware'legat, nong-hong hogo hagatì logolìk he, apùnì inogogì kaintek inawe a'ma welagaikarek hak, inoba aiyage lagagìk, ina'la nen yì mene tì mene walok akìgìk, egarek atì mene awe a'ma negen welagagu. Atì'nogo logolìk, it aike weagarinapìk, ua palhìk, it aike nit inapsìrì'ninapìk, nit en it ninapsìrìrinapìk, ìkì lagagu.

2 TIMOTÌÙT 2:26

Atì'nogo inasuk watenem, it inoabùt hebelarìk, at Ibilit a'la akikerek mene hagatì logouagalùk inebe paik hele nen hakikerek hak haksike meneat he, Ala nen hikalogo wulaksegeinat o.

2 PETERÙT 2:20

Apùnì re, kweangma weak hagatarek mene yoma heraksalùk, ninoe Etagepogot Yesùt Karìsùt telninapike mene ebe inelu arìgat he, hobuk inapotkwe weak hagatarek mene atì oba kikenem he, kìmalìn awì ba elugeke kikenem ìkìlogo hakhikerek atì hak, haksamo re, mabenat asugun atì. Maben arìk, emakum weak welagaukwa atì re, hamùlùgat hano negen. Mene re, hobuk weak asugun atì re, motok hùko negen weak arìk logogun o.

LAKSASIKE 19:16

ap mokareke oabùt weak mene a'la kìlìk welagaike mene a'nogo inoba pok harogo sagali lìlìk omame arìk he, it mabenetsasike. Mabenetsìkì logolìk, inasu lìbì'labak hogo tùgì mep wùlogo inoasike. Inoasikomo re, at aua nen inalulukwa palek hese wùlùpukwa.

2 PETERÙT 1:4

It apùnì kweangma yoma yì mene tì mene walok en, inetaùken nen nikenem inoabùt weak hagarìk weak akagarek mene atì heraksalùk hese wùlìbi wìrìk he, Ala oabùt wanuagalùk, hano mene wo'nisìlì'logo atì. At en elalinat hagatenem hogorato motok welagaikarek mene a'nogo nen he, “Yì mene tì mene oko ba wanusak mea. Hano motok hùko mene, wokhisegein werek o,” ìlùk abok yogonisasike atì, ebe wo'nisìlì'logo atì.