2 PETERÙT 2:12 - Ala Ane Wene Ket Mene Warogo Wo'ninapike Wene

¹² It ap Ala ane yogoisagarek mene salek inapeliagat yogoisìkì logogun mene atì re, wam etaùken lek mene ebe hakhìlìk wasuagalùgat ebe ta'lagarek atì hak, it ap atì nen wene hùthìgì'lek logolìk inabok weak palhì logogun atì ba, inokawerek inebe wam watarek atì hagat Ala nen inoasigin atì.

2 PETERÙT 2:12 ပူးပေါင်းရင်းမြစ်များ

YURAT 1:10

Atì'nogo meneat he, it apùnì atì yì wene tì wene inokot logolìgat he, abok weak palì'lùgì atì. Atì'nogo palhì logolìk, wam etaùken lek mene nen hagaterek atì hak, inabusak inelu arìk hagarì'lùgì atì ba inoabùt oba inebe weagathakìlì'lùgì atì.

2 PETERÙT 2:19

Apùnì obogat he, yì mene tì mene omame arìk mabenetsikenem, omame asigin mene atì atitigeke welagaikarek atì nen he, it atì, inokawerek inebe weagarinaperek mene atì atitigeke logolìgat he, it apùnì aike yogoisìkì logolìk, “Hit nit ninoabùt wanugun halok he, hobuk hinalepma asugun o,” ìlùk we tùlemat yogoisìkì logogun atì.

KALATIA 6:8

at sa nen oabùt esogat logolìk hagarì'logo halok, oabùt atì baat alema'lakegein atì. Mene re, at aike sa nen, Ala Areagùn eperak hutik logolìk, at mene hagarì'logo mene halok, Ala Areagùn atì nenat, eluk motok logouagalùk hanothegein atì.

2 PETERÙT 1:4

It apùnì kweangma yoma yì mene tì mene walok en, inetaùken nen nikenem inoabùt weak hagarìk weak akagarek mene atì heraksalùk hese wùlìbi wìrìk he, Ala oabùt wanuagalùk, hano mene wo'nisìlì'logo atì. At en elalinat hagatenem hogorato motok welagaikarek mene a'nogo nen he, “Yì mene tì mene oko ba wanusak mea. Hano motok hùko mene, wokhisegein werek o,” ìlùk abok yogonisasike atì, ebe wo'nisìlì'logo atì.

YOHANET 8:21

Atì'nogo kamo isukwama re, at Yesùt wene hobuk aike it amanogo mel yogoisasike: “An nebe hobuk legeinat o. Lìlìk atoma werek kolek, hit an hera'nabugun meneat he, o an legeinmo atoma hit lasak mea atì nen he, hit weak hagatì lagep mene ùkùm hinoba werek kolegat hinebe wa'lasugun o,” ìlùk yogoisasikomo,

KOLOSE 2:22

Wene atì, apùnì nenat, yì mene tì mene nikenem lek agarek mene hesigat, “Yì'nogo hagatì logouok,” ìlùk wene palek hagat inasuk watìk, yakùlisìgìk, ìlì'lùgì atì.