2 PETERÙT 1:6 - Ala Ane Wene Ket Mene Warogo Wo'ninapike Wene6 Ala ebe hinelu logolìk, atì mene oba louk hogo re, inetaùken sebeksek welagaikarek mene atì, ese a'no. Hinetaùken sebeksek logolìk he, atì mene oba louk hogo re, yì hesik tì hesik hagatì logolìk, inepe morogo welagaikarek atì mene, ese a'no. Hinepe morogo logolìk he, atì mene oba louk hogo re, Ala awe a'ma logolìk, at a'la walok akikerek higit hogo hagatarek mene atì, ese a'no. အခန်းကိုကြည့်ပါ။ |
2 PETERÙT 1:6
40 ပူးပေါင်းရင်းမြစ်များ
Atì'nogo holek werek kolek, higit hagatì logousak wene atì mel, inetaùken sebeksek logousak wene atì mel, hobuk Ala nen apùnì ninanema wanìk ùkùm ninoba hìgìk, kotìk, igin wene atì mel, yogoisikenem, Pelìkìt ayùk agaike. Ayùk arìk he. “Yagotak wene arat egen o. Hobuk usak higit aga halok he, wahesigin o,” ìlùk apotkwe lakhesike.
Ninopase Ala eilhanem sapan atì'nogo ìkì logolìk he, hit hinetaùken Ala oba hìpìrìk logolìk hinoabùt hagatì lagep mene mel, apùnì aike hinetawìrogo logolìk, hinomamerogo leberisìkì lagep mene mel, hina'la nen, “Ninoe Etagepogot Yesùt Karìsùt en hano haga'ninabigin,” ìlùk, hinepe morogo welagep mene mel, nit en hit hagatì lagep mene atì hesik hinoba lì'mathìgì'lek, eberek motok welago.
Wene atì, nit Ala awe a'ma logolìk eberogoat ìlùk akogorek wene hinago welagaike mene Ala nenat hukalogo weinamethesikomo, “Wene atì esin,” ìlùk pak hogo ìkì lago. Ati re: At Karìsùt ebe apùnìat weinam agaike o. At Ala Areagùn nen, “At Karìsùt atì eberogoat,” ìlùk sele'mathesike o. It malaikat Ala nen yoko pelaksa wagarek mene ineileken hasukwa o. Agoromì nen at hagatì lagaike wene a'nogo yì apùnì tì apùnì etakwe mene yogoisìlìk lagaukwa o. Apùnì o yì awì tì awì mene aike apigat en, “At ebe eberogoat,” ìlùk, inetaùken at oba hìpìrethesukwa o. Ala nen pogot oba hogorato motok welagaikare'ma lìakhesikomo welagarek o. Wene atì re, at Ala nenat weinamethesikomo pak hogo ìkì lago o.
It atì'nogo hagatarek meneat he, hat he, hebe Ala aput welagen atì nen, atì mene hagatì'lek heraksìlìk logoino. Atì'nogo logolìk, Ala a'la akikerek higit hogo hagatìk, awe a'ma kìlìk, at hesik hagatìk, hetaùken at oba hìpìrìk welagìk, apùnì hetawìrinapìk, hepe morogo welagìk, hoabùt enago welagìk, ìkì logoìgìlùk, atì meneat esinethìkì logoino.
Meneat he, ninagosalak ina'la nen ta'laga logolìk he, yì mene tì mene aike ninekim wolok wagorek lek atì hak, ninebe wa'laga logolìk he, yì mene tì mene aike wolok logoin legat atì nen, nineilmo Wùlalhak logou hak, nit Ala awe a'ma kìlìk logolìk nina'la nen he, “Elogat welago,” ìlùk, ninepe morogo logoumo, ebe mene sabùrogoin atì.
Titut naput e. An Paùlùt, Ala atitigeke logolìk, apùnì at en wenaginapike mene inetaùken at oba hìpìrethìlìk were'ma ago warisìgìk, nen, nit at awe a'ma logolìk ebe wene yakùlisìkì lago wene a'nogo tùkùm hogo inelu asuagalùk yakùlisìgìk, uagalùk Yesùt Karìsùt en nayoko hìlìk lakhani wagaike mene a'nogo nen, wene yì helal waganogo hoba lakhei wagì atì.
Ap inalùgetek mene atì, weak hagasuagalùk ina'la kagali waganem, tok wokhagarek hak wokhìgìk, inoabùt he, inoba haro welagìk, inetaùken uan welagìk, inetaùken wurik hogo Ala oba hìpìrethìlìk, apùnì aike inetawìrogo welagìk, yì hesik tì hesik inoba aik hìkì logolìk, inepe morogo welagìk, ìkì logouagalùk inasuk watì logoino.
It apùnì alep hagarìk wagaukwa mene inabok ìlìk wago atì, inebe esa logolek ninera'lukwe yìlìng-walìng ineileken la'nisek werek atì nen he, sa awewerek sa awewerek lùogolùk yì mene tì mene inoba ekin mene korogo hùlùk lagaikarek atì hak, nit ninoba ekin yìlùk-malùk welagarek mene atì mel, ninoabùt weak hagatorek mene ninoba te'meksek motok welagarek mene atì mel, obogat korogo heraksalùk, Ala nen, “Hùlì tì hùlì lano,” ìlùk yogonisasike atì, nina'la nen he, “Ninelokoma pìkìt hùlì atì baat lùok,” ìlùk, ninomamerogo laga logouok o.
Hit hinaberalì weak hagatì logousak he, ninabìt o. It apùnì alep inetaùken Ala oba hìpìrethìlìk inaberalì agì'lek, it en he, “Eberogoat wanugun,” ìlùk akìkì lagaukwa ba, Ala nen he, “Hit wokhisegein,” ìlùk abok yogoisasike mene ebe wanhukwa atì hak, hit atì'nogoat it inoabùt waganogo hagatì logoino o.
At Ala esok motogat logolìk, yì mene tì mene elalinat hagatenem hogorato motok welagaikarek mene a'nogo nen ninayoko hesike atì. Halok, nit en at ebe sekek hogo ninelu arìk, nit ninebe nineluk logolìk, at hesik higit hogo hagatì logouagalùk, at okawerek omame ba yì mene tì mene wo'nisasikomo ese agosik welago.
Yì mene tì mene obogat atì'nogo lek asigin atì nen, hit hinoabùt nìkì'nogo hagatì logousak akegep. Ala nen hagasigin atì like pogot etu houmo re, amulok en heleleng hogo nìkìk, yì mene tì mene ero inom tamuk-tamak hogo nìkìk, igin atì nen, weak hagatì'lek tegelek logolìk, hinebe Ala hesik hisìlìk, at ebe serogo logolìk, ebe hepok wesuagalùk akiluk hogo hagatì logoino o.
An hinerei hinagaiyak Yohanet ninom ninebe Yesùt againapùrì omakeat mene, yì aik tì aik haga'ninapo kolek, nina'la nen he, “Hobuk at Ala nen awe a'ma hinegein,” ìlùk ninepe morogo welagarek atì. Were'ma, Ala ane Yesùt en pak hogo yogoniaasike wene a'nogo an nen yogoisìlìk nìgìrek an nen, neki hele warogo i okenma o etage Patomot kelakhani wagaikama welagì o.
Hit en an hesik hinepe morogo hinomamerogoat hagatì logolìk, it aike weak hagatenem he, Inoba lopok, ìlùk, inasuk watì'lek heraksegesep lek. Nen, it aike Yesùt en laksa wagama negen hagarogo wìrìk ikenem, hit en he, Inapeliak ìlì'lùgì, ìlùk inoabùt enagat palhesebat. Hinoabùt atì'nogo hagatesep atì, an nelu o.
ကြော်ငြာတွေ