2 PETERÙT 1:4 - Ala Ane Wene Ket Mene Warogo Wo'ninapike Wene

⁴ It apùnì kweangma yoma yì mene tì mene walok en, inetaùken nen nikenem inoabùt weak hagarìk weak akagarek mene atì heraksalùk hese wùlìbi wìrìk he, Ala oabùt wanuagalùk, hano mene wo'nisìlì'logo atì. At en elalinat hagatenem hogorato motok welagaikarek mene a'nogo nen he, “Yì mene tì mene oko ba wanusak mea. Hano motok hùko mene, wokhisegein werek o,” ìlùk abok yogonisasike atì, ebe wo'nisìlì'logo atì.

2 PETERÙT 1:4 ပူးပေါင်းရင်းမြစ်များ

ÙRÙM 9:4

It apùnì Isirael mene ebe Isirael Ala nen wenaginapike mene atì nen he, at againapùrì asuagalùk woginapìk, at Ebe hogoratarek mene atì irat yakùlisìgìk, wene warogo irat woginapìk, wene ninasuk wasike wene a'nogo irat wogisìgìk, “An yì'nogo hogo'napì logoino,” ìlùk irat yakùlisìgìk, “Hobuk tì'nogo hagathinabigin,” ìlùk abok irat yogoisìgìk, isike atì.

2 KORÌTÙT 1:20

At Ala nen yì mene tì mene abok yogonisasike atì obogat he, “Ì o, wokhisegein,” ìlùk u hak, Yesùt ebe wo'nisasikomo werek atì nen, nit at ninom hutik logolìk Ala hogoratì logolìk he: “Ebe asuak,” ìlùk u hak, “Amin,” ìlùk ìkì lago atì.

2 KORÌTÙT 3:18

Ineileken inapùnak oba it apùnì aike inebe pìkìrat lagisagarek atì hak, nit obogat ninelokoken apumeke laberek le'ma re, apùnì nen ninoe Etagepogot hogoratarek mene atì apùnak negen ineileken la'nisìlì'lùgì. Nit ninebe at ninoe hake asuagalùk he, hobugalep haga'ninapo motok were'ma re, hogo'ninabusak negen aga lago. At Ala Areagùn atì ebe Etagepogot atma at enat haga'ninabì'logo.

2 KORÌTÙT 6:17

Ninopase Etagepogot a'nogo nenat, aike mel isike: “Hit hinebe it apùnì aike ina'lakwe, ina'lakwe, welagep atì heraksalùk he, nomok hogo wùlìi we'ni o. Wùlìbi waganem he, an nen wokhinabik en, weak mene atì hobuk hineki haka kùgùp o.

KALATIA 3:16

Wene atì hak he, at Ala nen Aberaham yogotì logolìk he, “Hat tì'nogo wokhetìk, nen, hat en tagokwe mene aike tì'nogo wogotik, ìgìn o,” ìlùk, abok yogosike atì. Inebe apigat hesik u hak he, “Hat en tagokwe mene aike tì'nogo wogisegein,” ìlùk, ìgì'lek. We, ap ebe omakeat mene hesik, “Hat en tagokwe mene aike tì'nogo wogosigin,” ìlùk, abok yogosike atì ebe re, Karìsùt mene hesik isike.

KALATIA 6:8

at sa nen oabùt esogat logolìk hagarì'logo halok, oabùt atì baat alema'lakegein atì. Mene re, at aike sa nen, Ala Areagùn eperak hutik logolìk, at mene hagarì'logo mene halok, Ala Areagùn atì nenat, eluk motok logouagalùk hanothegein atì.

EPESÙT 4:13

Atì'nogo hagatì logopik, ninetaùken at oba hìpìrìk logolìk he, ninebe omakeat mene hake haga'lagìk, Ala aput atì ebe tùkùm hogo ninelu agìk, at Karìsùt yì hesik tì hesik etaùken katok hogo wurik motok welagarek hak, nit ninetaùken atì'nogoat wurik agìk, ugun atì.

IBERANI 12:10

It en he, “Hano hagasusak mene yì hìgì,” ìlùk elama hesik we hamùlùgat inasuk watarek meneat he, ninopase Ala nek he, at weak hagatì'lek tegelek welagarek atì hak, nit ninom atì'nogoat tegelek logouagalùk ninasuk waterek.

IBERANI 9:15

Atì nen he, wene warogo alep wo'ninapike mene atì ba logolìk, nit ninasuk ware'lek weak hagatì lagagu atì ba ninebe hele warek hake welagagu. Atì'nogo were'ma, at Ala nen Karìsùt wa'lagaike atì ba hele hikalninapikesik he, nit at en wanisasike mene hùgì ninom hùnerìk, hano mene esok logogin mene wo'nisagalùk, wene ket mene warogo wo'ninabìk, Karìsùt ebe hùlìsanem menhesike.

YAKOBÙT 1:27

Ninopase Ala nen he, “Apùnì nen an na'la hanorogo higit hano motok hagatì logousak he, yìtogo. Yekerùgì suarek mene mel, hìmì soge mene mel, nong arìk were'ma leberisìgìk, apùnì kweangma weak hagarì'lùgì mene atì inoabùt wanhì'lek inokawerek en tegelìgìk, ìkì logousak o,” ìlùk a'la akikerek atì.

2 PETERÙT 1:1

Nerùgì nagaiya'lak. An Simon Peterùt Yesùt Karìsùt en, at atitigeke logouagalùk nayoko hìlìk lakhani wagaikomo wagagi. Ati re, at ebe Ala at logolìk, oabùt higit hogo nek hagaterek a'nogo nen, hit ninom higit hogoat ninetaùken at oba hìpìrethikenem telninabì'logo mene hùgì, wene yì helal waganogo hinoba lakhei wagì atì.

2 PETERÙT 3:13

Atì'nogo hagatì logolìk, nina'la nen he, “Ala nen wene wa'nisìkì logolìk, Pogot ket mene hagatìk, kweang ket mene hagatìk, hagasiginmo atoma kìlìk higit hogo nek hagatì logogun,” ìlùk, wene wa'nisasike a'nogo serogo welago.

2 PETERÙT 3:9

It apùnì aike nen he, “Ninoe Etagepogot en wene wa'nisasike wene a'nogo, ebe wagì'lek aregenma werek,” ìlùk akìlì'lùgì atì re, aregenma werek hùk. Hit hinebe etawì nen, at a'la nen he, “It aike nong asinogo,” ìlùk apùnì obogat inoabùt weak hagarì'lùgì mene heraksìlìk inoabùt hebelasuagalùk, eram enat a'la akìlìk aregenma werek atì.

1 YOHANET 2:25

Nen, at okawerek en, “Wokhisegein,” ìlùk abok yogonisasike a'nogo re, ninebe nabùlal-habùlal haga'ninabigìluk isike o.

1 YOHANET 3:2

Nerùgì nagaiya'lak, netawìlak e. Yogotak nit ninebe Ala againapùrì welago meneat he, hobuk ninebe logogun mene weinamethìgì'lek oan hinago werek o. Atì'nogo meneat he, nit ninelu re, Yesùt ebe yogotak werek mene nineileken tùkùm hogo hogoin atì nen, at wesigin atì like ebe waganem, nit ninebe at ebe werek atì hak haga'lasugun o.