2 PETERÙT 1:20 - Ala Ane Wene Ket Mene Warogo Wo'ninapike Wene

^20-21 Wene Ala ane atì re, it apùnì ina'la kagalogo aike isukwa lek o. We, inebe apùnì meneat he, Ala Areagùn nen ina'la kagalogo yakùlisiko kolek, Ala nen isike wene atì yogoisìkì lagaukwa atì nen, wene Ala ane helal waganogo hesukwa mene werek atì, Ala Areagùn nen nina'la kagalhì'le'ma, ninokawerek ninaligat en sekek hogo hùthasak mea o.

2 PETERÙT 1:20 ပူးပေါင်းရင်းမြစ်များ

ÙRÙM 12:6

At Ala oabùt hano nen, nit obogat ninoabùt lopok wo'nisasike atì nen he, at en wo'nisasike higit hogoat hagatì logousak o. It aike nen Ala ane yogoisìkì logouagalùk inoabùt wogisasike mene re, inetaùken at oba hìpìrethìlìk welagaikarek higit hogoat yogoisìkì logousak.

ÙRÙM 13:11

Atì'nogo hagatì logousak atì nenahalok en. Atì re, nit emakum ninetaùken Ala ba hìpìrethesugu atem sat he, o hano'ninabigin like walegat welagaike. Mene re, yogotak he, horogat asi wìrì'logo atì nen he, hit nogo ìkì lagep atì, hineluk asusak higit aga atì, hùthìkì lagep o.

ÙRÙM 6:6

Nit ninoabùt ninesogat logolìk weak hagatì lagagu mene atì mabenetsoagalùk he, Yesùt e ba menhìlìk ninomat ninoasukwa atì nen, nit ninoabùt alep mene atì atitigeke logousak lek o, ìlùk ninelu.

1 TIMOTÌÙT 1:9

Eberogoat he, wene Ala nen ninasuk wasike wene atì, apùnì higit hogo hagatarek mene hesik isike hùk. We, apùnì inasuk ware'lek holùhùk hagatarek mene mel, Ala inabìt logolìk weak hagatarek mene mel, inebe Ala hesik hisìgì'lek Ala ane sagalogo hagatarek mene mel, inopase inagosalak inebe motok inoatarek mene mel, apùnì aike yùgùnat inebe motok inoatarek mene mel,

2 TIMOTÌÙT 3:16

Ala ane helal waganek atì obogat he, at enat ina'la kagalhìkomo, helal waganogo hesukwa mene atì ba, apùnì aike wene ebe wene yakùlisìgìk, kolo hagatenem inasuk watìk, inoabùt hebelhik, Ala a'la walok akikerek mene higit hogo hagatì logouagalùk inasuk watìk, ìkì logousagat o.

YAKOBÙT 1:3

Atì'nogo hinoba hikenem, Ala nen he, “Inetaùken an noba hìpìrìk werek a? Lek a,” ìlùk, hinoabùt palì'logo atì ba hinetaùken hapuk hogo logousak mene hagathinabì'logo atì hinelu o.

2 PETERÙT 3:3

Wene ebe yì tak hùthasak. O wùrep oba re, apùnì aike inane sagan weak mene inetaùken nen nikenem ina'la nen kagalogo weak hagatì logolìk, hinoba wìrìk, inane sagan wokhisìkì logolìk he,