2 KORÌTÙT 8:3 - Ala Ane Wene Ket Mene Warogo Wo'ninapike Wene

³ Wogisasak higit hogo wogisìkì logolìk aike inom oba louk hogo wogisìlì'lùgì. An inoabùt nelu. Neileken isìgìrìk en yogohisìkì lagì o. It apùnì aike nen ina'la kagalhì'le'ma, inokawerek ina'la nen kagalogo,

2 KORÌTÙT 8:3 ပူးပေါင်းရင်းမြစ်များ

PILEMON 1:14

hat en, “Ì o, hano. Heperak logoino,” ìlùk yogonetì'le'ma, an nen nabusak wene aike usak mea o. We, an na'la walok he, hat at ebe esewerek mene hetaùken nenat inogolùk, lakhei wagì atì o. Mene re, hat ha'la nen, “Nabìt,” akiko kolegat, an nen nane ning hogo yogohesusak he, nabìt o.

1 KORÌTÙT 16:2

An nebe waganem en atogosusak lek o. We, ya baat hari Minggu ba ninhùp-nanhùp ìkì logolìk, hinebe lopok hinekim aga halok, atogorogo hisìlìk hesogo logoino o.

LAKSASIKE 11:29

Atì sùpùrùk no ebe oan haga'lagì'lek werek kolek he, it apùnì Yesùt ane wanhukwa mene amanogo nen he, “Halok he, nit ninebe lopok uang ninekimo aga mene higit hogo ninerùgì ninagaiya'lak o propinsi Yurea atoma atogotarek mene leberisùok en atogorogo lakhouok o,” ìlùk wene palhukwasik uang atogosukwa.

1 KORÌTÙT 9:17

An atì'nogo yogoisìlìk nìkì lagì atì, an na'la nen kagalogo yogoisìlìk nìkì logoilema re, neki oko wo'netenem, wanhì logoile o. Mene re, an na'la nen kagalhì'lek were'ma, Ala nen nayoko hìlìk esewerek hanhike atì nen oko lek yogoisìlìk nìgìrek atì.

1 PETERÙT 5:2

Ala nen he, “An nagainapùrì wam topa wam hake tì'nogo serisek logoino,” ìlùk hinayoko hesike hagat serisek logoino. Serisek logolìk, hinokawerek hinabìt werek kolegat, apùnì aike nen, inane keirogo yogohisikenem serisek welagìk, nen, hina'la nen, “Oko aike wo'nisoak,” ìlùk akìkì logolìk serisek welagìk, ìkì logogùp o. At he, we, hina'la hairogo serisek logoino o.

1 PETERÙT 4:11

Atì'nogo ìkì logolìk, Yesùt Karìsùt hinom hutik logolìk hagatenem, it apùnì aike nen Ala hogoratì logouagalùk, hit aike nen wene yogoisìkì logolìk, Ala aneat yogoisìgìk, hit aike nen it aike leberisìkì logolìk, Ala omame wo'nisikerek atì baat leberisìgìk, ìkì logoino o. Atì'nogo hagatì logolìk, Yesùt omame apik esok motok welagarek a'nogo hogorato motok logouok ìlùk, “Amin,” ìgì atì.

1 TESALONIKA 2:8

Nit en hit hinebe ninetawìrogo welago atì nen, Ala ane atì nek sùpùthisasugu hùk. Lek o. We, hinebe ninetawì motok en, nina'la hai hakìkì logolìk, ninebe inomat wokhisasugu atì.

KOLOSE 4:13

Ati'nogo ìkì logolìk, hit hesik mel, apùnì o Laolikia mene hesik mel, Hierapolìt mene hesik mel, omamerogo hagarì'logo ìlùk, an nen oabùt palhìrìk en yogohisìgì atì.

ÙRÙM 10:2

It en he, Ala hesik inomamerogo hagarì'lùgì meneat he, inoabùt he, nelu. Eberogoat hagasusak mene inelu logolìk hagarì'lùgì hùk.

KALATIA 4:15

Hit alebat hinoabùt akiluk hogo hagatì lagagip a'nogo, yogotak hinoabùt nìkì'nogo haga'lagasip welagep. Ineileken hemelogo wogisagarek logoilepma re, hit hinoabùt he, hineileken hemelogo wo'ne'lebat ìlùk, hinabok pak hogoat usak welagì.

MAREKÙT 14:8

At en an haga'nabu hagat elok haga'nape o. Apùnì warek oba amusu warisagarek atì hak, an hobuk noatenem nebe wa'lasumo warek salnabuogolùk noba wathanu hagat arat wathani waga a.