2 KORÌTÙT 7:9 - Ala Ane Wene Ket Mene Warogo Wo'ninapike Wene

⁹ yogotak na'la hai hakìkì lagì o. Hit hina'la weak aga atì nen na'la hai hakìkì lagì hùk. We, hit hina'la weak aga atì ba, hit weak hagasigip mene heraksìlìk hinoabùt hebelhep atì nen, na'la hai hakìgì o. Hit hina'la weak agep atì, at Ala a'la walok akike baat weak aga. Halok, nit en lalhinapo usak lek o.

2 KORÌTÙT 7:9 ပူးပေါင်းရင်းမြစ်များ

LUKAT 15:7

Atì hak, apùnì inebe 99 mene atì nen he, An weak aike hagatìrìk nogo nen he, noabùt hebelasigin nogo? Lek o, ìlùk, inoabùt hebelasusak lek en he, it pogot oba welagaikarek mene atì ina'la hai hakogoin lek o. Meneat he, it apùnì weak hagatarek mene omakeat aike nen oabùt hebelhe halok, it pogot oba welagaikarek mene atì ina'la hai apik hakogoin o, ìlùk yogohisìgì,” ìlùk yogoisasike.

LAKSASIKE 20:21

An nen apùnì Yahuri mene mel, Yunani mene mel, hinasuk watì logolìk he, Weak hagatì lagep mene heraksìlìk, hinoabùt hebelarìk he, hinelokwe Ala wogo'ni o. Wogorìk he, hinetaùken ninoe Etagepogot Yesùt oba hìpìrethìlìk logouageip ìlùk yogohisìkì lagì atì.

2 KORÌTÙT 1:12

Nit hogorakìkì lago atì, ebe yì'nogo nen. Nit it apùnì kweangma mene aike ina'lakwe ina'lakwe logolìk, it hesik hagatì lago re, hamùlùgat negen. Mene re, hit hesik enek he, esin hogo hagatì lago. Atì re, apùnì kweangma mene ina'la kagalek mene hagatarek hak hagatì'lek. We, at Ala oabùt hano a'nogo nen, ninetaùken hano omakeat logolìk hagatì logouagalùk ninoabùt wo'nisasikomo hagatorek mene atì nina'la ebetì logolìk, “Nit hano hagatì lagoma,” ìlùk hogorakìkì lago atì.

LUKAT 15:10

Atì hak, apùnì weak hagatarek mene omakeat aike oabùt hebelhe halok he, it malaikat Ala nen yoko laksa wagarek mene amanogo ina'la hai apik hakogoin o, ìlùk eberogoat yogohisìgì,” ìlùk yogoisasike.

LUKAT 15:32

Meneat he, hat hagot yì re, wa'laga akogo mene re, eluk a'lùk waga o. Nalaga mene herakogo o, atì nen he, nina'la hai hakìkì logolìk hagasusak meneat hagatì lago, ìlùk yogosike,” ìlùk Yesùt en yogoisasike.

MATÌÙT 3:8

Halok he, hina'la ebethìlìk, weak hagatì lagep mene heraksìlìk, hinepe hebelarìk hagasusak meneat higit hogo hagatì logoino o.

2 KORÌTÙT 7:8

Atì'nogo na'la hai hakìgì meneat he, an nen sùesika alep helal waganogo hinoba lakhei wagagi a'naga nen, “Ina'la weagarinapigi atì, kamo u mene napik en lakhesigi e,” ìlùk na'la ebetì lagì lek. We, “Napik en omake hesik ina'la weagarinapì,” ìlùk na'la akìkì lagarìgat he,