2 KORÌTÙT 7:4 - Ala Ane Wene Ket Mene Warogo Wo'ninapike Wene

⁴ An na'la nen, hit hano hagasugun, ìlùk netaùken hapuk hogo logolìk agaugethinapo motok welagìrek o. Atì'nogo logolìk, it apùnì aike nen weaga'ninabuogolùk yì aik tì aik haga'ninapo kolegat, an na'la motok hano agìk, hùkoat hai hakìgìk, ìkì lagì o.

2 KORÌTÙT 7:4 ပူးပေါင်းရင်းမြစ်များ

2 KORÌTÙT 1:4

Apùnì aike yì aik tì aik hìkì logolik ina'la kolo were'ma, nit en it ina'la hano asuagalùk inetaùken sebeluagalùk he, at Ala nen nit atì'nogo yì aik tì aik hìkì logolik nina'la kolo aganem, ninetaùken sebelì'logo.

2 KORÌTÙT 3:12

Hobuk atì'nogo hano asigin ìlùk, nina'la hai hakìkì logolìk he, wene ninayùk motok legat yogoisìkì lago o.

YAKOBÙT 1:2

Nerùgì nagaiya'lak. At Ibilit en hina'la kagalìgìlùk yì ùkùm tì ùkùm hinoba hikenem hina'la hai hakìkì logoino o.

KOLOSE 1:24

An yogotak ya re, at Karìsùt en he, “Ala againapùrì obogat an nebeat o,” ìlùk nit hesik yì aik tì aik hìlìk hìlìk wa'lagaike atì, aike hìgì'lek mene obùlù'mo, an nebe hit hesik yì aik tì aik haga'nabì'lùgì atì nen na'la hai hakìkì lagì.

PILIPI 2:17

Mene re, apùnì nen wam topa wam Ala hisìlìk, warogo lolesuogolùk, opoloba eken amusu pelaparek hak, hit hinetaùken Ala oba hìpìrethìlìk wogotenem, opoloba apùnì nen an nebe warogo namep pelapa halok, an na'la hai hakikenem hit obogat hina'la hai hakasagat o.

1 KORÌTÙT 1:4

Ala oabùt hano nen, Karìsùt Yesùt alisik hogo, hano mene wokhisikerek atì nen, ninhùp-nanhùp hai wato motok welagìrek o.

1 TESALONIKA 2:19

Nit en he, “Hano asigin,” ìlùk nina'la hai hakìkì lago atì re, sanìlak hesik nogo. Ninoe Etagepogot Yesùt ebe wìrìk, “Hano hagatep,” ìlùk, at eilhanem enagat hinamo ninalong asigin atì, ero kì ba nen nogo. Ero hùnogo mene hesik hùk. Hit hinebe hesigat ninalong asigin o.

1 TESALONIKA 2:2

Hit hinoba oan wagì'lek, o Pilipi atoma were'ma, apùnì atoma mene nen ina'la mea'nisìlìk yì aik tì aik haga'ninapì lagaukwa. Ati'nogo meneat he, ninopase Ala nen ane hano wane a'nogo ninayù'lek hogo yogohisa wesuagalùk haga'ninapikomo wagagusik yogohisiko were'ma apùnì apigat en, “Wene atì ninabìt,” ìlùk, iko kolegat, ninomamerogo yogohisìkì lagagu a'nogo, hineluat o.

PILIPI 1:20

An na'la nen he, wene Karìsùt hesik u nekalì agì'lek yogoisìkì logousak namolo. Halok, nekalì agì'lek yogoisìkì logogin o, ìlùk, hùthìlìk na'la hano welagì. Ninhùp-nanhùbat pak hogoat yogoisìgìrek hak, yogotak atì'nogoat yogoisagalùgat welagì. Nebe neluk logoumo hanoat. Nen, wa'lasumo hanoat. An atì'nogo haga'napo kolek, nebe abirekeat Karìsùt hesik hagatì lagì atì ba, apùnì nen Karìsùt hogorasuagalùgat welagì.

2 KORÌTÙT 11:21

Nit hogo re, atì'nogo hagasusak he, ninoabùt ninayùksek en kamo isugu ìlùk usak he, nekalì apik hasak nogo? Lek o. It apùnì kepù mene nen egarek hak aike yogohisak. At aike ekalì lek hogorakike halok he, an hogo re, nekalì lek hogorakasagat o.

2 KORÌTÙT 8:24

Ala againapùrì aike nen be, “It o Korìtùt mene nen it Titut lak inebe eberogoat inetawì werek,” ìlùk ìgìk, nen, “It Paùlùt lak en it Korìtut mene hano hagasugun ìlùk agaugerinaparek a'nogo eberogoat,” ìlùk ìgìk, uagalùk, it atì hinetawìrogo woginabino o.

2 KORÌTÙT 2:14

Atì'nogo meneat he, at Karìsùt omame agaikesik elokwe wanho kolek nikenem, nit at ninom hutik mene Ala nen Karìsùt opolik wo'nisek nikerek, ìlùk hogorasuok o. Atì'nogo wo'nisek nìkì logolìk, obasi hano mene sang-pang hogo lagarek hak, at Karìsùt hagasike wene a'nogo nit en wìalogo o yì awì tì awì wolok loagalùk wo'nisek nikerek.

ÙRÙM 5:3

Atì hesik enek nina'la hai hakìkì lago hùk. Yì aik tì aik hogorek atì ba, ninetaùken wurik agarek atì nen he, atì'nogo weaga'ninapo kolek, nina'la hai hakìkì lagoat o.

LAKSASIKE 5:41

Wulaksasukwama, it ap wene ero pìlìngìtì lagaukwa mene amanogo heraksalùk wùlùpukwasik, it-it ìkì logolìk he, “Ala nen he, Hit Yesùt etage hesik apùnì nen, Hit weak, ìlùk wenakhisamo elok, ìlùk a'la akike higit hogoat wena'nisaga atì hano,” ìlùk ina'la hai hakìlìk wùlùpukwa.

2 KORÌTÙT 7:14

An nen alebat Titut yogotì logolìk he, “It hobuk hano hagasugun,” ìlùk agaugethinapì lagagi hak hagatepma re, an nekalì agì lek o. Nit en yì wene tì wene eberogoat enek yogohisasugu hak, at Titut yogotì logolìk hit agaugethinapugu atì re, eberogoat o.

2 KORÌTÙT 10:8

Ninoe Etagepogot en he, an nen weagathinabuagalùk esewerek hanhomo hùk. We, hinetaùken wurigethinabuagalùk, esewerek hanhomo welagì atì hesik apik hogorakìkì lagì halok he, nekalì asigin lek o.

PILIPI 1:14

An neki hele warogo hanhama welagì yì nen, Ala againapùrì aike inebe hùkokwe inetaùken ninoe Etagepogot oba hìpìrethìlìk wurik arìk he, wene Karìsùt hesik inane ba pak hogo yogoisìkì logousak inayù'lek arì'logo atì.

PILIPI 1:26

Logouogolùk, an hobuk hinoba wesumo re, hit Karìsùt Yesùt hinom hutik logolìk hina'la nen he, “Paùlùt ninom welago,” ìlùk, an hesik hinalong arìk hina'la hai apik hakogoin atì.

2 TESALONIKA 1:4

Apùnì nen yì aik tì aik hagathinapo kolegat he, hinepe morogo logolìk, hinetaùken Karìsùt oba atì'nogo hìpìrìk welagasep atì nen, nit en Ala againapùrì o yì awi tì awi atogotarek mene hinabok yogoisìkì logolìk ninalong arì'logo o.

PILEMON 1:7

Pilemon nagaiyak e. Hat en apùnì Ala againapùrì mene aike obogat hetawìrinapì logolìk he, ina'la hanorinapetek atì nen, an Ala hesik hagatì logouagalùk netaùken ago wathanhì lagenma na'la hai apik hakìkì lagì o.