2 KORÌTÙT 7:3 - Ala Ane Wene Ket Mene Warogo Wo'ninapike Wene

³ An nen ebalep yogohisìkì logolìk he, “Hit he, hinebe ninetaùken oba lipiksek welagep o. Halok he, ninom wa'lasumo wa'lasusagat o. Nen, ninom nineluk logoumo, logousagat o,” ìlùk atì'nogo isigi atì nen he, yogotak, wene yogohisìgì atì, ùkùm hinoba heigìlùk ìgì lek o.

2 KORÌTÙT 7:3 ပူးပေါင်းရင်းမြစ်များ

1 TESALONIKA 2:8

Nit en hit hinebe ninetawìrogo welago atì nen, Ala ane atì nek sùpùthisasugu hùk. Lek o. We, hinebe ninetawì motok en, nina'la hai hakìkì logolìk, ninebe inomat wokhisasugu atì.

2 KORÌTÙT 13:10

Atì nenat he, nebe walegat logolìk wene yì helal waganogo hìkì lagì. Nebe hobuk wagì halok ninom logolìk he, nane pùk weak wenakhikanogo ìlùk, helal atì'nogo waganogo hìkì lagì atì. Ninoe Etagepogot en omame wo'nesikomo esewerek welagì atì re, hit hinebe weagathinabuagalùk hùk. We, hinetaùken wurigethinabuagalùk esewerek welagì o.

2 KORÌTÙT 12:15

Atì hagat he, hit hinetaùken hesik an nagarok yì mene tì mene hikìgìk, nebe mel hikìgìk, netaùken oba nen na'la hai hakìkì logolìk usagat welagì o. An hit hinebe netaùken tùlem werek kolegat he, hit enek he, an nebe hinetawì lek negen logousak nogo?

2 KORÌTÙT 11:11

Nenahalok an atì'nogo ìgì akegep. Hit hinebe netawì lek en ìgì akegep? Lek o. An hit hinebe netawì welagì atì, Ala elu o.

2 KORÌTÙT 7:12

An nen sùesika helal waganogo hinoba lakhei wagagi meneat he, at aike weak hagasike atì nen lakhei wagagi hùk. Nen, at weak hagasike atì ba it aike nong agaukwa mene atì hesik lakhei wagagi hùgat o. Atì re, we, hit hinokawerek hina'la nen he: “Nit Paùlùt lak ninetawìrogo it hesik keirogo hagasusak welago hìgì,” ìlùk Ala eilhanemat, hinokawerek hinoabùt paloageip en ìlùk lakhei wagagi o.

2 KORÌTÙT 3:2

Nit wo'ninabuagalùk he, hit hinebeat helal hake waganek nit nina'la were'ma re, apùnì obogat en etage salhìk, hùthinìlìk, usak werek o.

PILIPI 1:7

Ala oabùt hano nen nayoko hesikomo re, an neki hele warek welagìk, neki hele oan watì'le'ma hano wene elelerogo ning hogo hagatìk, ìkì lagì hak, hit obogat atì'nogoat ninom hagatì logouagalùk hinayoko hesikeat atì nen, hit hinebe netaùken hutik welagì o. Atì nen he, an nen hit obogat hesik, “Yesùt eberogoat hagathinabi wesigin,” ìlùk akasak mene higit hogoat akìkì lagì.