2 KORÌTÙT 5:9 - Ala Ane Wene Ket Mene Warogo Wo'ninapike Wene

^9-10 At Karìsùt en nit obogat ninogat yì ba logolìk hagatì logogun mene lopok ninanema waganogo ùkùm ninoba hìgìk, kotìk, ìkì logolìk, hano hagato mene halok, “Hano,” ìgìk, nen, weak hagato mene halok, “Weak,” ìgìk, higit hogoat yogonisegein o. Atì'nogo yogonisegein atì nen he, nit o yoma okùlùk logolìk mel, hobuk at aua kìlìk mel, ninetaùken tùlem, at a'la hanorogo nek hagatì logou walok en hagatì lago atì.

2 KORÌTÙT 5:9 ပူးပေါင်းရင်းမြစ်များ

KOLOSE 1:10

Atì'nogo hinelu arìk he, ninoe Etagepogot a'la hanorogo, at walok akikerek mene higit hogo hagatì logousagat. Yì mene tì mene awì yatenem ero hùko arik eken ìterek hak, hit Ala oabùt hinelu aga logolìk, yì mene tì mene hano mene hagatì logousak atì.

ÙRÙM 14:18

Hit Karìsùt atitigeko logolìk, wene atì hesik hano hagatì logoumo, Ala a'la hano agìk, apùnì aike ina'la nen he: “At atì hano,” ìlùk ina'la akìgìk, ugunat o.

2 PETERÙT 3:14

Nerùgì nagaiya'lak. Hinebe netawì e. Atì'nogo wesigin ìlùk, serogo logolìk he, ùkùm hinoba hakìgì'legat, weak agì'legat, Ala hinom hano were'ma at ebe hisa Wesuak en, at hesik akiluk hogo hagatì logoino.

1 TIMOTÌÙT 4:10

Ala ebe re, yì apùnì tì apùnì obogat telinapùkwe welagarek meneat he, esin hake re, nit ninetaùken at oba hìpìrethìkì lago mene hùgì telninaperek atì nen, ninetaùken at eluk motok welagarek mene oba hìpìrethìlìk, at hesik ninaberalì lek hogoat, ninomamerogo hagatì lago.

1 TESALONIKA 4:11

Nit en alep yogohisasugu hagat, hinepe morogo logolìk hineki nen hinokawerek hinobaga mene lopok wanhì lagep mene atìat esinethìkì logoino.

1 TESALONIKA 4:1

Nerùgì nagaiya'lak. Wene elùgùn oba aike yì yogohisak. Nit ninoe Etagepogot Yesùt en, “Hinoabùt Ala a'la hanorogo, yì'nogo hagatì logoino, tì'nogo hagatì logoino,” ìlùk, isikomo yakùlhisa wagagu a'nogo hinelu. Atì'nogo yakùlhisasugumo, hit en atì'nogo hagatì lagep meneat he, hobuk aike inom hogo hùkorogo hagatì logouageip ìlùk, ninoe Etagepogot Yesùt ninom hutik logolìk hinasuk warogo yogohisìgì atì.

1 KORÌTÙT 15:58

Atì nenat, nerùgì nagaiya'lak. Hinebe netawì. Hinetaùken wurik hogo, hapuk hogo logoino. Ninoe Etagepogot ninom hutik logolìk he, at hesik yì mene tì mene hagatenem alema'lasigin lek o, ìlùk, hùkorogo hagato motok logoino o.

ÙRÙM 15:20

Wene atì'nogo ìlùk helal yì'nogo waganogo hesukwama werek: “It apùnì aike, at abok holhì'lek mene ineileken hìgìk, nen it wene holhì'lek mene nen hùthìgìk, ugun o,” ìlùk helal waganogo hesukwa higit hogoat yogoisìlìk waga logolìk, it apùnì aike nen he, o tik warì'mo an nen o ebe wusu hak hagasinogo ìlùk, netaùken tùlem he, apùnì Karìsùt etage inasuk oan holhì'le'ma a'loma hano wene yogoisìlìk wesigìlùk akasigi.

ÙRÙM 14:8

We, nit nineluk welago halok, ninoe Etagepogot hesigat welago. Nen, wa'lasugun halok, at hesigat wa'lasugun o. Halok he, nineluk logousak mel, wa'lasusak mel, at meneat welago.

LAKSASIKE 10:35

Apùnì inùkùl etage ya mene ta mene at ebe inayùk logolìk inoabùt higit hogo hagatarek mene hùgì woginaperek enek hìgì o.

IBERANI 12:28

Atì'nogo abologothegein meneat he, nit enek he, Ala awe a'ma hinikere'ma abolok igin motok lek mene wo'nisasikomo ese agosik welago atì nen he, “Ala nopase,” ìlùk hai watì lo gouok o. Nen, at Ala ebe re, etu nen yì mene tì mene nikerek atì hagatma, nit atì'nogo weaga'ninabinogo ìlùk, at ebe ninayùk hogo hagatìk, agauk hogo hagatìk, ìkì logolìk, at ane hologo a'la walok mene hagatì logolìk, hogoratì logouok o.

IBERANI 4:11

It alep Ala ane hologo higit hogo hagatì'lek en, set walìgì'lek atì hak, nit aike it inomanem set walìgì'lek kamo inogo ìlùk, ninomamerogo hagatì logouok o.

KOLOSE 1:29

An wene atì hesik katok hogo hagasigìlùk, at Karìsùt omame a'nogo an na'la logolìk nomame'napo kolek, ning hogo nomamerogoat hagatì lagi atì.

2 KORÌTÙT 5:8

Atì nenat nina'la se welago. Ninogat yì kopologo heraksalùk, ninoe Etagepogot were'ma kìlìk ninom logou walok e, akìkì lago.

2 KORÌTÙT 5:6

Atì'nogo logolìk, hobuk hano asigin, ìlùk nina'la se welago. Apùnì o hobuk wùrì'mo logouogolùk alep wùrì'mo welagaikarek hak, ninogat yì mene ba logolìk he, ninoe Etagepogot aua ninom logogun oba atì walegat welago, ìlùk ninelu.

YOHANET 6:27

Sùpùrùk hili arìk lek asusak mane hesik yabu hagatùp o. At he, sùpùrùk motok logogin mene nìkì logolìk, ineluk motok logousak mane atì, an nenat wokhisìkì logouagalùk, nopase nen nayoko hìlìk lakhani wagaikomo, abat ta'lasi wagagi atì hesik yabu hagatì logoni o,” ìlùk yogoisasike.

EPESÙT 1:6

At oabùt hano nen aput etaùken tùlem mene etawì agì'legat wo'nisasike atì hesik, nit en he, “Egi. Nayùk e,” ìlùk, hogoratì logouok o.