2 KORÌTÙT 2:9 - Ala Ane Wene Ket Mene Warogo Wo'ninapike Wene

⁹ An nen, “Hit tì'nogo haga'no,” ìlùk, yakùlhisasigi a'nogo, nane hologo hagarì'lùgì a? Lek a, ìlùk hinoabùt paligìlùk wene atì helal waganogo hinoba lakhei wagagi atì.

2 KORÌTÙT 2:9 ပူးပေါင်းရင်းမြစ်များ

2 KORÌTÙT 10:6

Nit en he, hit Ala ane katok hogo hologo motok hagatì lagep halok he, tegelogo hikìkì logolìk it aike at ane inasuk holùhùk mene hùgì ùkùm inoba houogolùk welago.

PILEMON 1:21

Wene an nen yogohetì mene atì hat en hasuk hologo hagasiginat hìgì, ìlùk, na'la akìgìrìk en he, wene yì helal waganogo hoba lakhei wagì atì o. An nen, “Ebe wanino,” ìlùk, yogohetì mene atì, hat en atì'nogo hagatì logolìk hano mene aike inom hagasiginat hìgì, ìlùk, an neluat o.

PILIPI 2:22

Mene re, at Timotìùt oabùt enagat hagaterek a'nogo hinelu. Inagainapùrì nen inopaselak leberisagarek hak, at ebe re, Ala awe a'ma logolìk an lebe'neagalùk hano wene a'nogo neperak en yogoisìlìk nìkì lagosik.

2 TESALONIKA 3:14

Wene helal waganogo hinoba lakhei wago mene atì, it aike nen inasuk hologo hagasusak inabìt mene atì, inekalì asuagalùk it inoabùt atì'nogo hagarì'lùgì mene atì hùthìlìk he, hinom hùnethìlìk logogùp o.

PILIPI 2:12

Nerùgì nagaiya'lak. Hinebe netawì e. An ninom logolìk, nane ninhùp-nanhùbat ikenem hologo hagatì lagagip atì hagat, an yogotak nebe walegat werek kolek, nane atìat esinethìlìk he, hologo motok hagatì logoino. At Ala nen, hit en hagatì logouageip ìlùk, hina'la kagalogo hagathinapenem, hit hina'la nen he, “Ì, nit atì'nogo hagatì logou walok,” ìlùk ìlìk, Ala a'la walok mene hagatì lagep atì nen, at ebe hinayùk hogo hinoagelekwe lei'-leik ìkì logolìk, “At en telninabigin,” ìlùk atì hesigat hagato motok logoino.

2 KORÌTÙT 8:24

Ala againapùrì aike nen be, “It o Korìtùt mene nen it Titut lak inebe eberogoat inetawì werek,” ìlùk ìgìk, nen, “It Paùlùt lak en it Korìtut mene hano hagasugun ìlùk agaugerinaparek a'nogo eberogoat,” ìlùk ìgìk, uagalùk, it atì hinetawìrogo woginabino o.

2 KORÌTÙT 2:3

Hit enat an na'la hano'nabusak atì. Hit an na'la hano'nabumo an na'la hai hakìgì halok he, hit obogat hina'la hai hakasagat akìkì lagì. Atì nen he, an hit hinoba waganem hit en an na'la weaga'nabinogo ìlù, hinoba wesu nabìt en, wene arat helal waganogo hinoba lakhei wagagi atì o.

2 KORÌTÙT 2:4

Wene helal waganogo alep lakhei wagagi atì re, na'la weagat, netaùken ekinatma, le apik aga logolìk lakhei wagagi o. Hina'la weagasuagalùk lakhei wagagi hùk. Lek o. We, an hit netawì motok welagì atì hinelu asuagalùk hinoba lakhei wagagi ati.

2 KORÌTÙT 2:8

At ap atì ebe hinetawìrogo apotkwe wanuageip en ìlùk, hinasuk warogo yogohisìgì atì.

2 KORÌTÙT 8:2

It apùnì aike nen yì aik tì aik apigat weagarinapo kolegat he, it ina'la hai hùkorogo hakìlì'lùgì atì ba inoabùt enagat aga. It inagarok motok lek inelageik logolìgat he, it mene apigat, lebek hogo it apùnì aike wogisìlì'lùgì atì.